ସାବାଡ୍ ହେବେ ଚାକିରିଆ : ଏଣିକି ଘଂଟା କହିବ କାମ କରୁଛନ୍ତି ନା ବାହାରେ ବୁଲୁଛନ୍ତି କର୍ମଚାରୀ, ସତ ଧରିବ ହାତରେ ଥିବା ସ୍ମାର୍ଟୱାଚ
ଏଣିକି କର୍ମଚାରୀଙ୍କ ଉପରେ ନଜର ରଖିବ କର୍ମଚାରୀଙ୍କ ହାତରେ ଥିବା ଘଂଟା । କର୍ମଚାରୀମାନେ ନିଜ ହାତରେ ବାନ୍ଧିଥିବା ଘଂଟା କହିବ କି ସେମାନେ ଅଫିସରେ କାମ ନିଜ ସିଟରେ ବସି କରୁଛନ୍ତି ନା କେଉଁ ଆଡେ ଗାଏବ ହୋଇଯାଇଛନ୍ତି । ଏଥି ସହିତ ହିଁ ବାହାରେ କାମ କରୁଥିବା କର୍ମଚାରୀଙ୍କ ବିଷୟରେ ଏହି ଘଂଟା କହିବ କି ସେମାନେ ନିଜ କାମ ଠିକ ଭାବରେ କରୁଛନ୍ତି ନା ଅନ୍ୟ କେଉଁଠି ବୁଲୁଛନ୍ତି ।ତେବେ ଏହା ଏବେ ସମ୍ଭବ ହେବ ସ୍ମାର୍ଟ ୱାଚରୁ । ତେବେ ଏଭଳି ଏକ ନିଆରା ବ୍ୟବସ୍ଥା ଆଣିବାକୁ ଯାଉଛି ଚଣ୍ଡିଗଡର ନଗର ନିଗମ ।
Kanak News is now on WhatsApp
Join and get latest news updates delivered to you via WhatsApp
ନିଜ କର୍ତ୍ତବ୍ୟରୁ ଅବହେଲା କରିବା ତଥା ଠକୁଥିବା କର୍ମଚାରୀ ଏବଂ ଅଧିକାରୀ ମାନେ ଏହି Human affincial tracking systemରୁ ଏବେ ଅତି ସହଜରେ ଧରା ପଡିବେ । ଚଣ୍ଡିଗଡ ନଗର ନିଗମ ଖୁବ୍ ଶୀଘ୍ର ଏହି ବ୍ୟବସ୍ଥାକୁ ଲାଗୁ କରିବାକୁ ଯାଉଛନ୍ତି । ନଗର ନିଗମ ହାଉସ ମିଟିଂରେ ଏହି ନୂଆ ବ୍ୟବସ୍ଥାକୁ ଲାଗୁ କରିବା ପାଇଁ ବର୍ତ୍ତମାନ ସବୁଜ ସଂକେତ ମିଳିଛି ।
ଏହି ସ୍ମାର୍ଟ ୱାଚରୁ ଅତି ସହଜରେ ଜଣାପଡିିଯିବ କି, କୌଣସି ବି କର୍ମଚାରୀ ନିଜ ସିଟରୁ କେତେ ସମୟ ଧରି ଗାଏବ ରହୁଛନ୍ତି କିମ୍ବା ସେ ଫିଲ୍ଡରେ କେତେ ସମୟ ଧରି କାମ କରୁଛନ୍ତି । ଏଥିରେ ଇନବିଲ୍ଟ କ୍ୟାମେରାରୁ ଅନଲୋକେସନ ଫଟୋ ମଧ୍ୟ ଦେଖାଯିବ । ଏହି ଘଂଟା ଜିପିଏସ ବେସଡ ରହିଛି । ତେବେ ଚଣ୍ଡିଗଚ ନଗର ନିଗମର ପାଖାପାଖି ଚାରି ହଜାର କର୍ମଚାରୀମାନଙ୍କୁ ଏହି ଘଂଟା ଦିଆଯିବ । ଏହି ଘଂଟାର କନେକ୍ଟିଭିଟି ନଗର ନିଗମ ବିଲ୍ଡିଂରେ ନିର୍ମାଣ ହୋଇଥିବା କଂଟ୍ରୋଲ ରୁମରେ ହେବ । ଯେଉଁଠି ଜଣେ ସୁପରଭାଇଜର ଏବଂ ଚାରି ଅନ୍ୟ ଷ୍ଟାଫ ନିଯୁକ୍ତ ହୋଇଥିବେ ।
ସେହିପରି ଗର୍ଭମେଂଟ ଅଣ୍ଡରଟେକିଂ ଆଇଡିଆଇ ଦିଲ୍ଲୀରୁ ଏହି ଘଂଟାକୁ ଅଣାଯିବ । ପ୍ରତି ଘଂଟା ୪୦୦ ଟଙ୍କା ଖର୍ଚ୍ଚ ପ୍ରତିମାସ ଆସିବ । ସ୍ମାର୍ଟ ୱାଚ ଖରାପ ହେବା ଦ୍ୱାରା ତାର ମରାମତି ବାବଦକୁ ସମସ୍ତ ଟଙ୍କା କଂପାନୀ ହିଁ ବହନ କରିବ ।