ରେଳ ଧାରଣାରେ ଫାଟ ଥିଲେ ଇଞ୍ଜିନ କରିବ ଭବିଷ୍ୟବାଣୀ ! ଦୁର୍ଘଟଣା ହେବାରୁ ରୋକିବ ବିଆରଡି
ଟ୍ରେନରେ ପ୍ରତିଦିନ ହଜାର ହଜାର ଯାତ୍ରୀ ଯାତ୍ରା କରିଥାନ୍ତି । ଅନ୍ୟପଟେ ଦେଶରେ ଦିନକୁ ଦିନ ରେଳ ଦୁର୍ଘଟଣା ମଧ୍ୟ ବୃଦ୍ଧି ପାଇବାରେ ଲାଗିଛି । ତେଣୁ ଏହାକୁ ଦୃଷ୍ଟିରେ ରଖି ଅଷ୍ଟ୍ରେଲିୟା କମ୍ପାନୀ, ବ୍ରୋକନ ରେଲ ଡିଟେକ୍ସନ ସିଷ୍ଟମ (ବିଆରଡି) ନାମକ ଏକ ମେସିନର ଉଦ୍ଭାବନ କରିଛନ୍ତି । ଯାହା ଦ୍ୱାରା ରେଳ ଲାଇନରେ ଯଦି ପୂର୍ବରୁ କୌଣସି ଫାଟ ଥାଏ କିମ୍ବା ରେଳ କୌଣସି ଦୁର୍ଘଟଣାର ଶିକାର ହେବାକୁ ଯାଉଥାଏ ତେବେ ଏହି ମେସିନ ଏହାକୁ ବହୁ ପୂର୍ବରୁ ହିଁ ସଙ୍କେତ ଦେଇଦେବ । ଏହି ମେସିଟକୁ ସମସ୍ତ ରେଳ ଇଞ୍ଜିନରେ ବ୍ୟବହାର କରିବାକୁ ସରକାରଙ୍କ ତରଫରୁ ଯୋଜନା ଚାଲିଛି । ତେବେ ରେଳ ଇଂଜନରେ ବ୍ୟବହାର କରିବା ପୂର୍ବ ପ୍ରଥମେ ଏହାକୁ ପରୀକ୍ଷାମୂଳକ ଭାବେ ଗାଜିଆବାଦ, ମୁରାଦାବାଦ, ଲକ୍ଷ୍ନୌ ଆଦିର ରେଳ ଲାଇନକୁ ଚିହ୍ନଟ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ରେଳ ଲାଇନରେ ଫାଟ ସୃଷ୍ଟି ହେବା କାରଣରୁ ଦୁନିଆରେ ରେଳ ଦୁର୍ଘଟଣା ଦିନକୁ ଦିନ ବଢିବାରେ ଲାଗିଛି । ଏହାକୁ ରୋକିବା ପାଇଁ ରେଳ ପ୍ରଶାସନ ଦ୍ୱାରା ରେଳ ଲାଇନ ଗୁଡିକୁ ଭଲ ଭାବରେ ମରାମତି କରାଯାଇଥାଏ । ଏହା ପରେ ମଧ୍ୟ ରେଳ ଲାଇନରେ ଫାଟ ସୃଷ୍ଟି ହେବା ସହ ଦୁର୍ଘଟଣା ଘଟିଚାଲିଛି । ତେଣୁ ଏଥିପାଇଁ ବିଆରଡି ନାମକ ଏକ ଉପକରଣର ନିର୍ମାଣ କରାଯାଇଛି , ଯାହାକି ଦୁର୍ଘଟଣା ପୂର୍ବରୁ ଚାଳକଙ୍କୁ ସାବଧାନ କରିଦେବ ।
କିପରି କାମ କରିଥାଏ
ବିଆରଡି ଉପକରଣଟି ରେଳ ଇଞ୍ଜିନର ତଳେ ଲଗାଯିବ । ରେଳ ଲାଇନ ଦୁର୍ବଳ ଥଲେ , ରେଳ ଧାରଣାରେ ଫାଟ ସୃଷ୍ଟି ହେଲେ କିମ୍ବା ଅନ୍ୟ କୌଣସି ଦୁର୍ଘଟଣା ହେଲା ଭଳି ପରିସ୍ଥିତି ସୃଷ୍ଟି ହେଲେ ଏହି ଉପକରଣରେ ଲାଗିଥିବା ସେନସର ଏକ ମ୍ୟାଗ୍ନେଟିକ ତରଙ୍ଗ ସାହାଯ୍ୟରେ ସଚେତନ କରିଦେବ । ଯଦି କୌଣସି ଜାଗାରେ ରେଳ ଧାରଣାରେ ଫାଟ ହୋଇଛି କିମ୍ବା ଫାଟ ସୃଷ୍ଟି ହେବାକୁ ଯାଉଥାଏ ତେବେ ଏହି ଉପକରଣଟି ତୁରନ୍ତ ଚାଳକକୁ ସିଗନାଲ ଦେଇ ସତର୍କ କରିଦେବ । ଏବଂ ଚାଳକ ଏହାର ସୂଚନା ତକ୍ରାଳିନ କଣ୍ଟ୍ରୋଲରୁମକୁ ପଠାଇପାରିବେ । ଯାହା ଫଳରେ ଟ୍ରେନକୁ ଦୁର୍ଘଟଣାରୁ ରୋକାଯାଇ ପାରିବ ।