ଅଷ୍ଟମ ଶ୍ରେଣୀ ପାସ୍ ବି ନେଇପାରିବେ ଦେଶର ବଡ ସରକାରୀ ସଂସ୍ଥାର ଫ୍ରାଂଚାଇଜ । ପ୍ରତିମାସ କରିପାରିବେ ଲକ୍ଷାଧିକ ଟଙ୍କା ରୋଜଗାର । ଜାଣନ୍ତୁ କିପରି କରିବେ ଆବେଦନ
ଯଦି ଆପଣ କମ୍ ପାଠ ପଢିଛନ୍ତି ତେବେ ଏଥିପାଇଁ ଆପଣ ଆଦୌ ନିରାଶ ହୁଅନ୍ତୁ ନାହିଁ । କାରଣ ଦେଶର ବଡ ସରକାରୀ ସଂସ୍ଥା ଆପଣଙ୍କୁ ଲକ୍ଷାଧିକ ଟଙ୍କା ରୋଜଗାର କରିବାର ସୁଯୋଗ ପ୍ରଦାନ କରିବାକୁ ଯାଉଛି । ଆଜ୍ଞା ହଁ ! ଆମେ ଏଠାରେ ଫୋଷ୍ଟ ଅଫିସ ସଂପର୍କରେ ହିଁ ଆଲୋଚନା କରୁଛୁ । ଦେଶର ବିଭିନ୍ନ ସହରମାନଙ୍କରେ ନିଜର କାୟ ବିସ୍ତାର କରିବା ଉଦ୍ଦେଶ୍ୟରେ ପୋଷ୍ଟାଲ ଡିପାର୍ଟମେଂଟ୍ ସାଧାରଣ ଜନତାଙ୍କୁ ପୋଷ୍ଟ ଅଫିସ୍ ଫ୍ରାଂଚାଇଜ ଖୋଲିବାର ସୁଯୋଗ ଦେଉଛି । ଯାହାଦ୍ୱାରା ଜଣେ କମ ଶିକ୍ଷିତ ବ୍ୟକ୍ତି ବି ଅତି ସହଜରେ ବିନା କୌଣସି ଭୟରେ ଲକ୍ଷାଧିକ ଟଙ୍କା ରୋଜଗାର କରିପାରିବେ । ତେବେ ଆସନ୍ତୁ ଜାଣିବା ଏସଂପର୍କରେ ଅଧିକ ସୂଚନା. . .
Kanak News is now on WhatsApp
Join and get latest news updates delivered to you via WhatsApp
କିପରି କରିବେ ଆବେଦନ
କୌଣସି ବି ବ୍ୟକ୍ତି ବା ସଂସ୍ଥା ବା ପ୍ରତିଷ୍ଠାନ କିମ୍ବା ଅନ୍ୟ କୌଣସି ସଂଗଠନ ତଥା ବ୍ୟବସାୟୀ ଆଦି ପୋଷ୍ଟ ଅଫିସ ଫ୍ରାଂଚାଇଜ ନେଇପାରିବେ । ଏହାବ୍ୟତୀତ, ନୂଆ କରି ଆରମ୍ଭ ହୋଇଥିବା ସହରୀ ଟାଉନସିପ, ସ୍ପେଶାଲ ଇକୋନମିକ ଜୋନ, ନୂଆ କରି ଆରମ୍ଭ ହୋଇଥିବା ଇଣ୍ଡଷ୍ଟ୍ରିଆଲ ସେଂଟର, କଲେଜ, ପଲିଟେକନିକ୍ସ, ୟୁନିଭର୍ସିଟି, ଫ୍ରୋଫେସନାଲ କଲେଜ ଆଦି ମଧ୍ୟ ଫ୍ରାଂଚାଇଜ କାମ କରିପାରିବେ । ଫ୍ରାଂଚାଇଜ ନେବା ପାଇଁ ଏକ ସ୍ୱତନ୍ତ୍ର ଫର୍ମ ଡାକବିଭାଗରେ ପଇଠ କରିବାକୁ ପଡିବ । ଏବଂ ଏଥିପାଇଁ ମନ୍ନୋନିତ ହୋଇଥିବା ବ୍ୟକ୍ତିବିଶେଷ ବା ସଂସ୍ଥାକୁ ଡିପାର୍ଟମେଂଟ ସହ ଏକ ଏମଓୟୁ ସାଇନ୍ ମଧ୍ୟ କରିବାକୁ ପଡିବ । ସେହିପରି ଫ୍ରାଂଚାଇଜ ନେବା ପାଇଁ ଇଚ୍ଛୁକ ବ୍ୟକ୍ତି ବିଶେଷଙ୍କର ବୟସ ସର୍ବନିମ୍ନ ୧୮ ବର୍ଷ ହୋଇଥିବା ଆବଶ୍ୟକ । ଏଥିସହିତ ସେ ଅତି କମରେ ୮ମ ଶ୍ରେଣୀ ପାସ ହୋଇଥିବା ଦରକାର ।
ପୋଷ୍ଟ ଅଫିସରୁ ମିଳିବ ଏହି ସବୁ ସୁବିଧା
