ୱାର୍ନରଙ୍କ ବିସ୍ଫୋରକ ବ୍ୟାଟିଂ । ପଞ୍ଜାବକୁ ୨୧୩ ରନର ଟାର୍ଗେଟ୍ ଦେଲା ହାଇଦ୍ରାବାଦ ।
କନକ ବ୍ୟୁରୋ : ପୁଣି ଥରେ ପଡିଆରେ ଦମ୍ ଦେଖାଇଛନ୍ତି ଡେଭିଡ୍ ୱାର୍ନର । ୱାର୍ନରଙ୍କ ଦମଦାର ଅର୍ଦ୍ଧଶତକ ବଳରେ କିଙ୍ଗସ ଏକାଦଶ ପଞ୍ଜାବକୁ ୨୧୩ ରନର ଟାର୍ଗେଟ ଦେଇଛି ସନ ରାଇଜର୍ସ ହାଇଦ୍ରାବାଦ । ଆଇପିଏଲର ୪୮ତମ ମ୍ୟାଚରେ ହାଇଦ୍ରାବାଦର ରାଜୀବ ଗାନ୍ଧି ଇଣ୍ଟର ନ୍ୟାସନାଲ ଷ୍ଟାଡିୟମରେ ପ୍ରଥମେ ଟସ୍ ଜିତି ପଞ୍ଜାବ ବୋଲିଂ କରିବାର ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରି ହାଇଦ୍ରାବାଦ ନିର୍ଦ୍ଧାରିତ ୨୦ ଓଭରରେ ୬ଟି ୱିକେଟ୍ ହରାଇ ୨୧୨ ରନ୍ କରିବାରେ ସକ୍ଷମ ହୋଇଛି । ଡେଭିଡ୍ ୱାର୍ନର ୫୬ଟି ବଲରୁ ୨ଟି ଛକା ଏବଂ ୭ଟି ଚୌକା ବଳରେ ୮୧ ରନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଓ୍ଵାର୍ଣ୍ଣର ପ୍ରଥମ ଓ୍ଵିକେଟରେ ଋଦ୍ଧିମାନ ଶାହା (୨୮ ରନ୍)ଙ୍କ ଶହ ୭୮ ରନ ଭାଗିଦାରୀ ହୋଇଥିଲେ। ଶାହା ୧୩ଟି ବଲ ଖେଳି ମୁରୁଗାନ ଅଶ୍ୱିନଙ୍କ ଶିକାର ହୋଇଥିଲେ । ଦ୍ୱିତୀୟ ଓ୍ଵିକେଟରେ ମଧ୍ୟ ହାଇଦ୍ରାବାଦ୍ ଭଲ ସ୍କୋର କରିଥିଲା । ସ୍କୋର ୧୬୦ ରନ୍ରେ ମନୀଷ ପାଣ୍ଡେ ଦଳର ଦ୍ୱିତୀୟ ଓ୍ଵିକେଟ ଭାବେ ଅଶ୍ୱିନଙ୍କ ଦ୍ୱାରା ଆଉଟ ହୋଇଥିଲେ । ସେହିପରି ପଂଜାବର ୩ୟ ଶିକାର ହୋଇଥିଲେ ଓ୍ଵାର୍ଣ୍ଣର ।