ମାତ୍ର ୧୦ ଟଙ୍କାରେ ଦେଖନ୍ତୁ ନିଜ ମନ ପସନ୍ଦର ସୋ’ ସହିତ ଅସୀମ କଲ ଓ ମାଗଣା ଇଂଟରନେଟ୍
କଥାଟା ଆପଣଙ୍କୁ ମିଛ ଲାଗୁଥିଲେ ମଧ୍ୟ ଏହା ସତ୍ୟ ଅଟେ । ରିଲାଏନ୍ସ ଜିଓର ଫ୍ରି ମୋବାଇଲରୁ ଆପଣ ମାତ୍ର ୧୦ ଟଙ୍କାରେ ପ୍ରତିଦିନ ହିସାବରେ ନିଜର ମନପସନ୍ଦିଆ କାର୍ଯ୍ୟକ୍ରମ ଦେଖିପାରିବେ । ଏହାଛଡା ଏଥିସହିତ ଆପଣ ମାଗଣାରେ ଅସୀମ କଲିଂର ସୁବିଧାର ଲାଭ ମଧ୍ୟ ଉଠାଇପାରିବେ । ଆପଣ ଆପଣଙ୍କର ଜିଓ ୪ଜି ଫିଚର ଫୋନକୁ କୌଣସି ବି ଟିଭିରେ କନେକ୍ଟ କରି ପାରିବେ । ଆପଣଙ୍କୁ ଏଠାରେ କହି ରଖୁଛୁ କି, ଜିଓ ଫୋନକୁ ଏକ କେବୁଲ ମାଧ୍ୟମରେ ଆପଣ ଆପଣଙ୍କର ଟିଭିରେ କନେକ୍ଟ କରିବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ଏହି କେବୁଲ ଜିଓ ଫୋନ ସହିତ ଆସି ନାହିଁ ବରଂ ଏହାକୁ ଆପଣଙ୍କୁ ବଜାରରୁ ଅଲଗା ଭାବେ କିଣିବାକୁ ପଡିବ । ତେବେ ଏହି କେବୁଲ ଦୁଇ ପ୍ରକାରର କନେକ୍ଟର ସହିତ ମିଳିଥାଏ । ଯଦି ଆପଣଙ୍କର ଏଲଇଡି ଟିଭି ରହିଛି ତେବେ ଆପଣଙ୍କୁ ଏଥିପାଇଁ ଏଚଡିଏମଆଇ ପୋର୍ଟ ଥିବା କନେକ୍ଟର ବ୍ୟବହାର କରିବାକୁ ପଡିବ । ସେହିପରି ଯଦି ଆପଣ ସିଆରଟି ଟିଭି ବ୍ୟବହାର କରୁଛନ୍ତି ତେବେ ଏଥିପାଇଁ ଆରସିଏ ପୋର୍ଟ ବ୍ୟବହାର କରିବେ ।
ବ୍ୟବହାର କରିବାର ପ୍ରକ୍ରିୟା
• କେବୁଲକୁ କନେକ୍ଟ କରିବା ବହୁତ ହିଁ ସହଜ ଅଟେ ।
• ଏଥିପାଇଁ ପ୍ରଥମେ ଆପଣଙ୍କୁ କନେକ୍ଟରରେ ଏଚଡିଏମଆଇ/ଆରସିଏ କେବୁଲ କନେକ୍ଟ କରି କେବୁଲର ଅନ୍ୟ ପାଖକୁ ଜିଓ ଫୋନରେ କନେକ୍ଟ କରିବାକୁ ପଡିବ ।
• ସେଟଅପ ହେବା ପରେ ଏବେ ଆପଣ ଜିଓ ଟିଭି ଆପକୁ ନିଜର ଜିଓ ଫୋନରେ ଓପନ କରିବାକୁ ପଡିବ । ଏହି ଆପ ମାଧ୍ୟମରେ ଆପଣ କୌଣସି ବି ଚ୍ୟାନେଲ ଲାଇଭ ଦେଖିପାରିବେ ।
• ସେହିପରି ଜିଓ ଟିଭି ଆପରେ ପାଖାପାଖି ୧୦୦ ଚ୍ୟାନେଲ ଉପଲବ୍ଧ । ବତ୍ତମାନ ଜିଓ ଟିଭିକୁ ଆକ୍ସସେସ କରିବା ପାଇଁ ଆପଣଙ୍କୁ ପ୍ରତି ମାସ ୩୦୯ ଟଙ୍କା ଦେବାକୁ ପଡିବ । ଏହି ପ୍ଲାନରେ ଭଏସ କଲ ଏବଂ ଡାଟା ସର୍ଭିସ ଭଳି ମଧ୍ୟ ସୁବିଧା ରହିଛି ।
• ସବୁ ସେଟଅପ ହେବା ପରେ ଆପଣ ଆପଣଙ୍କର ଜିଓ ଫୋନରେ କୌଣସି ବି ଭିଡିଓ ପ୍ଲେ କରିପାରିବେ । ଯାହାକୁ ଆପଣ ଟିଭିରେ ଦେଖିବାକୁ ଚାହୁଛନ୍ତି ।
• ଏହାର ଏକ ବିଶେଷତ୍ୱ ହେଲା କି ଆପଣ ଭିଡିଓକୁ ଟିଭିରେ ପ୍ଲେ କରିବା ପରେ ବି ଫୋନକୁ ଅନ୍ୟ କୌଣସି କାମରେ ବ୍ୟବହାର କରିପାରିବେ । ଯେପରିକି କୌଣସି ଆପ ବ୍ୟବହାର କରିବାକୁ ଚାହିଁବେ ତ କରିପାରିବେ ।
• ଯଦି ଆପଣ ଚ୍ୟାନେଲ ଚେଂଜ କରିବାକୁ ଚାହୁଁଛନ୍ତି ତେବେ ତାହା ବି କରିପାରିବେ । ଫୋନରେ ଚ୍ୟାନେଲ ଚେଂଜ କରିବା ସମୟରେ ବି ଟିଭିରେ ମଧ୍ୟ ଚ୍ୟାନେଲ ବଦଳି ଯାଇଥାଏ, ଠିକ୍ ଅବିକଳ ରିମୋଟ୍ ଭଳି ।
ଏହାଛଡା ଆପଣ ଟିଭି ଦେଖିବା ସମୟରେ ଫୋନରୁ ମେସେଜ ମଧ୍ୟ ପଠାଇବା ସହ କଲ ମଧ୍ୟ କରିପାରିବେ ।
ସୌଜନ୍ୟ: ଜନସତ୍ତା