ଧୋନିଙ୍କ ଘରେ କୋହଲିଙ୍କ ଦମଦାର ଶତକ

ନିଜର କ୍ରିକେଟିଂ କ୍ୟାରିୟରର ୫୨ ତମ ଶତକ ହାସଲ କରିଛନ୍ତି କୋହଲି । ୧୦୨ ବଲ୍‌ରେ ୭ଟି ଚୌକା ଓ ୫ଟି ଛକା ବଳରେ ଶତକ ହାସଲ କରିଛନ୍ତି କୋହଲି ।

ଅଦ୍ୟତନ ହୋଇଛି
Virat Kohli

Virat Kohli Photograph: (Kanak News)

କନକ ବ୍ୟୁରୋ : ରାଞ୍ଚିରେ ଗର୍ଜିଲା କିଙ୍ଗ୍‌ କୋହଲିଙ୍କ ବ୍ୟାଟ୍‌ । ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଦିନିକିଆରେ କୋହଲିଙ୍କ ଦମଦାର ଶତକ । ନିଜର କ୍ରିକେଟିଂ କ୍ୟାରିୟରର ୫୨ ତମ ଶତକ ହାସଲ କରିଛନ୍ତି କୋହଲି । ୧୦୨ ବଲ୍‌ରେ ୭ଟି ଚୌକା ଓ ୫ଟି ଛକା ବଳରେ ଶତକ ହାସଲ କରିଛନ୍ତି କୋହଲି । ଅଷ୍ଟ୍ରେଲିଆ ବିପକ୍ଷ ଶେଷ ମ୍ୟାଚ୍‌ରେ ଅର୍ଦ୍ଧଶତକ ହାସଲ କରିଥିବା ବେଳେ ଦକ୍ଷିଣ ଆଫ୍ରିକା ବିପକ୍ଷରେ ଶତକ ହାସଲ କରିଛନ୍ତି ।

ଟେଷ୍ଟ ଓ ଟି-ଟ୍ୱେଣ୍ଟି ଫର୍ମାଟକୁ ବାଏ ବାଏ କହିସାରିଥିବା ବେଳେ କୋହଲିଙ୍କ ବ୍ୟାଟ୍‌ର ଗର୍ଜନ କିନ୍ତୁ ଦିନିକିଆରେ ଦେଖିବାକୁ ମିଳୁଛି । କିଙ୍ଗ କୋହଲିଙ୍କୁ ନେଇ ସମାଲୋଚନା କରାଯାଉଥିବା ବେଳେ ଅଷ୍ଟ୍ରେଲିଆ ସିରିଜ୍‌ରେ ଅର୍ଦ୍ଧଶତକ ହାସଲ କରିବା ପରେ ସମସ୍ତଙ୍କ ମୁହଁ ଚୁପ୍‌ କରିଦେଇଥିଲେ କୋହଲି । ଆଉ ଏବେ ତାଙ୍କ ଶତକ ପ୍ରତିଟି ଫ୍ୟାନ୍ସଙ୍କୁ ଉତ୍ସାହିତ କରିଛି । ଆଗାମୀ ଦିନିକିଆ ବିଶ୍ୱକପ୍‌ ପାଇଁ ସେ ଫିଟ୍‌ ଥିବା ନେଇ ଚର୍ଚ୍ଚା ବି ଆରମ୍ଭ ହୋଇଛି ।

ଅଧିକ ପଢ଼ନ୍ତୁ : IPLକୁ ବାଏ ବାଏ କଲେ ରସେଲ୍; କେକେଆର ଦେଲା ପାୱାରଫୁଲ୍ ପୋଷ୍ଟ

ଆଜିର ମ୍ୟାଚ୍‌ରେ କେବଳ କୋହଲି ନୁହେଁ ବରଂ ହିଟମ୍ୟାନ୍‌ ରୋହିତଙ୍କ ବ୍ୟାଟ୍‌ରୁ ଅର୍ଦ୍ଧଶତକୀୟ ଇନିଂସ ଦେଖିବାକୁ ମିଳିଛି । ଭାରତୀୟ ଟିମ୍‌ର ବରିଷ୍ଠ ଓ ଅଭିଜ୍ଞ ବ୍ୟାଟର ରୋହିତ ଶର୍ମା ଏବଂ ବିରାଟ କୋହଲି ଦମଦାର ପ୍ରଦର୍ଶନ କରିଛନ୍ତି । କୋହଲି ଏବଂ ରୋହିତ ମିଶି ଦ୍ବିତୀୟ ୱିକେଟ୍‌ ପାଇଁ ଶତକୀୟ ଭାଗିଦାରୀ ହୋଇପାରିଛନ୍ତି । ଉଭୟ ଖେଳାଳି ଦିନିକିଆ ଅନ୍ତର୍ଜାତୀୟରେ ୨୦ତମ ଶତକୀୟ ଭାଗିଦାରୀ ହୋଇପାରିଛନ୍ତି ।

ରୋହିତ ଶର୍ମା ଏହି ମ୍ୟାଚ୍‌ରେ ବଡ଼ ରେକର୍ଡ କରିଛନ୍ତି। ସେ ଏବେ ଦିନିକିଆ ଅନ୍ତର୍ଜାତୀୟରେ ସର୍ବାଧିକ ଛକା ମାରିଥିବା ଖେଳାଳି ହୋଇପାରିଛନ୍ତି। ଏହି ମୁକାବିଲା ପର୍ଯ୍ୟନ୍ତ ରୋହିତଙ୍କୁ ପାକିସ୍ତାନର ପୂର୍ବତନ ଅଧିନାୟକ ଶାହିଦ ଆଫ୍ରୀଦୀଙ୍କ ରେକର୍ଡ ଭାଙ୍ଗିବାକୁ ୩ଟି ଛକା ଦରକାର ଥିଲା। ସେ ଭାରତୀୟ ଇନିଂସର ୨୦ତମ ଓଭରରେ ମାର୍କୋ ଜାନସନଙ୍କ ବଲ୍‌ରେ ଛକା ମାରିଥିଲେ ଏବଂ ଆଫ୍ରୀଦୀଙ୍କୁ ପଛରେ ପକାଇଥିଲେ। ଦିନିକିଆ ଅନ୍ତର୍ଜାତୀୟରେ ଆଫ୍ରୀଦୀ ୩୯୮ଟି ମ୍ୟାଚ୍‌ରେ ୩୫୧ଟି ଛକା ମାରିଥିଲେ। ଏହାକୁ ରୋହିତ ଭାଙ୍ଗିଛନ୍ତି। ରୋହିତ ୨୭୭ଟି ଦିନିକିଆ ମ୍ୟାଚ୍‌ରେ ୩୫୨ଟି ଛକା ମାରିପାରିଛନ୍ତି। 

ସମ୍ବନ୍ଧୀୟ ପ୍ରବନ୍ଧଗୁଡ଼ିକ
Here are a few more articles:
ପରବର୍ତ୍ତୀ ପ୍ରବନ୍ଧ ପ Read ଼ନ୍ତୁ
Subscribe