ଦିନ ବେଳା ମେକଅପ ନେବା ସମୟରେ ଛୋଟ ଛୋଟ କଥା ଉପରେ ନିଶ୍ଚୟ ଦିଅନ୍ତୁ ଗୁରୁତ୍ୱ । ହେବାକୁ ପଡିବନି ଲଜ୍ଜିତ

ସୁନ୍ଦର ଦେଖାଯିବାକୁ କିଏ ବା ନଚାହେଁ ଆଉ ଏହି ଦୌଡରେ ସବୁଠାରୁ ଆଗରେ ଥାଆନ୍ତି ମହିଳା । କାହିଁକି ନା ପୁରୁଷମାନଙ୍କ ତୁଳନାରେ ମହିଳାମାନେ ବେଶି ମେକଅପ ନେବାକୁ ପସନ୍ଦ କରିଥାନ୍ତି । ସେହିପରି ଅଧିକାଂଶ ମହିଳାଙ୍କ ଗୋଟିଏ ଖରାପ ପ୍ରକୃତି ରହିଥାଏ କି, ସେମାନେ ସୁନ୍ଦର ଦେଖାଯାଉଥିବା ମହିଳାଙ୍କୁ ବେଶି କପି କରିଥାନ୍ତି । ଯେଉଁ କାରଣରୁ ସେମାନେ ପ୍ରତିଦିନ ମେକଅପ ନେବା ଆରମ୍ଭ କରିଦେଇଥାନ୍ତି । ହେଲେ ଅଧିକାଂଶ ସମୟରେ ଜ୍ଞାନର ଘୋର ଅଭାବ କାରଣରୁ ମହିଳାମାନେ ମେକଅପ ନେବା ସମୟରେ ଅନେକ ଭୁଲ କରିବସନ୍ତି, ଯାହାଦ୍ୱାରା ସେମାନଙ୍କ ଚେହେରାକୁ କ୍ଷତି ତ ପହଂଚିଥାଏ, ଏଥିସହିତ ହିଁ ଲୋକଙ୍କ ଆଗରେ ତାଙ୍କୁ ଲଜ୍ଜିତ ହେବାକୁ ପଡିଥାଏ ।

ଏସବୁ ପରିସ୍ଥିତିରୁ ରକ୍ଷା ପାଇବା ପାଇଁ ଅଧିକ ଜରୁରୀ କି, ମେକଅପ ନେବା ସମୟରେ ଆମକୁ ଧ୍ୟାନ ରଖିବାକୁ ହେବ କି, ଆପଣ କେଉଁ ଅବସରରେ ମେକଅପ ନେଉଛନ୍ତି । ଏଥିସହିତ ହିଁ ଛୋଟ ଛୋଟ କଥାକୁ ଧ୍ୟାନ ରଖିବା ବହୁତ ଜରୁରୀ ।

• ଯଦି ଆପଣ ଦିନ ବେଳା କିମ୍ବା ଅଫିସ ଯିବା ପାଇଁ ମେକଅପ ନେଉଛନ୍ତି ତେବେ ଧ୍ୟାନ ରଖିବେ କି ମେକଅପ ଅଧିକ ଡାର୍କ କିମ୍ବା ଚମକିଲା ଭଳି ନହୋଇଥାଉ ।

• ସେହିପରି ଦିନ ବେଳା ମେକଅପ ନେବା ପାଇଁ ଆପଣ କାଜଲର ବ୍ୟବହାର ନିଶ୍ଚୟ କରନ୍ତୁ । ଯଦି ଆପଣ ଆପଣଙ୍କ ଆଖିରେ ଆଇ ସ୍ୟାଡୋ ଲଗାଉଛନ୍ତି ତେବେ ଗାଢା ରଙ୍ଗ ପରିବର୍ତ୍ତେ ନାଚୁରାଲ କଲର ବ୍ୟବହାର କରନ୍ତୁ ।

• ମେକଅପ ନେବା ପୂର୍ବରୁ ମୁହଁକୁ ଭଲ ଭାବରେ ଧୋଇ ସଫା କରନ୍ତୁ । ଏହାଦ୍ୱାରା ମେକଅପ ଅଧିକ ସମୟ ଧରି ସତେଜ ରହିଥାଏ । ଏବଂ ଚେହେରାକୁ ବେଶି କ୍ଷତି ପହଂଚିନଥାଏ । ଏହାଛଡା ଆପଣଙ୍କ ମେକଅପ ବି ସ୍ପେଡ ହେବନାହିଁ ।

• ଅଧିକାଂଶ ଲୋକଙ୍କର ଅଭ୍ୟାସ ଥାଏ କି,ସେମାନେ ମେକଅପକୁ ହାଇଲାଇଟ୍ କରିବା ପାଇଁ ଗ୍ଲିଟର ବ୍ୟବହାର କରନ୍ତି । ତେବେ ଦିନ ବେଳା ମେକଅପ ପାଇଁ ଆପଣଙ୍କର ଏହି ଅଭ୍ୟାସ ଆପଣଙ୍କ ପାଇଁ ଭାରି ପଡିପାରେ । ତେଣୁ ଭୁଲରେ ବି ଦିନ ବେଳା ମେକଅପରେ ଗ୍ଲିଟର ବ୍ୟବହାର କରନ୍ତୁ ନାହିଁ ।

• ଦିନ ବେଳା ସାଧାରଣତଃ ଖରା ଏବଂ ଗରମ କାରଣରୁ ମେକଅପ ଶୀଘ୍ର ଖରାପ ହୋଇଯାଇଥାଏ । ଯାହାଦ୍ୱାରା ଉଭୟ ଚର୍ମ ଏବଂ ମୁହଁ ଖରାପ ଦେଖାଯାଇଥାଏ । ଏଥିପାଇଁ ଜରୁରୀ କି ଆପଣ ସବୁବେଳେ ୱାଟର ପ୍ରୁଫ୍ ବ୍ୟୁଟି ପ୍ରଡକ୍ଟର ବ୍ୟବହାର କରନ୍ତୁ । ଏଥିସହିତ ହିଁ ମେକଅପ ନେବାର ୨୦ ମିନିଟ୍ ପୂର୍ବରୁ ସନସକ୍ରିନ ଲୋସନ ନିଶ୍ଚୟ ଲଗାନ୍ତୁ ।