ଷ୍ଟାମ୍ପ ଏବଂ ଷ୍ଟେସନାରୀ, ରେଜିଷ୍ଟର୍ଡ ଆର୍ଟିକିଲ, ସ୍ପିଡ ପୋଷ୍ଟ ଆର୍ଟିକିଲ, ମନି ଅର୍ଡର ବୁକିଂ । ବର୍ତ୍ତମାନ ୧୦୦ଟଙ୍କାରୁ କମର ମନି ଅର୍ଡର ହୋଇପାରିବ ନାହିଁ । ପୋଷ୍ଟାଲ ଲାଇଫ ଇନସ୍ୟୁରାନ୍ସ ପାଇଁ ଏଜେଂଟ ଭଳି ଆପଣଙ୍କୁ କାମ କରିବାକୁ ହେବ । ଏଥିସହିତ ଏହଥିସହ ଜଡିତ ଆଫ୍ଟର ସେଲସର୍ଭିସ ଭଳି ପ୍ରିମିୟମର କଲେକସନ ମଧ୍ୟ କରିବାର ସୁବିଧା ପ୍ରଦାନ କରାଯିବ । ସେହିପରି ବିଲ/ଟାକ୍ସ/ଜରିମାନା ଇତ୍ୟାଦି କଲେକସନ ଏବଂ ପେମେଂଟ ଭଳି ରିଟେଲ ସେବା ମଧ୍ୟ ଦିଆଯିବ ।
କିପରି କରାଯିବ ଚୟନ
ଫ୍ରାଂଚାଇଜ ନେବା ବ୍ୟକ୍ତି ବା ଅନୁଷ୍ଠାନ ମାନଙ୍କର ସିଲେକନ ସମ୍ବନ୍ଧିତ ଡିଭିଜିଲାନ ହେଡ ଦ୍ୱାରା କରାଯାଇଥାଏ । ସିଲେକସନ ଆପ୍ଲିକେସନ ମିଳିବାର ପାଖାପାଖି ୧୪ ଦିନ ଭିତରେ ଏଏସପି/ଏସଡିଆଇଙ୍କ ରିପୋର୍ଟ ଉପରେ ପର୍ଯ୍ୟବେଶିତ ହୋଇଥାଏ । ଫ୍ରାଂଚାଇଜ ଖୋଲିବାର ଅନୁମତି ପଂଚାୟତ ସଂଚାର ସେବା ଯୋଜନା ସ୍କିମ ଆଧାରରେ ପଂଚାୟତ ସଂଚାର ସେବା କେନ୍ଦ୍ରମାନଙ୍କରେ ଦିଆଯାଉଛି ।
କିପରି ହେବ ଟଙ୍କା ରୋଜଗାର
ଫ୍ରାଂଚାଇଜ ଜରିଆରେ ଆପଣ ମୋଟା ରକମର ରୋଜଗାର ବି କରିପାରିବେ । ତେବେ ଏହାଦ୍ୱାରା ଦିଆଯାଉଥିବା ପୋଷ୍ଟାଲ ସର୍ଭିସ ଉପରେ ହିଁ ମିଳୁଥିବା କମିଶନ ଜରିଆରେ ହିଁ ଆପଣ ଟଙ୍କା ରୋଜଗାର କରିପାରିବେ । ତେବେ ଏହି କମିଶନ ଏମଓୟୁରେ ସ୍ଥିର କରାଯାଇଥାଏ ।
କମିଶନ
ରେଜିଷ୍ଟର୍ଡ ଆଟିକିଲର ବୁକିଂ ଉପରେ ୩ଟଙ୍କା କମିଶନ ମିଳିଥାଏ । ସେହିପରି ସ୍ପିଡ ପୋଷ୍ଟ ଆର୍ଟିକିଲ ବୁକିଂ ଉପରେ ୫ଟଙ୍କା, ୧୦୦ରୁ ୨୦୦ ଟଙ୍କାର ମନି ର୍ଡରର ବୁକିଂ ଉପରେ ସାଢେ ୩ଟଙ୍କା, ୨୦୦ ଟଙ୍କାରୁ ଅଧିକ ଟଙ୍କାର ମନି ଅର୍ଡର ଉପରେ ୫ଟଙ୍କା କମିଶନ ବାବଦକୁ ମିଳିଥାଏ । ପ୍ରତିମାସ ରେଡଷ୍ଟ୍ରି ଏବଂ ସ୍ପିଡ ପୋଷ୍ଟ ବାବଦକୁ ୧୦୦୦ରୁ ଅଧିକ ଅର୍ଟିକିଲର ବୁକିଂ ଉପରେ ୨୦ ପ୍ରତିଶତ ଅତିରିକ୍ତ କମିଶନ ମିଳିଥାଏ । ପୋଷ୍ଟାଲ ଷ୍ଟାମ୍ପ, ପୋଷ୍ଟାଲ ଷ୍ଟେସନାରୀ ଏବଂ ମନି ଅର୍ଡର ଫର୍ମର ବିକ୍ରି ଉପରେ ସେଲ ଆମାଉଂଟର ୫ ପ୍ରତିଶତ, ରେଭିନ୍ୟୁ ଷ୍ଟାମ୍ପ, ସେଂଟ୍ରାଲ ରିକ୍ରୁମେଂଟ ଫି ଷ୍ଟାମ୍ପ ଆଦିର ବିକ୍ରି ସେଲ ରିଟେଲ ସର୍ଭିସେସ ଦ୍ୱାରା ଡିପାର୍ଟମେଂଟକୁ ହେଉଥିବା ଲାଭର ୪୦ ପ୍ରତିଶତ ଅଂଶ ଟଙ୍କା ଆପଣଙ୍କୁ କମିଶନ ବାବଦକୁ ମିଳିବ ।