ଉପଭୋକ୍ତାଙ୍କୁ ଟ୍ରାଇ ଦେଲା ଭରସା: ୨୯ ଡିସେମ୍ବରରୁ ବନ୍ଦ ହେବନି ଆପଣଙ୍କ ଟିଭିରେ ଆସୁଥିବା ଚ୍ୟାନେଲ୍, ପୂର୍ବ ଭଳି ଦେଖିପାରିବେ ସମସ୍ତ ଚ୍ୟାନେଲ୍
ଭାରତୀୟ ଦୂରସଂଚାର ନିୟାମକ ପ୍ରାଧିକରଣ ତଥା ଟ୍ରାଇ ପକ୍ଷରୁ ଦେଶର ସମସ୍ତ କେବୁଲ , ଟିଭି ଉପଭୋକ୍ତାଙ୍କୁ ଭରସା ଦେଇଛି କି, ୨୯ ଡିସେମ୍ବରରୁ ଆପଣଙ୍କର ଟେଲିଭିଜନ ବ୍ଲାକ୍ ଆଉଟ୍ ହେବ ନାହିଁ ଆଉ ପୂର୍ବ ଭଳି ହିଁ ସମସ୍ତ ଚ୍ୟାନେଲ ଉପଭୋକ୍ତାଙ୍କ ଟିଭିରେ ଆସିବ । କାରଣ ଉଭୟ କେବୁଲ ଟିଭି ଏବଂ ଡିଟିଏଚ ସେବାର ନୂଆ ଯୋଜନାରେ ସିଫ୍ଟ ହେବା ପାଇଁ ଉପଭୋକ୍ତାଙ୍କୁ ପର୍ଯ୍ୟାପ୍ତ ସମୟ ଦିଆଯିବ । ଟ୍ରାଇ ତରଫରୁ ସମସ୍ତ ଡିଚିଏଚ ସେବା ପ୍ରଦାନକାରୀ ସଂସ୍ଥାମାନଙ୍କୁ ଆଶ୍ୱସ୍ତ କରିବାକୁ କହିଛି କି, ୨୯ ଡିସେମ୍ବର ପରେ ବି ସବୁ ଚ୍ୟାନେଲ ଉପଭୋକ୍ତାଙ୍କ ଟିଭିରେ ଜାରି ରଖିବାକୁ ।
Kanak News is now on WhatsApp
Join and get latest news updates delivered to you via WhatsApp
ଟ୍ରାଇ ତରଫରୁ କୁହାଯାଇଛି କି, କିଛିଦିନ ହେଲା ଟେଲିଭିଜନରେ ଦେଶର ପ୍ରମୁଖ ପ୍ରସାରଣକାରୀ ସଂସ୍ଥାଗୁଡିକ ନିଜର ସବୁ ଚ୍ୟାନେଲର ଅଲଗା ଅଲଗା ଦର ନିର୍ଦ୍ଧାରଣ କରିଛନ୍ତି । ଏ ସମ୍ପର୍କରେ ଟିଭି ସ୍କ୍ରିନରେ ସୂଚନା ମଧ୍ୟ ଦିଆଯାଉଛି । ଫଳରେ କେଉଁ ଚ୍ୟାନେଲର ଦାମ କେତେ ତାହା ଗ୍ରାହକମାନେ ଜାଣିପାରିବେ । ଏଥିସହିତ ହିଁ ଏହି ସବୁ ଚ୍ୟାନେଲକୁ ଦେଖିବା ପାଇଁ ୨୯ ଡିସେମ୍ବର ପୂର୍ବରୁ ନିଜ ନିଜ ଅପରେଟର୍ସଙ୍କ ଯୋଗାଯୋଗ କରିବାକୁ ହେବ । ନଚେତ ଆପଣ ଏହି ଚ୍ୟାନେଲ ଦେଖିପାରିବେ ନାହିଁ ବୋଲି ଲୋକଙ୍କୁ ଭୟଭୀତ କରାଯାଉଛି । ଯାହା ଦ୍ୱାରା ଲୋକଙ୍କୁ ଲାଗୁଛି କି, ଯଦି ସେମାନେ ନିଜ କେବୁଲ ଅପରେଟର୍ସ ତଥା ଡିଟିଏଚ ପ୍ରଦାନକାରୀ କଂପାନୀମାନଙ୍କ ସହ ଯୋଗାଯୋଗ ନକରନ୍ତି ତେବେ ତାଙ୍କ ଟିଭି ୨୯ ଡିସେମ୍ବରରୁ ବ୍ଲାକ୍ ଆଉଟ୍ ହୋଇଯିବ ।
