ସୀମା ଜଗୁଥିଲେ, ଗାଁ ପାଇଁ ସ୍ୱପ୍ନ ଦେଖୁଥିଲେ… ସ୍ୱପ୍ନ ସାକାର ହେବା ପୂର୍ବରୁ ସହିଦ ହୋଇଗଲେ ଓଡିଆ ଯବାନ । ଜାଣନ୍ତୁ ମାଟି ମାଆ ପାଇଁ କେଉଁ ସ୍ୱପ୍ନ ଦେଖିଥିଲେ ସାହସୀ ଚନ୍ଦ୍ରକାନ୍ତ…
କନକ ବ୍ୟୁରୋ: ମରଶରୀର ଆସିଲା, ମାଟି ମାଆ କାନ୍ଦିଲା । ଭୁବନେଶ୍ୱରରେ ବୀର ଓଡିଆ ଯବାନଙ୍କ ପାର୍ଥୀବ ଶରୀର ପହଞ୍ଚିବା ପରେ କାନ୍ଦ ବୋବାଳିରେ ଫାଟି ପଡିଛି ଗାଁ ମାଟି । ଗେହ୍ଲା ପୁଅ ଚନ୍ଦ୍ରକାନ୍ତଙ୍କ ମର ଶରୀର ଓଡିଶା ମାଟି ଛୁଇଁବା ପରେ କଇଁକଇଁ କାନ୍ଦିଛି କନ୍ଧମାଳ, ଛାତିପିଟି ବାହୁନି ବାହୁନି କାନ୍ଦୁଛନ୍ତି ରାଇକିଆ ବିଅରପାଙ୍ଗା ଗାଁ ଲୋକେ । ଆଉ ସୀମାରେ ପୁଅ ସହିଦ ହେବା ପରେ ଦୁଃଖରେ ମ୍ରିୟମାଣ ପରିବାର ପାଣି ବି ପିଇନି… ଏତିକି ବେଳେ ପୁଅର ପ୍ରାଣବଳୀ ପାଇଁ ଲୁହ ପୋଛି ଗର୍ବ କରିଛି ମାଆ…
Kanak News is now on WhatsApp
Join and get latest news updates delivered to you via WhatsApp
ସୀମାରେ ସଙ୍ଘର୍ଷ ହେବାର ୨ ସପ୍ତାହ ତଳେ ଘରକୁ ଶେଷ ଭିଡିଓ କଲ କରିଥିବେ ସହିଦ ଯବାନ । ଆଉ ବାପାମାଆଙ୍କର ଦେଖାଶୁଣା କରିବା ସହ ତାଙ୍କ ପ୍ରିୟ କୁକୁରର ଯତ୍ନ ନେବାକୁ ବି ତାଙ୍କ ଭଉଣୀକୁ କହିଥିଲେ ଚନ୍ଦ୍ରକାନ୍ତ ।
ତେବେ ଖାଲି ଘର ପରିବାର ନୁହେଁ ବରଂ ନିଜ ଗାଁ, ନିଜ ମାଟି ମାଆ ପାଇଁ ବି ଅନେକ ସ୍ୱପ୍ନ ଦେଖିଥିଲେ ବୀର ଯବାନ ଚନ୍ଦ୍ରକାନ୍ତ । ଆଉ ତାଙ୍କର ସବୁ ସ୍ୱପ୍ନ ଚୀନ ସୀମାରେ ସମାଧି ନେଇଛି । ତେବେ ନଜର ପକାନ୍ତୁ କଣ ଥିଲା ସହିଦ ଚନ୍ଦ୍ରକାନ୍ତଙ୍କ ୪ଟି ସ୍ୱପ୍ନ ଯାହା ଅଧୁରା ରହିଗଲା…
ଭଉଣୀକୁ ଭଲ ପାଠ ପଢାଇବା । ଗାଁକୁ ଗଢିବା, ଗାଁର ଉନ୍ନତି କରିବା । ସମସ୍ତେ ଶିକ୍ଷିତ ହୋଇ ଗାଁରୁ ସହର ମୁହାଁ ହେବା । ନିଜ ଗାଁକୁ ମଦମୁକ୍ତ ଗାଁ କରିବା । ଗାଁର ବିକାଶ ପାଇଁ, ମାଟିର ଉନ୍ନତି ପାଇଁ ସବୁବେଳେ ଚିନ୍ତା କରୁଥିବା ସୁନାପୁଅ ଚନ୍ଦ୍ରକାନ୍ତଙ୍କୁ ହରାଇ ଗାଁ ଭାଙ୍ଗିପଡିଛି ଆଉ ତାଙ୍କ ଶେଷ ଦର୍ଶନ କରିବାକୁ ଚାହିଁବସିଛି…