ରଙ୍ଗ ଲାଗିଥିବା ନୋଟ୍ ହେବ ନାହିଁ ଅଚଳ । ନୂଆ ୫୦୦ ଓ ୨୦୦୦ଟଙ୍କିଆ ନୋଟ ବ୍ୟାଙ୍କରେ କରିପାରିବେ ବଦଳ
ଯଦି ଆପଣଙ୍କ ନିକଟରେ ନୂଆ ୫୦୦ ଏବଂ ୨ ହଜାର ଟଙ୍କିଆ କିଛି ଏଭଳି ନୋଟ୍ ପଡି ରହିଛି । ଯେଉଁଥିରେ କି କିଛି ଲେଖା ଯାଇଥିବ କିମ୍ବା ସେଥିରେ କିଛି ରଙ୍ଗ ଲାଗିଯାଇଛି ଆଉ ଏହି ସବୁ ନୋଟକୁ ନେବା ପାଇଁ କେହି ବି ରାଜି ହେଉନାହାଁନ୍ତି ତେବେ ଏଥିପାଇଁ ଆପଣ ଆଦୌ ଚିନ୍ତିତ ହୁଅନ୍ତୁ ନାହିଁ । କାରଣ ଏହି ନୋଟକୁ ଏବେ ସବୁ ବ୍ୟାଙ୍କ ଗ୍ରହଣ କରିବାକୁ ବାଧ୍ୟ ଅଟନ୍ତି । ଏକଥା ଆମେ କହୁ ନାହୁଁ ବରଂ ଆରବିଆଇ ସ୍ପଷ୍ଟ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅନ୍ତରାଷ୍ଟ୍ରୀୟ ବାଣିଜ୍ୟ ମେଳାରେ ଆରବିଆଇର କିଛି ବରିଷ୍ଠ ଅଧିକାରୀ ଯୋଗଦେଇ ସାଧାରଣ ଜନତାଙ୍କ ସମସ୍ତ ସମସ୍ୟା ବୁଝିବା ସହିତ ନୂଆ ୫୦୦ ଏବଂ ୨୦୦୦ ଟଙ୍କିଆ ନୋଟର ସୁରକ୍ଷାକୁ ନେଇ ସଚେତନ କରାଇଛନ୍ତି । ଆରବିଆଇର ଅଧିକାରୀମାନେ କହିଛନ୍ତି କି, ଯଦି କୌଣସି ବ୍ୟକ୍ତିବିଶେଷଙ୍କ ନିକଟରେ ଏଭଳି ନୋଟ ରହିଛି, ଯେଉଁଥିରେ କି କିଛି ଲେଖା ଥିବ କିମ୍ବା ରଙ୍ଗ ଲାଗିଯାଇଥିବ ତେବେ ଏଭଳି ନୋଟକୁ ଆପଣ ବ୍ୟାଙ୍କରେ ଜମା କରିପାରିବେ ।
ଆରବିଆଇ ଅଧିକାରୀମାନେ ଏଭଳି ସୂଚନା ଗଣମାଧ୍ୟମର ପ୍ରତିନିଧିମାନଙ୍କୁ ଦେଇ କହିଛନ୍ତି କି, ଏହି ନୋଟ ଗ୍ରହଣ କରିବାକୁ ଆପଣଙ୍କୁ କୌଣସି ବି ବ୍ୟାଙ୍କ ମନା କରିପାରିବେ ନାହିଁ । ପୂର୍ବରୁ କେନ୍ଦ୍ରୀୟ ବ୍ୟାଙ୍କ ବି ଏ ସଂପର୍କରେ ଲୋକମାନଙ୍କର ଭ୍ରମ ଦୂର କରିସାରିଛନ୍ତି । ସେହିପରି ୧୦ ଟଙ୍କିଆ କଏନ ମଧ୍ୟ ଗ୍ରହଣଯୋଗ୍ୟ ଅଟେ । ଯଦି କୌଣସି ବ୍ୟକ୍ତି ଏହି କଏନକୁ ନେବା ପାଇଁ ମନା କରି ଦିଅନ୍ତି ତେବେ ଉକ୍ତ ବ୍ୟକ୍ତିବିଶେଷଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଆରବିଆଇ ପକ୍ଷରୁ ସୂଚନା ମିଳିଛି ।