କେନ୍ଦ୍ର ସରକାରଙ୍କ କଡା ନିର୍ଦ୍ଦେଶ: ପେନସନ ଫର୍ମରେ ଏଭଳି ଫଟୋ ରହିଥିଲେ ମିଳିବ ନାହିଁ ଟଙ୍କା ,ଜାଣନ୍ତୁ କଣ ରହିଛି ନୂଆ ଗାଇଡଲାଇନ୍ସ
କେନ୍ଦ୍ର ସରକାର ପେନସନଧାରୀଙ୍କ ପାଇଁ ନୂଆ ନିର୍ଦ୍ଦେଶ ଜାରି କରିଛନ୍ତି । ଏଥିରେ ଧାରକଙ୍କୁ ପେନସନ ଫର୍ମରେ ସ୍ପଷ୍ଟ ଏବଂ ଭଲ ଫଟୋ ଲଗାଇବାକୁ ରୋକଠୋକ ଶୁଣାଇ ଦେଇଛନ୍ତି ଏବଂ ବିଶେଷ କରି ସେଲ୍ଫି ଫଟୋ ଲଗାଇବା ଉପରେ ରୋକ୍ ଲଗାଇଛନ୍ତି । କେନ୍ଦ୍ର ସରକାରଙ୍କ କର୍ମଚାରୀ, ସାଧାରଣ ଅଭିଯୋଗ ଓ ପେନସନ ମନ୍ତ୍ରାଳୟ ବିଭାଗ ପକ୍ଷରୁ ଏ ନେଇ କେନ୍ଦ୍ର ସରକାରୀ କର୍ମଚାରୀମାନଙ୍କୁ ସୂଚୀତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରାଳୟର ନିର୍ଦ୍ଦେଶ ମୁତାବକ, କଳାଧଳା, କଳା ବା ରଙ୍ଗୀନ ଚଷମା ପିନ୍ଧି, ଆଖି ଉପରେ କେଶ ପଡୁଥିବା ଫଟୋ ମଧ୍ୟ ଗ୍ରହଣୀୟ ହେବ ନାହିଁ । ଆହୁରିମଧ୍ୟ ଫଟୋଗ୍ରାଫ ପାଇଁ ଥିବା କୋଠରୀଠାରୁ ଫଟୋଟି ଛୋଟ ହେବା ଉଚିତ ନୁହେଁ । ଗାଢ ବ୍ୟାକଗ୍ରାଉଣ୍ଡ, ୟୁନିଫର୍ମ ପିନ୍ଧା ଫଟୋ ମଧ୍ୟ ଗ୍ରହଣୀୟ ନୁହେଁ । କେନ୍ଦ୍ର ସରକାରଙ୍କ ନିୟମ ଅନୁସାରେ କର୍ମଚାରୀମାନେ ଅବସର ନେବାର ପ୍ରାୟ ୮ ମାସ ପୂର୍ବରୁ ନିଜ ବିଭାଗୀୟ ମୁଖ୍ୟଙ୍କ ଅଫିସରୁ ଫର୍ମ-୫ ସଂଗ୍ରହ କରି ତାହା ସହିତ ନିଜ ପତ୍ନି ବା ପତିଙ୍କ ସହ ଥିବା ଯୁଗ୍ମ ଫଟୋର ତିନିଟି କପି ବିଭାଗୀୟ ମୁଖ୍ୟଙ୍କ ଦ୍ୱାରା ଆଟେଷ୍ଟେଡ କରି ଆବେଦନ କରିବେ ।
ନୂଆ ନିର୍ଦ୍ଦେଶରେ କଣ ରହିଛି ଉଲ୍ଲେଖ
ନୂଆ ନିର୍ଦ୍ଦେଶରେ ବ୍ଲାକ୍ ଆଣ୍ଡ ହ୍ୱାଇଟ୍ ଫଟୋକୁ ଲଗାଇବା ଉପରେ ବି ରୋକ୍ ଲଗା ଯାଇଛି । ଏଥିସହିତ ହିଁ ଫର୍ମରେ ସାଇଜ ମୁତାବକ ହିଁ ଫଟୋ ଲଗାଇବାକୁ ପଡିବ । ଫର୍ମରେ ଦିଆ ଯାଇଥିବା ବକ୍ସ ହିସାବରେ ଫର୍ମରେ ହସ୍ତାକ୍ଷର ଛୋଟ ନହେବା ଦରକାର । ଧାରକଙ୍କୁ ମୁଖ୍ୟାଳୟ ତରଫରୁ ପ୍ରମାଣିତ ୩ ଫଟୋ ଦେବାକୁ ପଡିବ । ଅନ୍ଧାରରେ କିମ୍ବା କୌଣସି ବିଶେଷ ୟୁନିଫର୍ମରେ ନିଆଯାଇଥିବା ଫଟୋ ଗ୍ରହଣ ଯୋଗ୍ୟ ହେବନାହିଁ । କମ୍ପ୍ୟୁଟର ପ୍ରିଂଟ ଥିବା କିମ୍ବା ହସ୍ତାକ୍ଷର ବାଲା ଫଟୋ ଉପରେ ବି ରୋକ୍ ଲଗା ଯାଇଛି । ଏଠାରେ ଆମେ କହି ରଖୁଛୁ କି, ସିଭିଲ ସର୍ଭିସେସ ପେନସନ ରୁଲ୍ ୧୯୭୨ର ଅନ୍ତର୍ଗତ ଫର୍ମ-୫ ଜମା କରିବାକୁ ପଡିଥାଏ ।
ଉପଯୁକ୍ତ ସମୟରେ ମିଳିବ ପେନସନ
ମନ୍ତ୍ରାଳୟ ଅଫିସରର ମୁତାବକ, ଅନେକ ଥର ଛୋଟ ଛୋଟ କାରଣରୁ ପେନସନ ମିଳିବାରେ ସମୟ ଲାଗିଥାଏ । ମନ୍ତ୍ରାଳୟର ସମସ୍ତ କେନ୍ଦ୍ରିୟ ବିଭାଗଗୁଡିକୁ ଫଟୋ ସଂମ୍ବନ୍ଧିୟ ନିର୍ଦ୍ଦେଶ ଜାରି କରାଯାଇଛି । ପେନସନ ଫର୍ମ ସ୍ପଷ୍ଟ ହେବାଦ୍ୱାରା ପେନସନ ଜନିତ ସମସ୍ୟାକୁ ଦୂର କରାଯାଇ ନିଦ୍ଧାରିତ ତଥା ଉପ ଯୁକ୍ତ ସମୟରେ ପେନସନ ମିଳିପାରିବ । ଅବସରପ୍ରାପ୍ତ କର୍ମଚାରୀଙ୍କୁ ପେନସନ ପାଇଁ ଦୀର୍ଘ ସମୟ ଧରି ଅପେକ୍ଷା କରିବାକୁ ପଡିବ ନାହିଁ । ଏଠାରେ ଆମେ କହିରଖୁଛୁ କି, ବର୍ତ୍ତମାନ ସମୟରେ ୪୮.୪୧ ଲକ୍ଷ କେନ୍ଦ୍ରୀୟ କର୍ମଚାରୀ ଏବଂ ୬୧.୧୭ ଲକ୍ଷ କେନ୍ଦ୍ରୀୟ ପେନସନ ଧାରକ ରହିଛନ୍ତି ।