କନକ ବ୍ୟୁରୋ: ଆଜିଠୁ ଫାସଟ୍ୟାଗ୍‌ର ବଦଳିଲା ନିୟମ । ଏଣିକି ନିଇତି ଲାଇନ୍‌ରେ ଛିଡ଼ା ହୋଇ ଆଉ ଗାଡିର ଫାସ୍‌ଟ୍ୟାଗ୍‌ କାଟିବାକୁ ପଡ଼ିବନି । କାରଣ ଆଜିଠୁ ବାର୍ଷିକ ଫାସ୍‌ଟ୍ୟାଗ୍‌ କରିପାରିବେ ଆପଣ । ଅର୍ଥାତ୍‌ ବର୍ଷକ ପାଇଁ ଫାସ୍‌ଟ୍ୟାଗ୍‌ କଲେ ଆପଣଙ୍କୁ ଅନେକ ଲାଭ ମିଳିବ । ଅଗଷ୍ଟ ୧୫ରୁ ଏହି ନୂଆ ନିୟମ ପୂରା ଦେଶରେ ଲାଗୁ ହେବାକୁ ଯାଉଛି । ଯାହାକୁ ନେଇ ଏବେ ଭାରି ଚର୍ଚ୍ଚା । 

Advertisment

ଆଜିଠୁ ଫାସ୍‌ଟ୍ୟାଗ୍‌ର ବଦଳିଲା ନିୟମ
ଏଣିକି ବର୍ଷକ ପାଇଁ କରିବେ ପାସ୍‌
ବଢ଼ିଆ ଅଫର୍‌, ଥରେ ରିଚାର୍ଜ କଲେ…

କେମିତି ରିଚାର୍ଜ କରିବେ ଆପଣ

ରାସ୍ତାରେ ଯିବା ବେଳେ ଆପଣ ପ୍ରତି ୬୦ କିଲୋମିଟର ବ୍ୟବଧାନରେ ଗୋଟିଏ ଗୋଟିଏ ଟୋଲ୍‌ଗେଟ୍‌ ଦେଖିଥିବେ । ଏହି ଟୋଲ୍‌ରେ ଆପଣ ନିର୍ଦ୍ଧାରିତ ଟଙ୍କା ଦେବା ପରେ ହିଁ ଆପଣ ଆଗକୁ ବଢ଼ିପାରିବେ । ହେଲେ ପ୍ରତି ଗେଟ୍‌ରେ ଟଙ୍କା ଦେବାରେ ଅନେକ ସମୟରେ ବିରକ୍ତ ଲାଗେ । ଅବଶ୍ୟ ଏବେ ଅନଲାଇନ୍‌ ପେମେଣ୍ଟ ହୋଇଯାଇଥିବାରୁ ଅଟୋମେଟିକ୍‌ ଟଙ୍କା କଟୁଛି । ହେଲେ ରିଚାର୍ଜ କେହି କେହି ମାସକୁ କିମ୍ବା କିଛି ଟଙ୍କାରେ କରୁଛନ୍ତି । ଯାହାଦ୍ବାରା କେତେବେଳେ ଯେ ଟଙ୍କା ସରିଯାଇଥିବ ଏବଂ ଗେଟ୍‌ରେ ହଇରାଣ ହେବେ ଆପଣ ତାହା କହିବା ମୁସ୍କିଲ୍‌ । ସେଇଥି ଲାଗି ତ କେନ୍ଦ୍ର ସରକାର ବାର୍ଷିକ ଟୋଲ୍‌ଗେଟ୍‌ର ବ୍ୟବସ୍ଥା କରିଛନ୍ତି । ଯାହାକୁ ନେଇ ଏବେ ଚର୍ଚ୍ଚା । 

ବାର୍ଷିକ ଫାସ୍‌ଟ୍ୟାଗ କଣ

ବାର୍ଷିକ ଫାସ୍‌ଟ୍ୟାଗ୍‌କୁ ନେଇ ଏବେ ଭାରି ଚର୍ଚ୍ଚା । ସାଧାରଣ ଲୋକଙ୍କ ମନରେ ଏବେ ଗୋଟିଏ ପ୍ରଶ୍ନ ବାର୍ଷିକ ଫାସ୍‌ଟ୍ୟାଗ୍‌ କଣ । ତେବେ ବାର୍ଷିକ ଫାସ୍‌ଟ୍ୟାଗ୍‌ ହେଉଛି ଏକ ପ୍ରିପେଡ୍ ସେବା । ଯେଉଁଥିରେ ଗାଡ଼ି ମାଲିକମାନେ ଥରକେ ଏକ ନିର୍ଦ୍ଦିଷ୍ଟ ଅର୍ଥ ଦେଇ ବର୍ଷକ ପାଇଁ ଟୋଲ୍‌ଗେଟ୍‌ ଦେଇ ଯାତ୍ରା କରିପାରିବେ । ବଡ଼ ଗାଡ଼ି ଗୁଡ଼ିକ ବର୍ଷକୁ ୩ହଜାର ଟଙ୍କା ଦେଇ ଟୋଲ୍‌ଗେଟ୍‌ରେ ଯିବାଆସିବା କରିପାରିବେ । ବାର୍ଷିକ ଟୋଲ୍‌ ରିଚାର୍ଜ କରିବା ପରେ ୨୦୦ ଟୋଲ୍‌ଗେଟ୍‌ କିମ୍ବା ଏକବର୍ଷ ପର୍ଯ୍ୟନ୍ତ ଆଉ ଟୋଲ୍‌ଗେଟ୍‌ରେ ଟଙ୍କା ଦେବାକୁ ପଡ଼ିବ ନାହିଁ । 

ଏହି ପାସ୍‌ରେ ଆପଣ କେଉଁଠି କେଉଁଠି ଯାଇପାରିବେ?

