ସାବାଡ୍ ହେବେ ଅପରାଧୀ ! ଏଆଇ ସିଷ୍ଟମରେ ରେକର୍ଡ ହେବ ଅଭିଯୁକ୍ତଙ୍କ ବୟାନ, ସତ କହୁଛନ୍ତି ନା ମିଛ ମୁହଁ ଦେଖି ତୁରନ୍ତ କହିଦେବ ମେସିନ

108

ଯେତେବେଳେ କୌଣସି ମାମଲାରେ ସଂପୃକ୍ତ ଥିବା ବ୍ୟକ୍ତି ତଥା ଅପରାଧୀଙ୍କୁ ପୁଲିସ୍ ଘଟଣାର ସତ୍ୟତା ଜାଣିବା ପାଇଁ ଜେରା କରିଥାଏ ସେତେବେଳେ ଉକ୍ତ ବ୍ୟକ୍ତି ଜଣକ ଦେଉଥିବା ବୟାନ ବାସ୍ତବରେ ସତ କି ନୁହେଁ ତାହା କହିବା ମୁସ୍କିଲ । ଯେଉଁ କାରଣରୁ କେତେବେଳେ ଦୋଷୀ ନିର୍ଦ୍ଦୋଷରେ ଖସି ଯାଉଛି ତ ପୁଣି କେତେବେଳେ ନ୍ୟାୟ ନପାଇଁ ଅଭିଯୋଗକାରୀ ବା ଅଭିଯୋଗକାରିଣୀଙ୍କୁ ନିରାଶର ମୁହଁ ଦେଖିବାକୁ ପଡୁଛି ।

ହେଲେ ଏବେ କିନ୍ତୁ ଏଭଳି ହେବ ନି, କାହିଁକି ନା ଏବେ ବ୍ୟକ୍ତିର ଚେହେରା ଦେଖିଲେ ହିଁ ଜଣା ପଡିଯିବ କି ସେ ଯେଉଁ ବୟାନ ଦେଉଛନ୍ତି ତାହା ପ୍ରକୃତରେ ସତ ନା ମିଛ । ଏଭଳି ଏକ ଯନ୍ତ୍ର ବିକଶିତ କରିଛି ଲଣ୍ଡନର ଏକ ଷ୍ଟାର୍ଟଅପ କଂପାନୀ । ଲଣ୍ଡନର ଷ୍ଟାର୍ଟଅପ ଫେସସଫ୍ଟ ‘ଆର୍ଟିଫିସିଆଲ ଇଂଟେଲିଜେନ୍ସ’  (Artificial Intelligence) ସହ ଜଡିତ ଥିବା ଏକ ଟେକନିକ୍ ବିକଶିତ କରିଛନ୍ତି । ଯେଉଁଥିରେ ମୁହଁର ଇମୋସନକୁ ପଢି ସତ ଏବଂ ମିଛର ଚିହ୍ନଟ କରିହେବ । ଯାହାର ପରୀକ୍ଷାମୂଳକ ବ୍ୟବହାର ଖୁବ ଶୀଘ୍ର ହିଁ ଉଭୟ ବ୍ରିଟେନ ଏବଂ ଭାରତରେ ହୋଇପାରେ ।

ସୂଚନା ମୁତାବକ, ଆପଣଙ୍କ ମସ୍ତିସ୍କରେ କଣ ଚାଲୁଛି ତାର ସୂଚନା ମୁହଁରେ ଥିବା ମାଇକ୍ରୋ ଏକ୍ସପ୍ରେସନ ସହ ମ୍ୟାଚ କରିଥାଏ । ତେବେ ୧୯୬୦ରେ ପ୍ରଥମ ଥର ପାଇଁ ମନୋବୈଜ୍ଞାନିକମାନେ ଏହାକୁ ଉଦ୍ଭାବନ କରିଥିଲେ । ମନୋବୈଜ୍ଞାନିକମାନେ ପ୍ରଥମ ଥର ଲାଗି ଆତ୍ମହତ୍ୟା ଉଦ୍ୟମ କରିଥିବା ରୋଗୀଙ୍କଠାରେ ଏହା ଦେଖିବାକୁ ପାଇଥିଲେ । ଯେଉଁମାନେକି ଅଧିକାଂଶ ସମୟରେ ମସ୍ତିସ୍କରେ ଚାଲିଥିବା ନକରାତ୍ମକ ବିଚାରଧାରାକୁ ଲୁଚାଉଥିଲେ ।

ବିଶେଷଜ୍ଞ ମତରେ, ଯଦି କୌଣସି ବ୍ୟକ୍ତି ଜବରଦସ୍ତି ହସିବାକୁ ଚେଷ୍ଟା କରୁଛି ତେବେ ଏହି ଇମୋସନ ତାଙ୍କ ଆଖିରେ ନଜର ଆସିନଥାଏ । ଏହା ଏକପ୍ରକାରର ମାଇକ୍ରୋ ଏକ୍ସପ୍ରେସନ । ତେବେ ପଚରା ଉଚରା ବେଳେ ଅପରାଧିର ଚେହେରାରେ ଦେଖାଯାଉଥିବା ଅସ୍ୱାଭାବିକ ଭାବନାକୁ ରେକର୍ଡ କରାଯାଇଥାଏ । ଏହାପରେ ମନୋବୈଜ୍ଞାନିକ ଏମାନଙ୍କର ବିଶ୍ଳେଷଣ କରି, ସ୍ପଷ୍ଟ କରନ୍ତି କି ଉକ୍ତ ବ୍ୟକ୍ତି ଜଣକ ଯାହା କହୁଛି ତାହା ପ୍ରକୃତରେ ସତ ନା କୌଣସି ମନଗଢା କାହାଣୀ । ତେବେ ଏହି ଟେକନିକର ବ୍ୟବହାର ଉଭୟ ବ୍ୟକ୍ତି ଏବଂ ଦେଶର ସୁରକ୍ଷା ପାଇଁ କରିହେବ । ଏହି ଟେକନିକ୍ ଜରିଆରେ ଭିଡ ଭିତରେ ଥିବା ଜଣେ ରାଗି ବ୍ୟକ୍ତିର ଚିହ୍ନଟ ମଧ୍ୟ କରାଯାଇପାରିବ ।

Comments are closed.