ଶ୍ରୀଲଙ୍କାର ସ୍ଥିତି ନେଇ ରାଷ୍ଟ୍ରଦୂତ ମିଲିଣ୍ଡା କହିଲେ ଏଭଳି କଥା, “ଶ୍ରୀଲଙ୍କା ଅର୍ଥ ବ୍ୟବସ୍ଥାର ଚାବି ଭାରତ ପାଖରେ ରହିଛି “
କନକ ବ୍ୟୁରୋ : ଶ୍ରୀଲଙ୍କାରେ ଉପୁଜିଥିବା ଆର୍ଥିକ ସମସ୍ୟା ପରେ ଭାରତ ଲଗାତର ଭାବେ ଶ୍ରୀଲଙ୍କାକୁ ଆର୍ଥିକ ସହାୟତା ଯୋଗାଇ ଆସୁଛି । ଏହି କଥାକୁ ନେଇ ଭାରତରେ ନିଯୁକ୍ତ ହୋଇଥିବା ଶ୍ରୀଲଙ୍କାର ରାଷ୍ଟ୍ରଦୂତ ମିଲିଣ୍ଡା ମୋରାଗୋଡା ଭାରତକୁ କୃତଜ୍ଞତା ଜଣାଇବା ସହ କହିଛନ୍ତି କି ଶ୍ରୀଲଙ୍କାର ଏଭଳି ପରିସ୍ଥିତି ଭିତରେ କେବଳ ଭାରତ ହିଁ ଶ୍ରୀଲଙ୍କାକୁ ରକ୍ଷା କରିପାରିବ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ମଙ୍ଗଳବାର ଦିନ ଭାରତ ଶ୍ରୀଲଙ୍କାକୁ ପେଟ୍ରୋଲିୟମ ଉତ୍ପାଦ କ୍ରୟ କରିବାକୁ ୫୦ କୋଟି ଡଲାରର ସହାୟତା ଯୋଗାଇ ଦେଇଛି । ସହାୟତା ପାଇବାର ଗୋଟିଏ ଦିନ ପରେ ମିଲିଣ୍ଡା ଏଭଳି ପ୍ରତିକ୍ରିୟା ଦେଇଛନ୍ତି । ଏହାସହ ଶ୍ରୀଲଙ୍କାର ରାଷ୍ଟ୍ରପତି ଗୋଟାବାୟା ରାଜପକ୍ଷେ ଦେଶର ଆର୍ଥିକ ସ୍ଥିତିର ସୁଧାର ଆଣିବାକୁ ଲଗାତର ପ୍ରୟାସ ଜାରି ରଖିଛନ୍ତି ।
ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ମିଲିଣ୍ଡା କହିଛନ୍ତି କି ବିଜୁଳି ଭଳି ଅତ୍ୟାବଶକୀୟ ସେବାକୁ ନେଇ ଭାରତ ସର୍ବଦା ଶ୍ରୀଲଙ୍କାକୁ ସହାୟତା ଯୋଗାଇ ଆସିଛି । ସେ ଆହୁରି କହିଛନ୍ତି କି ଜରୁରୀ ସେବା ଯେଭଳି କି, ପେଟ୍ରୋଲିୟମ, ବିଜୁଳି, ବନ୍ଦର, ରପ୍ତାନୀ, ଉତ୍ପାଦନ ଭଳି ସେକ୍ଟରକୁ ନେଇ ଭାରତ ଓ ଶ୍ରୀଲଙ୍କା ମଧ୍ୟରେ ଉତ୍ତମ ବୁଝାମଣା ରହିଛି ।
ଅନେକ ଲୋକଙ୍କ ମନରେ ରହିଛି କି ଶ୍ରୀଲଙ୍କା ଅର୍ଥିକ ଅବସ୍ଥାର ସୁଧାର ଆଣିବାକୁ ଚୀନ ଠାରୁ ଋଣ ନେଇଛି । ହେଲେ ଏକଥାକୁ ପ୍ରତ୍ୟାଖାନ କରିଛନ୍ତି ମିଲିଣ୍ଡା । ସେ କହିଛନ୍ତି କି ବଜେଟ ଓ ସରକାରୀ ଯୋଜନାକୁ ପରିଚାଳନା କରିବାକୁ ଯାଇ ଶ୍ରୀଲଙ୍କା ଏଭଳି ସ୍ଥିତିରେ ପହଂଚିଛି । ଏନେଇ କୌଣସି ଦେଶକୁ ଦୋଷଦେବା ଠିକ ନୁହେଁ ବୋଲି ସେ ସ୍ପଷ୍ଟ କରିଦେଇଛନ୍ତି ।
ଅନ୍ୟପଟେ ଶ୍ରୀଲଙ୍କାରେ ଆରମ୍ଭ ହୋଇଥିବା ନୂଆ ଅର୍ଥ ବ୍ୟବସ୍ଥାର ଚାବି ଭାରତ ପାଖରେ ଥିବା କଥା ମିଲିଣ୍ଡା କହିବା ସହ ଏଭଳି ସ୍ଥିତିରୁ ମୁକୁଳିବାକୁ ଭାରତ ତାଙ୍କୁ ନିଶ୍ଚିନ୍ତ ସହାୟତା କରିବ ବୋଲି ମିଲିଣ୍ଡା ଆଶା ପ୍ରକାଶ କରିଛନ୍ତି ।