ବର୍ଷିକିୟା ପାସ୍ କେବଳ ଭାରତୀୟ ଜାତୀୟ ରାଜପଥ ପ୍ରାଧିକରଣ (NHAI) ଏବଂ MoRTH ଦ୍ୱାରା ପରିଚାଳିତ ଜାତୀୟ ରାଜପଥ (NH) ଏବଂ ଜାତୀୟ ଏକ୍ସପ୍ରେସୱେ (NE) ଟୋଲ୍ ପ୍ଲାଜାରେ ହିଁ ବୈଧ ହେବ । ଏହା ରାଜ୍ୟ ସରକାରଙ୍କ ଦ୍ୱାରା ପରିଚାଳିତ ରାଜ୍ୟ ରାଜପଥ କିମ୍ବା ବେସରକାରୀ ଟୋଲ୍ ରାସ୍ତାରେ କାର୍ଯ୍ୟକାରୀ ହୋଇପାରିବ ନାହିଁ ।

କେମିତି ପାଇବେ ବାର୍ଷିକ ପାସ୍ ?

ଏହି ବାର୍ଷିକ ପାସ୍‌ ପାଇଁ ନୂଆ ଫାସ୍‌ଟ୍ୟାଗ୍‌ କିଣିବାକୁ ପଡ଼ିବ ନାହିଁ । ଆପଣ ନେଇଥିବା ପୁରୁଣା ଫାସ୍‌ଟ୍ୟାଗ୍‌ରେ ହିଁ ଏହାକୁ ଆକ୍ଟିଭ୍‌ କରିପାରିବେ । ଅନଲାନଇନ୍‌ରେ ଆପଣ ରିଚାର୍ଜ କରି ଏହାକୁ ଆକ୍ଟିଭ୍‌ କରିପାରିବେ । 

କେମିତି ଅନଲାଇନ୍‌ରେ ରିଚାର୍ଜ କରିବେ ଆପଣ ?

ରାଜମାର୍ଗ ଯାତ୍ରା ମୋବାଇଲ୍ ଆପ୍ଲିକେସନ୍ କିମ୍ବା NHAI/MoRTH ର ଅଫିସିଆଲ୍ ୱେବସାଇଟକୁ ଯିବାକୁ ପଡ଼ିବ ।

ପରେ ପରେ ଆପଣଙ୍କ ପଞ୍ଜୀକୃତ ମୋବାଇଲ୍ ନମ୍ବର କିମ୍ବା ଗାଡ଼ିର ପଞ୍ଜୀକରଣ ନମ୍ବର ଏବଂ ଫାସଟ୍ୟାଗ୍ ଆଇଡି ବ୍ୟବହାର କରି ଲଗ୍ ଇନ୍ କରିବାକୁ ପଡ଼ିବ ।

ଲଗ୍ ଇନ୍ କରିବା ପରେ, ସିଷ୍ଟମ୍ ଆପଣଙ୍କ ଫାସଟ୍ୟାଗର ଯୋଗ୍ୟତା ଯାଞ୍ଚ କରିବ । ଏଥିପାଇଁ ଆପଣଙ୍କ ଫାସଟ୍ୟାଗ୍ ସକ୍ରିୟ ଥିବା, ଗାଡ଼ିର ୱିଣ୍ଡସିଲ୍ଡରେ ଠିକ୍ ଭାବରେ ଲାଗିଥିବା ଏବଂ ଗାଡ଼ିର ପଞ୍ଜୀକରଣ ନମ୍ବର (VRN) ସହିତ ସଠିକ୍ ଭାବେ ରହିଥିବା ଆବଶ୍ୟକ । ଯଦି ଆପଣଙ୍କ ଫାସଟ୍ୟାଗ୍ କେବଳ ଚେସିସ୍ ନମ୍ବର ସହିତ ପଞ୍ଜୀକୃତ ହୋଇଥାଏ, ତେବେ ଏହି ସୁବିଧା ଆପଣଙ୍କୁ ମିଳିବ ନାହିଁ । 

ଏହାପରେ ୩,୦୦୦ ଟଙ୍କାର ବାର୍ଷିକ ପାସ୍ ବିକଳ୍ପ ଚୟନ କରିବାକୁ ହେବ । ଏହାପରେ ୟୁପିଆଇ (UPI), ଡେବିଟ୍/କ୍ରେଡିଟ୍ କାର୍ଡ କିମ୍ବା ନେଟ୍ ବ୍ୟାଙ୍କିଙ୍ଗ୍ ମାଧ୍ୟମରେ ଅନଲାଇନରେ ପେମେଣ୍ଟ୍ କରିବାକୁ ପଡ଼ିବ । ପେମେଣ୍ଟ ହେବା ପରେ ଆପଣଙ୍କ ରେଜିଷ୍ଟର ମୋାବାଇଲ୍‌ ନମ୍ବରକୁ ଏକ ମେସେଜ୍‌ ଆସିବ । 

ତେବେ ଏଠାରେ ସ୍ପଷ୍ଟ ଭାବରେ କହିରଖୁଛୁ କି, ବାର୍ଷିକ ଫାସ୍‌ଟ୍ୟାଗ୍‌ ବାଧ୍ୟତାମୂଳକ ନୁହେଁ । ଯଦି ଆପଣ ଚାହିବେ କରିବେ ନହେଲେ ପୂର୍ବପରି ଯିବାଆସିବା କରିପାରିବେ ।