/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/member_avatars/2025/04/05/2025-04-05t104857750z-whatsapp-image-2025-04-05-at-161819.jpeg)
/kanak/media/media_files/2025/09/15/pakistan-fans-2025-09-15-13-45-40.jpg)
କନକ ବ୍ୟୁରୋ : ଦୁବାଇରେ ଦମ ଦେଖାଇଲା ଟିମ୍ ଇଣ୍ତିଆ । ମାଟି କାମୁଡ଼ିଲା ପାକିସ୍ତାନ । ପରାଜୟର ସ୍ୱାଦ ବାରମ୍ବାର ଚାଖିବା ପରେ ଚିହିଁକି ଉଠିଲେ ଫ୍ୟାନ୍ସ । ଛୁଆଠୁ ବଡ଼ ସଭିଏଁ କହିଲେ, ଆଉ ଦେଖିବାକୁ ଆସିବୁନି ମ୍ୟାଚ୍ । ବେକାର ପାକିସ୍ତାନ ଖେଳାଳି, ବେକାର ତାଙ୍କ ପ୍ରଦର୍ଶନ । ଜଣାନାହିଁ ବ୍ୟାଟିଂ କି ବୋଲିଂ ।
ଉଭୟ ଅନଫିଲ୍ଡ ଓ ଅଫଫିଲ୍ଡରେ ବଦନାମ ପାକିସ୍ତାନ କ୍ରିକେଟ ଟିମ୍ । ନା ଜିତିପାରିଲେ ମ୍ୟାଚ୍ ନା ଜିତିପାରିଲେ ଫ୍ୟାନ୍ସଙ୍କ ମନ । ଫିଲ୍ଡରେ ପରାଜୟ ଆଉ ଷ୍ଟାଣ୍ତରୁ ଫ୍ୟାନ୍ସଙ୍କ ଗାଳି । ପାକିସ୍ତାନୀ ଫ୍ୟାନ୍ସଙ୍କ ମୁହଁରୁ ଟିମ୍ ଇଣ୍ତିଆର ପ୍ରଶଂସା । କହିଲେ ଭାରତ ସହ ମୁକାବିଲା କରିପାରିବନି ପାକିସ୍ତାନ ।
ସେପଟେ ମ୍ୟାଚ୍ ସରିବା ପରେ ହାତ ମିଳାଇଲେ ନାହିଁ ଭାରତୀୟ କ୍ରିକେଟ ଟିମ୍ର ସଦସ୍ୟ, ଏସିଆନ୍ କ୍ରିକେଟ୍ ପରିଷଦ ନିକଟରେ ଅଭିଯୋଗ କଲା, ପାକିସ୍ତାନ କ୍ରିକେଟ୍ ବୋର୍ଡ । ଭାରତ ଆଗରେ ପୁଣିଥରେ ପଡ଼ିଆରେ ପରାଜିତ ଓ ଲଜ୍ଜିତ ହେବା ପରେ ଚିହିଁକି ଉଠିଲା ପିସିବି । ଉଭୟ ଟସ ଏବଂ ମ୍ୟାଚ ପରବର୍ତ୍ତୀ ସମୟରେ ଭାରତୀୟ ଖେଳାଳିମାନେ ପାକିସ୍ତାନୀ ଖେଳାଳିମାନଙ୍କ ହାତ ମିଳାଇ ନଥିଲେ କି କଥା ବି ହୋଇନଥିଲେ ।