ତେଣୁ ଏହାକୁ ଦୃଷ୍ଟିରେ ରଖି ଟ୍ରାଇ ପକ୍ଷରୁ ଗତ ବୁଧବାର ଏକ ଅଧିସୂଚନା ଜାରି କରାଯାଇ ସମସ୍ତ ଉପଭୋକ୍ତାଙ୍କୁ ନିଶ୍ଚିନ୍ତରେ ରହିବାକୁ ଭରସା ଦିଆଯାଇଛି । ଟ୍ରାଇ କହିଛି କି ନୂଆ ଯୋଜନା ଅନୁସାରେ ନିଜ ଚ୍ୟାନେଲର ଚୟନ କରିବା ପାଇଁ ଉପଭୋକ୍ତାଙ୍କୁ ପର୍ଯ୍ୟାପ୍ତ ସମୟ ଦିଆଯିବ । ଏବଂ ଟ୍ରାଇ ଏହି କାମ ପାଇଁ ପୃଥକ ଭାବେ ସମୟ ସୀମା ନିର୍ଧାରଣ କରାଯିବ ବୋଲି ଏଥିରେ ସ୍ପଷ୍ଟ କରି କହିଛି ।
ନୂଆ ଯୋଜନା ଅନୁସାରେ, ସମସ୍ତ ଉପଭୋକ୍ତାଙ୍କ ନିକଟରେ ନିଜ ଇଚ୍ଛା ଅନୁସାରେ ଚ୍ୟାନେଲ ଚୟନ କରିବାର ଅଧିକାର ରହିବ ଏବଂ ଅପରେଟର୍ସ ସେମାନଙ୍କଠାରୁ ସେହି ଚ୍ୟାନେଲ ମୁତାବକ ଶୁଳ୍କ ନିଆଯିବ । ବର୍ତ୍ତମାନ ଟିଭି ଉପଭୋକ୍ତାଙ୍କୁ ଅନେକ ଏଭଳି ଚ୍ୟାନେଲ ବି ନେବାକୁ ପଡୁଛି ଯାହାର ଆବଶ୍ୟକତା ତାଙ୍କର ନାହିଁ , ହେଲେ ପ୍ୟାକେଜରେ ସାମିଲ ହେବା କାରଣରୁ ତାଙ୍କୁ ଏଭଳି କରିବାକୁ ପଡୁଛି । ତେଣୁ ନୂଆ ଯୋଜନା ଲାଗୁ ହେବା ଦ୍ୱାରା ଉପଭୋକ୍ତା ପୂର୍ବପେକ୍ଷା ଅଧା ଦାମରେ ନିଜ ମନ ପସନ୍ଦର ଚ୍ୟାନେଲ ଦେଖିପାରିବେ ।
ଏଠାରେ ଆମେ କହି ରଖୁଛୁ କି, କେବୁଲ ଓ ଡିଟିଏଚ ସେବା ପାଇଁ ମାସ ଏକ ନିର୍ଦିଷ୍ଟ ପରିମାଣର ବିଲ ଦେବାକୁ ପଡୁଥିଲା । କିନ୍ତୁ ନୂଆ ନିୟମ ଲାଗୁ ହେବା ଦ୍ୱାରା ପ୍ରତି ଚ୍ୟାନେଲ ପାଇଁ ଅଲଗା ଅଲଗା ଦାମ ଗଣିବାକୁ ପଡିବ । ଟିଭି ଉପଭୋକ୍ତାମାନଙ୍କୁ ପ୍ରଥମେ ଶହେଟି ଚ୍ୟାନେଲ ପାଇଁ ୧୩୦ ଟଙ୍କା ସହିତ ଟିକସ ଦେବାକୁ ପଡିବ । କିନ୍ତୁ ଲୋକପ୍ରିୟ ଚ୍ୟାନେଲଗୁଡିକୁ ଗ୍ରାହକମାନେ ନିଜ ପସନ୍ଦ ଅନୁସାରେ ଚୟନ କରିବେ । ସେହି ଅନୁସାରେ ଗ୍ରାହକଙ୍କୁ ପେମେଂଟ କରିବାକୁ ପଡିବ ।