ବ୍ରଜରାଜନଗର ଉପ-ନିର୍ବାଚନ : କିଶୋରଙ୍କ ପାଇଁ ପ୍ରଚାର କରିବେ ଛତିଶଗଡ ମୁଖ୍ୟମନ୍ତ୍ରୀ, ଯୁବ ଭୋଟରଙ୍କ ଭୋଟ ହାତେଇବାକୁ ପ୍ରଚାର ମୈଦାନକୁ ଓହ୍ଲାଇବେ କହ୍ନେୟା ଓ ଜିଗ୍ନେଶ ।
କନକ ବ୍ୟୁରୋ : ବ୍ରଜରାଜନଗର ଉପ-ନିର୍ବାଚନ ପାଇଁ କଂଗ୍ରେସର ଷ୍ଟାର ପ୍ରଚାରକ ତାଲିକା ଘୋଷଣା । ୪୦ ଜଣିଆ ଷ୍ଟାର ପ୍ରଚାରକ ତାଲିକା ଘୋଷଣା କରିଛି କଂଗ୍ରେସ । ଯେଉଁଥିରେ ଅନେକ ବଡ ଚେହେରାଙ୍କୁ ସାମିଲ କରାଯାଇଛି । ଖାସକରି ଛତିଶଗଡର ମୁଖ୍ୟମନ୍ତ୍ରୀ ଭୂପେଶ ବାଘେଲ, କଂଗ୍ରେସର ଯୁବ ନେତା କହ୍ନେୟା କୁମାର ଓ ବିଧାୟକ ଜିଗ୍ନେଶ ମେୱାନି ମଧ୍ୟ କଂଗ୍ରେସ ପ୍ରାର୍ଥୀ କିଶୋର ପଟେଲଙ୍କ ପାଇଁ ପ୍ରଚାର ମୈଦାନକୁ ଓହ୍ଲାଇବେ । ଛତିଶଗଡ ସୀମାନ୍ତରେ ବ୍ରଜରାଜନଗର ନିର୍ବାଚନମଣ୍ଡଳୀ ରହି ଥିବାରୁ ଛତିଶଗଡର ଅନେକ ମନ୍ତ୍ରୀଙ୍କୁ ମଧ୍ୟ ଷ୍ଟାର ପ୍ରଚାରକ ତାଲିକାରେ ସାମିଲ କରାଯାଇଛି । ସେହିଭଳି ଯୁବ ଭୋଟରଙ୍କୁ ଆକୃଷ୍ଟ କରିବାକୁ କହ୍ନେୟା କୁମାର ଓ ଜିଗ୍ନେଶ ମେୱାନିଙ୍କ ଭଳି ଯୁବ ନେତୃତ୍ୱଙ୍କୁ ପ୍ରଚାର ମୈଦାନକୁ ଓହ୍ଲାଇବ ଦଳ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ୪୦ ଜଣିଆ ଷ୍ଟାର ପ୍ରଚାରକ ତାଲିକାରେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ସମେତ ଦଳର ସମସ୍ତ ବିଧାୟକ, ପ୍ରଭାରୀ ଚେଲ୍ଲା କୁମାର ଓ ଅନ୍ୟ ବରିଷ୍ଠ ନେତାଙ୍କୁ ମଧ୍ୟ ସାମଲି କରାଯାଇଛି । ବ୍ରଜରାଜନଗର ପୂର୍ବରୁ କଂଗ୍ରେସର ଗଡ ଥିବା ବେଳେ ଏବେ ପୁଣିଥରେ ଏହି ଆସନକୁ ଅକ୍ତିଆର କରିବାକୁ ଜୋରଦାର ଉଦ୍ୟମ କରିଛି କଂଗ୍ରେସ । ତୃଣମୂଳସ୍ତରରେ କଠିନ ପରିଶ୍ରମ ବଳରେ ପୁଣିଥରେ ବ୍ରଜରାଜନଗରରେ କଂଗ୍ରେସର ହାତ ଟେକିବ ବୋଲି ଆଶାବାଦୀ ଅଛନ୍ତି କଂଗ୍ରେସ ନେତୃତ୍ୱ ।