ମନମୋହନଙ୍କ ପରେ ମେଣ୍ଟ ଚର୍ଚ୍ଚାକୁ ଖଣ୍ଡନ କଲେ ରାଜ୍ୟ ବିଜେପି ନିର୍ବାଚନ ପ୍ରଭାରୀ । କହିଲେ,ଓଡ଼ିଶାରେ ଏକାକୀ ଲଢ଼ିବ ବିଜେପି ।
କନକ ବ୍ୟୁରୋ: ବିଜେଡି ସହ ମେଣ୍ଟ ଖବରକୁ ପୁଣି ଖଣ୍ଡନ କଲେ ଆଉ ଜଣେ ବିଜେପି ନେତା । ରାଜ୍ୟ ବିଜେପି ନିର୍ବାଚନ ପ୍ରଭାରୀ ବିଜୟ ପାଲ ସିଂ ତୋମାର । ସେ କହିଛନ୍ତି ଯେ, ତାଂକ ଜାଣିବାରେ କୌଣସି ମେଂଟ ହେଉ ନାହିଁ । ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା ଓ ଅନ୍ୟ ନେତାଙ୍କ ସହ କଥା ହୋଇଛନ୍ତି, ହେଲେ ମେଂଟ ନେଇ କୌଣସି ଚର୍ଚ୍ଚା ହୋଇନଥିବା ସେ କହିଛନ୍ତି । ଓଡ଼ିଶାରେ ବିଜେପି ଏକାକୀ ଲଢ଼ିବ । ୮୦ ଅଧିକ ବିଧାନସଭା ଓ ୧୬ ଲୋକସଭା ଆସନ ଜିତିବ ବୋଲି କହିଛନ୍ତି ବିଜୟ ପାଲ ସିଂ ତୋମାର ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଦିଲ୍ଲୀରୁ ଫେରିବା ପରେ ମେଂଟ ହେବ ନାହିଁ ବୋଲି କହିଥିଲେ ରାଜ୍ୟ ବିଜେପି ସଭାପତି ମନମୋହନ ସାମଲ । ସେପଟେ ଆଜି ବିଜେପି ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିପାରେ । ପ୍ରଥମ ପର୍ଯ୍ୟାୟରେ ଶହେ ଜଣଙ୍କ ନାଁ ଘୋଷଣା କରିପାରେ ଦଳ । ଏହି ତାଲିକାରେ ଓଡ଼ିଶାର କାହା ନାଁ ରହିଛି, ତା ଉପରେ ସମସ୍ତଙ୍କ ନଜର ରହିଛି ।