ମୋବାଇଲରୁ ୧ ଟଙ୍କା ପଠାଇବା କ୍ଷଣି ଆପଣଙ୍କ ନିକଟକୁ ଚାଲିଆସିବ ୫୧ ଟଙ୍କା । ଏଥିସହିତ ବିନା କାମରେ ପ୍ରତିମାସ ରୋଜଗାର କରନ୍ତୁ ୭୫୦ ଟଙ୍କା, ଜାଣନ୍ତୁ କିଏ ଦେଉଛି ଏଭଳି ସୁବିଧା
ଦେଶରେ କ୍ୟାସଲେସ କାରବାରକୁ ଅଧିକ ପ୍ରାଥମିକତା ଦେବା ଉଦ୍ଦେଶ୍ୟରେ ମୋଦି ସରକାର ସର୍ବଦା ଚେଷ୍ଟିତ । ଏଥିପାଇଁ ତ ପ୍ରଧାନମନ୍ତ୍ରୀ ମୋଦି ସାଧାରଣ ଜନତାଙ୍କୁ ବିଭିନ୍ନ କ୍ଷେତ୍ରରେ ଅନେକ ସୁବିଧା ସୁଯୋଗ ବି ଯୋଗାଇ ଦେଉଛନ୍ତି । ଇତି ମଧ୍ୟରେ ଏଭଳି ଏକ ସୁବିଧା କିଛି ଲୋକଙ୍କୁ ପ୍ରଦାନ କରାଯାଇଛି, ଯେଉଁମାନେ କି ମୋଦି ସରକାରଙ୍କ ଦ୍ୱାରା ଲଂଚ କରାଯାଇଥିବା ଭିମ ଆପ ବ୍ୟବହାର କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ମଧ୍ୟ ଭିମ ଆପ ବ୍ୟବହାର କରୁଛନ୍ତି ତେବେ ଆପଣ ଏଥିରେ ପ୍ରତିମାସ ୭୫୦ ଟଙ୍କା ପର୍ଯ୍ୟନ୍ତ ରୋଜଗାର କରିପାରିବେ । ଏଥିପାଇଁ ବି ଆପଣଙ୍କୁ କିଛି ବଡ କାମ କରିବାକୁ ପଡିବ ନାହିଁ । ଖାଲି ଟଙ୍କା କାରବାର ଏହି ଆପ ଜରିଆରେ ହିଁ କରିବାକୁ ପଡିବ । କେବଳ ଏତିକି ନୁହେଁ, ଯଦି ଆପଣ ଏହି ଆପଟିକୁ ବର୍ତ୍ତମାନ ପର୍ଯ୍ୟନ୍ତ ଡାଉନଲୋଡ କରିନାହାଁନ୍ତି ତେବେ ଆପଣଙ୍କ ପାଇଁ ଆଉ ଏକ ସ୍ୱତନ୍ତ୍ର ଅଫର ରହିଛି । ଭିମ ଆପ ଡାଉନଲୋଡ କରିବା ପରେ ଯଦି ଆପଣଙ୍କର ପ୍ରଥମ ଟଙ୍କା କାରବାର ଅତି କମରେ ୧ଟଙ୍କା ବି ହୋଇଥାଏ, ତେବେ ଏହା ବଦଳରେ ଆପଣଙ୍କୁ ୫୧ ଟଙ୍କା ମିଳିବ । ନ୍ୟାସନାଲ ପେମେଂଟ କର୍ପୋରେସନ ଅଫ ଇଣ୍ଡିଆର ସୂଚନା ମୁତାବକ, ଯେତେବେଳେ ବି ଆପଣ ଏକ ୟୁନିକ ଟ୍ରାଂଜାକସନ କରିବେ । ଯେପରିକି, ଥରେ ଆପଣ ୟୁପିଆଇ ଆଇଡିରୁ, ଦ୍ୱିତୀୟ ଥର ମୋବାଇଲ ନମ୍ବରରୁ ଏବଂ ତୃତୀୟ ଥର ଆକାଉଂଟ ନମ୍ବରରୁ ଟଙ୍କା ପଠାଇଲେ , ତେବେ ଆପଣଙ୍କୁ ଏଥିପାଇଁ ୨୫ ଟଙ୍କା ମିଳିବ ।
ସେହିପରି, ଯଦି ଆପଣ ଅତି କମରେ ୧୦ ଟଙ୍କା ବି ନିଜର ଭିମ ଆପରୁ ଟ୍ରାନ୍ସଫର କରୁଛନ୍ତି କିମ୍ବା କିଛି କିଣୁଛନ୍ତି ତେବେ ବି ଆପଣଙ୍କୁ କ୍ୟାସବ୍ୟାକ ମିଳିବ । ପ୍ରତିମାସ ଯଦି ଆପଣ ୨୫ରୁ ଅଧିକ କିନ୍ତୁ ୫୦ଥର ଲେନଦେନ କରନ୍ତି ତେବେ ଆପଣଙ୍କୁ ୧୦୦ ଟଙ୍କା ମିଳିବ । ଯଦି ଆପଣ ୫୦ଥରରୁ ଅଧିକ କିନ୍ତୁ ୨୦୦ ଥରରୁ କମ ଅର୍ଥ କାରବାର କରିଛୁଛନ୍ତି ତେବେ ଆପଣଙ୍କୁ ସରକାରଙ୍କ ତରଫରୁ ୧୦୦ ଟଙ୍କା ମିଳିବ । ସେହି ପରି ୧୦୦ରୁ ଅଧିକ ଥର କାରବାର କଲେ ଏଥିପାଇଁ ଆପଣଙ୍କୁ ୨୫୦ ଟଙ୍କା ମିଳିବ । ଭିମ ଆପରୁ ନେଣଦେଣ କରିବା ଦ୍ୱାରା ମିଳୁଥିବା ଏହି ସୁବିଧା ଆପଣଙ୍କୁ କ୍ୟାସବ୍ୟାକ ଆଧାରରେ ମିଳିବ । ଖୋଲି ଏତିକି ନୁହେଁ ମାସକ ମଧ୍ୟରେ ସର୍ବାଧିକ ୭୫୯ ଟଙ୍କାର କ୍ୟାସବ୍ୟାକ ମଧ୍ୟ ଆପଣଙ୍କୁ ମିଳିପାରିବ ।