ହ୍ୱାଟସଆପର ବଡ ନିଷ୍ପତି: ଏଣିକି ୧୬ ବର୍ଷରୁ କମ ବୟସର ଲୋକ ଚଲାଇପାରିବେ ନାହିଁ ହ୍ୱାଟସଆପ, ଜାଣନ୍ତୁ କେବେଠାରୁ ଲାଗୁ ହେଉଛି ଏହି ନିୟମ
ଦେଶର ଲୋକପ୍ରିୟ ମେସେଜିଂ ଆପ୍ ଭାବେ ବର୍ତ୍ତମାନ ହ୍ୱାଟସଆପ ବେଶ୍ ପରିଚିତ । ପିଲାଠାରୁ ଆରମ୍ଭ କରି ବୁଢା ପର୍ଯ୍ୟନ୍ତ ସମସ୍ତେ ହ୍ୱାଟସଆପ ମାୟାରେ ବାୟା । ଏହି ମେସେଜିଂ ଆପଣ ଏବେ ଯୁବପୀଢୀ ପାଇଁ ଏତେ ଜରୁରୀ ହୋଇପଡିଛି କି, ହ୍ୱାଟସଆପ ବିନା ମୁହୂର୍ତ୍ତକ ପାଇଁ ରହିବା ପୂରା ମୁସ୍କିଲ ହୋଇପଡିଛି । ତେବେ ଏହି ପରିପ୍ରେକ୍ଷୀରେ ଆସିଛି ଏକ ବଡ ଖବର । ଯାହାକି ଆପଣଙ୍କ ହୋସ୍ ଉଡାଇଦେଇପାରେ । ଆଜ୍ଞା ହଁ ! ହ୍ୱାଟସଆପ ବ୍ୟବହାର କରିବାକୁ ଏବେ ଏକ ନିର୍ଦ୍ଦିଷ୍ଟ ବୟସ ସୀମା ଧାର୍ଯ୍ୟ କରାଯାଇଛି । ଯାହା ସଂପର୍କରେ ଆମେ ନିମ୍ନରେ ଆଲୋଚନା କରିଛୁ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ୧୬ ବର୍ଷରୁ କମ୍ ବର୍ଷ ବୟସର ପିଲାମାନେ ଏଣିକି ଆଉ ହ୍ୱାଟସଆପ ବ୍ୟବହାର କରିପାରିବେ ନାହିଁ । କୌଣସି ବି ନାବାଳକ କିମ୍ବା ନାବାଳିକା ହ୍ୱାଟସଆପ ବ୍ୟବହାର କରିପାରିବେ ନାହିଁ । ଯଦି ବ୍ୟବହାର କରନ୍ତି ତେବେ ଏଥିପାଇଁ ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ । ତେବେ ବ୍ୟସ୍ତ ହୁଅନ୍ତୁ ନାହିଁ କାରଣ ଏହି ନିୟମ କେବଳ ୟୁରୋପରେ ହିଁ ଲାଗୁ ହୋଇଛି । ବାକି ଅନ୍ୟ କୌଣସି ଦେଶ ପାଇଁ ନୁହେଁ ।
ପ୍ରକୃତ ଘଟଣାଟି ହେଲା କି, ୨୫ ମଇରେ ୟୁରୋପରେ ଡାଟା ପ୍ରାଇଭେସିକୁ ନେଇ ଏକ ନୂଆ ନିୟମ ଲାଗୁ ହେବାକୁ ଯାଉଛି । ଯାହାକୁ ଦୃଷ୍ଟିରେ ରଖି ହ୍ୱାଟସଆପ ଏଭଳି ଏକ ନିଷ୍ପତି ନେଇଛି । ଏଠାରେ ଆମେ କହି ରଖୁଛୁ କି, ଏଯାବତ୍ ହ୍ୱାଟସଆପ ବ୍ୟବହାର କରିବାର ବୟସ ୧୩ ବର୍ଷ ରଖାଯାଇଛି । ଏସଂପର୍କରେ ହ୍ୱାଟସଆପ ନିଜର ବ୍ଲଗ ପୋଷ୍ଟରେ ମଧ୍ୟ ସୂଚନା ଦେଇଛି ।
FROM NEW TERMS OF SERVICES:https://t.co/KvjzuAwtGc
Age. If you live in a country in the European Region, you must be at least 16 years old to use our Services…. If you live in any other country except those in the European Region, you must be at least 13 years old to use …
— WABetaInfo (@WABetaInfo) April 24, 2018
ଏଭଳି ପରିସ୍ଥିତିରେ ୨୫ ମଇ ପୂର୍ବରୁ ଫେସବୁକ ମାଲିକାନାରେ ଥିବା ହ୍ୱାଟସଆପ ନିଜର ୟୁଜର୍ସଙ୍କ ବୟସ ସମ୍ବନ୍ଧରେ ସ୍ପଷ୍ଟ କରିବାକୁ ସୂଚନା ଦେଇଛି । ଯଦିଓ ଏହା ଏବେବି ସ୍ପଷ୍ଟ ହୋଇପାରି ନାହିଁ କି ହ୍ୱାଟସଆପ ନିଜର ୟୁଜର୍ସଙ୍କ ବୟସ ସମ୍ବନ୍ଧରେ କିପରି ପୃଷ୍ଟି କରିବ । ତେବେ ଏହି ନୂଆ ନିୟମ ଆଗାମୀ ସପ୍ତାହରେ ଲାଗୁ ହେବ ବୋଲି କଂପାନୀ ପକ୍ଷରୁ ସ୍ପଷ୍ଟ କରାଯାଇଛି ।
ସୌଜନ୍ୟ: ଅମର ଉଜାଲା