ଆଜି ଭିକି-କ୍ୟାଟ୍ରଙ୍କ ବାହାଘର : ରାଜସ୍ଥାନ ମୋଧୋପୁରରେ ଥିବା ସିକ୍ସ ସେନ୍ସସ ଫୋର୍ଟରେ ଜୋରଦାର ପ୍ରସ୍ତୁତି
ବିହାହରେ ଯୋଗ ଦେବାକୁ ଆସୁଛନ୍ତି ବଲିଉଡ କଳାକାର
କନକ ବ୍ୟୁରୋ : ଆଜି ବିବାହ ବନ୍ଧନରେ ବାନ୍ଧି ହେବେ ବଲିଉଡ ଅଭିନେତା ବିକି କୌଶଲ ଏବଂ ଅଭିନେତ୍ରୀ କ୍ୟାଟ୍ରିନା କୌଫ୍ । ରାଜସ୍ଥାନର ମୋଧୋପୁରରେ ଥିବା ସିକ୍ସ ସେନ୍ସସ ଫୋର୍ଟରେ ବିବାହ ହେବ । ପ୍ରାୟ ଦୁଇ ବର୍ଷ ହେବ ପରସ୍ପରକୁ ଡେଟ୍ କରୁଥିବା ବେଳେ ଗତ ମାସରେ ଉଭୟ ବିବାହ ବନ୍ଧନର ବାନ୍ଧିବାକୁ ଯାଉଛନ୍ତି ବୋଲି ଖବର ଆସିଥିଲା । ବିବାହରେ ସାମିଲ ହେବାକୁ ଉଭୟଙ୍କ ପରିବାର ଲୋକ ଉପସ୍ଥିତ ଥିବା ବେଳେ ଅନେକ ସାଥୀ କଳାକାର ରାଜସ୍ଥାନର ଏହି ପ୍ୟାଲେସରେ ପହଂଚିଛନ୍ତି । ଏହି ହାଇପ୍ରୋଫାଇଲ ବିବାହ ପାଇଁ ସ୍ଥାନୀୟ ଅଂଚଳରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ୧୨ ତାରିଖ ଯାଏ ଉଭୟ ଏହି ଫୋର୍ଟରେ ରହିବେ ବୋଲି ଜଣାପଡିଛି । ଏହାପରେ ସ୍ଥାନୀୟ ଚୌଥ ମାତା ମନ୍ଦିରକୁ ଦର୍ଶନ ପାଇଁ ଯିବେ ବୋଲି ସୂଚନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ମାତ୍ର ୧୨୦ ଜଣ ଅତିଥିଙ୍କୁ ନିମନ୍ତ୍ରଣ କରାଯାଇଛି ଏବଂ ଅତିଥିମାନଙ୍କ ପାଇଁ ବି କେତେକ ସର୍ତ୍ତ ରଖାଯାଇଛି ଯେ ସେମାନେ ଫଟୋ ଉଠାଇପାରିବେ ନାହିଁ କି ବାହାଘର ବିଷୟରେ ବାହାରେ ଚର୍ଚ୍ଚା କରିବେ ନାହିଁ ଇତ୍ୟାଦି । କିନ୍ତୁ ଫଟୋଉଠା ଉପରେ ପ୍ରତିବନ୍ଧ ଲାଗିଥିଲେ ମଧ୍ୟ ଦୀପାବଳିରେ ହୋଇଥିବା ସେମାନଙ୍କ ନିର୍ବନ୍ଧଠାରୁ ଆରମ୍ଭ କରି ବର୍ତ୍ତମାନର ସଂଗୀତ ଓ ମେହେନ୍ଦି ଆଦି ସବୁ କାର୍ଯ୍ୟକ୍ରମର ଭଳିକି ଭଳି ଫଟୋ ସୋସିଆଲ ମିଡ଼ିଆରେ ଓ ବିଭିନ୍ନ ୱେବ୍ସାଇଟରେ ଦେଖିବାକୁ ମିଳୁଛି । ତେବେ ବିବାହ ସମାରୋହକୁ ପ୍ରାଇଭେଟ୍ ରଖାଯିବାର କାରଣ କ’ଣ ତାହା ଏବେ ପଦାକୁ ଆସିଛି। ସୂଚନା ଅନୁସାରେ ଏକ ଓଟିଟି କମ୍ପାନି ବିବାହ ଫଟୋ ପାଇଁ ବଡ଼ ଅଫର ଦେଇଛି । ୧୦୦ କୋଟି ଟଙ୍କାର ଅଫର। ସେଥିପାଇଁ କ୍ୟାଟ୍ରିନା ଓ ଭିକ୍କି ଫଟୋ ଯେପରି ଲିକ୍ ନ ହୁଏ ସେଥିପାଇଁ ଖାସ୍ ବ୍ୟବସ୍ଥା କରିଛନ୍ତି ।
