ଶ୍ରୀଲଙ୍କା ଇଷ୍ଟର ବ୍ଲାଷ୍ଟ ପରେ ସନ୍ଦିଗ୍ଧଙ୍କ ଠିକଣାରେ ଚଢାଉ କଲା ପୋଲିସ୍ ! ୬ ଜଣ ଛୋଟ ପିଲାଙ୍କ ସମେତ ୧୫ ଜଣ ଆତଙ୍କବାଦୀଙ୍କ ମୃତ୍ୟୁ ।
ଶ୍ରୀଲଙ୍କାରେ ଇଷ୍ଟର ପର୍ବ ଦିନ ହୋଇଥିବା ସିରିଏଲ୍ ବୋମା ବିସ୍ଫୋରଣ ପରେ ଆତଙ୍କବାଦୀ ଘଟଣା ଚାଲୁରହିଛି । ପୋଲିସ ଏବଂ ସୁରକ୍ଷାବଳ ମଧ୍ୟ ଏହାର ଜବାବ୍ ଦେଉଛନ୍ତି । ଶନିବାର ସୁରକ୍ଷାବଳ ପୂର୍ବ ଅଞ୍ଚଳରେ ଆତଙ୍କବାଦୀ ସଂଗଠନ ଇସଲାମିକ୍ ଷ୍ଟେଟ୍ (ଆଇଏସଆଇଏସ) ସହ ଜଡିତ ଥିବା ଅନେକ ଠିକଣାରେ ଚଢାଉ କରିଥିଲେ । ଏହି ସମୟରେ ହୋଇଥିବା ମୁହାଁମୁହିଁରେ ୧୫ ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଥିବା ବେଳେ ମୃତକଙ୍କ ମଧ୍ୟରେ ୬ ଜଣ ଛୋଟପିଲା ରହିଛନ୍ତି । ସେନା ପ୍ରବକ୍ତା ସୁମିତ୍ ଅଟାପଟ୍ଟୁ ଏଜେନ୍ସୀକୁ ଏହି ବିବରଣୀ ଦେଇଛନ୍ତି । ସେ କହିଛନ୍ତି ଯେ ସେନା ଯେତେବେଳେ କଲମୁନଇ ସହରରେ ବନ୍ଧୁକଧାରୀଙ୍କ ଠିକଣାରେ ପଶିବାକୁ ଚେଷ୍ଟା କରିଥିଲେ ସେତେବେଳେ ବନ୍ଧୁକଧାରୀ ଗୁଳି ଫୁଟାଇବା ଆରମ୍ଭ କରିଦେଇଥିଲେ । ପ୍ରବକ୍ତା କହିଛନ୍ତି ଯେ ଜବାବରେ ସୁରକ୍ଷାବଳଙ୍କ ଗୁଳିରେ ୧୫ ଜଣ ଆତଙ୍କବାଦୀ ପ୍ରାଣ ହରାଇଛନ୍ତି । ଏଥିରେ ଜଣେ ସାଧାରଣ ନାଗରିକଙ୍କ ମଧ୍ୟ ମୃତ୍ୟୁ ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ପୋଲିସ୍ ପ୍ରବକ୍ତା କହିଛନ୍ତି କଲୋମ୍ବୋରୁ ୩୨୫ କି.ମି. ଦୂର ତଟ ସହର କଲମୁନଇରେ ଗୋଳାବାରୁଦ ଚାଲୁଥିବା ସମୟରେ ଜଣେ ଆତ୍ମଘାତୀ ଆକ୍ରମଣକାରୀ ନିଜ ଦେହରେ ବିସ୍ଫୋରଣ ଲଗାଇଥିଲା ଯାହାଦ୍ୱାରା ତାର ମୃତ୍ୟୁ ହୋଇଛି । ପ୍ରବକ୍ତାଙ୍କ ମୁତାବକ, ଆତଙ୍କବାଦୀଙ୍କ ଠିକଣାରୁ ବିସ୍ଫୋଟକର ଏକ ବଡ ଜକ୍ôଷରା,ଡ୍ରୋନ୍ ଏବଂ ଇସଲାମିକ୍ ଷ୍ଟେଟ୍ ଲୋକଙ୍କର ଏକ ବ୍ୟାନର୍ ଜବତ କରାଯାଇଛି । ଆପଣଙ୍କୁ କହିରଖୁଛୁ ଏହା ପୂର୍ବରୁ ଏପ୍ରିଲ୍ ୨୧ ତାରିଖରେ ଖ୍ରୀଷ୍ଟିୟାନ୍ ସମୁଦାୟର ଇଷ୍ଟର ପର୍ବ ସମୟରେ ଶ୍ରୀଲଙ୍କାର ଭିନ୍ନ ଭିନ୍ନ ସ୍ଥାନରେ ଚର୍ଚ୍ଚକୁ ଟାର୍ଗେଟ୍ କରାଯାଇଥିଲା । ମୋଟ ୮ ଟି ବୋମା ଧମାକା ହୋଇଥିଲା,ଯେଉଁଥିରେ ୨୫୩ ଜଣ ଲୋକଙ୍କ ଜୀବନ ଚାଲିଯାଇଥିଲା ଏବଂ ଶତାଧିକ ଲୋକ ଗୁରୁତର ଆହତ ହୋଇଥିଲେ । ଆତଙ୍କବ ାଦୀ ସଂଗଠନ ଆଇଏସଆଇଏସ୍ ଏହି ଧମାକାରେ ନିଜକୁ ଦାୟୀ କରିଛି । ଏହି ବୋମା ବିସ୍ଫୋରଣ ପରେ ଶ୍ରୀଲଙ୍କାରେ ବଡ ପରିମାଣରେ ଅନ୍ତିମ ସଂସ୍କାର କରାଯାଉଛି ଏବଂ ସବୁ ସ୍ଥାନର ମଧ୍ୟ ପୁଙ୍ଖାନୁପୁଙ୍ଖ ନିରୀକ୍ଷଣ କରାଯାଉଛି ।