ଟିକା କେନ୍ଦ୍ରରେ ଭୀଷଣ ଅବ୍ୟବସ୍ଥା : ପୋଲସରା କଲ୍ୟାଣ ମଣ୍ଡପରେ ଗେଟ ଖୋଲିବା ମାତ୍ରେ ଧାଡ଼ି ଛିଡ଼ା ହେବା ପାଇଁ ଧସେଇ ପଶିବା ବେଳେ ଦଳା ଚକଟା; ଭାଙ୍ଗିଲା ବୟସ୍କ ମହିଳାଙ୍କ ପଞ୍ଜରା ହାଡ଼
କନକ ବ୍ୟୁରୋ : ଟିକା କେନ୍ଦ୍ରରେ ଭୀଷଣ ଅବ୍ୟବସ୍ଥା । କ୍ଷମତାଠାରୁ ଅଧିକ ଲୋକ ଟିକା କେନ୍ଦ୍ରକୁ ଚାଲିଆସୁଥିବାରୁ ଏଭଳି ଅବ୍ୟବସ୍ଥା ଦେଖିବାକୁ ମିଳୁଛି । ସମାନ ଚିତ୍ର ଗଞ୍ଜାମ ଜିଲ୍ଲା ପୋଲସରାରୁ ଆସିଛି । ୮୦୦ ଲୋକଙ୍କ ପାଇଁ ଟିକାଦାନ ବ୍ୟବସ୍ଥା ହୋଇଥିବାବେଳେ ପଂହଚିଥିଲେ ପ୍ରାୟ ୫ ହଜାର ଲୋକ । ପୋଲସରା କଲ୍ୟାଣ ମଣ୍ଡପରେ ଟିକା ନେବା ପାଇଁ ଲୋକଙ୍କ ଅସମ୍ଭବ ଭିଡ ଜମିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଗେଟ ଖୋଲିବା ମାତ୍ରେ ଆଗ ଯାଇ ଧାଡିରେ ଛିଡା ହେବାକୁ ଲୋକଙ୍କ ଭିତରେ ଆରମ୍ଭ ହୋଇଗଲା ପ୍ରତିଯୋଗିତା । ଲୋକେ ଦୌଡାଦୋଡି ହୋଇ ଟିକା କେନ୍ଦ୍ର ଭିତରକୁ ପଶିବାବେଳେ ଲକ୍ଷଣ ପଲ୍ଲିର ଜଣେ ବୟସ୍କ ମହିଳା ତଳେ ପଡି ଯାଇଥିଲେ । ହେଲେ ଧାଡିରେ ରହିବା ପାଇଁ ଲୋକମାନେ ମହିଲାଙ୍କ ଉପରେ ଚଢି ଭିତରକୁ ଦୌଡିଥିଲେ । ଫଳରେ ଗୁରୁତର ଆହାତ ହୋଇଛନ୍ତି ମହିଳା ଜଣଙ୍କ । ତାଙ୍କ ପଞ୍ଜରା ହାଡ ଭାଙ୍ଗି ଯାଇଥିବା କହିଛନ୍ତି । ତାଙ୍କୁ ପ୍ରଥମେ ପୋଲସରା ସ୍ୱାସ୍ଥ୍ୟକେନ୍ଦ୍ର ଓ ପରେ ବ୍ରହ୍ମପୁର ପଠାଯାଇଥିଲା ।