ଖବର ଅନୁସାରେ ଯେଉଁ ଓଟିଟି କମ୍ପାନି ଅଫର ଦେଇଛି ସେ ଦୁହିଁଙ୍କ ବିବାହର ଭିଡିଓଗୁଡ଼ିକୁ ଓଟିଟି ପ୍ଲାଟଫର୍ମରେ ଛାଡ଼ିବାକୁ ଯୋଜନା କରିଛି । ତେବେ କ୍ୟାଟ୍ରିନା ଓ ଭିକ୍କିଙ୍କ ଦ୍ବାରା ସେମାନଙ୍କ ବିବାହ ସମ୍ବନ୍ଧରେ ଏପର୍ଯ୍ୟନ୍ତ କୌଣସି ଆଧିକାରିକ ଘୋଷଣା କରାଯାଇ ନାହିଁ । ଏ ପ୍ରକାର ଟ୍ରେଣ୍ଡ୍ ନୂଆ ନୁହେଁ । ଆଗରୁ କେତେକ ଷ୍ଟାର ସେଲିବ୍ରିଟି ବି ଏହାକୁ ଆପଣେଇଛନ୍ତି । କେତେକ ବାହାର ଦେଶରେ ବି ଏହି ଧାରା ବହୁ ଆଗରୁ ଚାଲିଆସୁଛି । କେତେକ ସେଲିବ୍ରିଟି ନିଜ ବିବାହର ଏକ୍ଲୁସିଭ୍ ଫଟୋ ଓ ଭିଡିଓଗୁଡ଼ିକର ରାଇଟ୍କୁ କୌଣସି କମ୍ପାନିକୁ ମୋଟା ମୂଲ୍ୟ ବିନିମୟରେ ବିକ୍ରି କରିଦେଇଥାନ୍ତି ।
ଉଲ୍ଲେଖଯୋଗ୍ୟ, ଉଭୟ ପକ୍ଷର ପରିବାରବର୍ଗ ସମେତ ନିମନ୍ତ୍ରିତ ବନ୍ଧୁମାେନ ଗତ ସୋମବାର ରାତିରୁ ବିବାହ ଉତ୍ସବ ସ୍ଥଳରେ ପହଞ୍ଚି ସାରିଛନ୍ତି । ଗତ ମଙ୍ଗଳବାର ଠାରୁ ବିବାହର ବିଭିନ୍ନ ରୀତିନୀତି ଆରମ୍ଭ ହୋଇଯାଇଛି । ମଙ୍ଗଳବାର ସନ୍ଧ୍ୟାରେ ସେମାନଙ୍କ ସଂଗୀତ ଉତ୍ସବ ସରିଥିବା ବେଳେ ବୁଧବାର ହଳଦୀ ଉତ୍ସବ ସମ୍ପନ୍ନ ହୋଇଛି । କବିର ଖାନ, ମିନି ମାଥୁର, ନେହା ଧୁପିଆ, ଅଙ୍ଗଦ ବେଦୀ, ଗୁରଦାସ ମାନ, ସିମରନ କୌର ପ୍ରମୁଖ ସେଲିବ୍ରିଟି ଏହି ବିବାହ ଉତ୍ସବରେ ସାମିଲ ହୋଇଥିବାର ଜଣାପଡ଼ିଛି। ତେବେ କ୍ୟାଟ୍ରିନାଙ୍କ ମାଆ ସୁଜୈନ ଟର୍କୁଅଟ୍ ଭିକ୍କିଙ୍କ ମାତା-ପିତାଙ୍କୁ ଆସନ୍ତା ବର୍ଷ ଜାନୁଆରିରେ ଲଣ୍ଡନ୍ ଯିବାକୁ ନିମନ୍ତ୍ରିତ କରିଛନ୍ତି। ତେଣୁ ଏହି ନବବିବାହିତ ଦମ୍ପତି ଆସନ୍ତା ବର୍ଷ ଲଣ୍ଡନ୍ ଯିବାର ଯୋଜନା କରୁଛନ୍ତି ବୋଲି ଶୁଣିବାକୁ ମିଳୁଛି ।