ବୁଲା କୁକୁରଙ୍କ ସହ ଜନ୍ମଦିନ ପାଳିଲେ, କେକ୍ କାଟି ହାତରେ ଖୁଆଇଲେ ପଶୁପ୍ରେମୀ । ସମାଜ ଘୃଣା କରୁଥିବା ପଶୁକୁ ସ୍ନେହପ୍ରେମରେ ବାନ୍ଧି ଚର୍ଚ୍ଚାରେ ପୁରୀର ସନ୍ତୋଷ ମହାନ୍ତି
କନକ ବ୍ୟୁରୋ: କୁକୁରଙ୍କ ସହ ଜନ୍ମଦିନ ପାଳନ । ବର୍ଷା ଭିଜା ରାତିରେ ବୁଲା କୁକୁରଙ୍କ ସହ ବର୍ଥଡେ ପାଳିଲେ ପଶୁପ୍ରେମୀ । ଯେତେବେଳେ ଏ ସମାଜ, ଏ ମଣିଷ ବୁଲା କୁକୁରଙ୍କୁ ଘୃଣା ଚକ୍ଷୁରେ ଦେଖଛି, ଦୂର ଦୂର ଖିନ୍ ଖିନ୍ କରୁଛି ଠିକ୍ ସେତିକି ବେଳେ ରାସ୍ତାରେ ବୁଲୁଥିବା କୁକୁରଙ୍କ ଜନ୍ମଦିନ ପାଳନ କରି ଚର୍ଚ୍ଚାରେ ରହିଛନ୍ତି ପୁରୀର ସନ୍ତୋଷ ମହାନ୍ତି । ଏମିତି କି କୁକୁରଙ୍କ ସହ କେକ୍ କାଟି ସେମାନଙ୍କୁ ଖୁଆଇଛନ୍ତି
Kanak News is now on WhatsApp
Join and get latest news updates delivered to you via WhatsApp
ପଶୁ ଭିତରେ ବୁଲା କୁକୁରଙ୍କୁ ମଣିଷ ଦେଖିଲେ ବାଡାଏ, ମାତ୍ର ସନ୍ତୋଷ ସେମାନଙ୍କୁ ଦୟା କରିଛନ୍ତି । ସହରର ଗଳି କନ୍ଦିରେ ବୁଲୁଥିବା କୁକୁରଙ୍କୁ ସ୍ନେହ ଆଦର କରି ନିଜର କରିଛନ୍ତି । ଯେତେବେଳ ଲକଡାଉନ, ସଟଡାଉନ ପାଇଁ ସବୁକିଛି ବନ୍ଦ ହୋଇଯାଉଛି ସେତେବେଳେ ସହର ସାରା ବୁଲି ବୁଲା କୁକୁରଙ୍କୁ ଖାଇବା ଦେଉଛନ୍ତି ସନ୍ତୋଷ । ଆଉ ସେଇଥିପାଇଁ କୁକୁର-ମଣିଷ ଭିତରେ ବଢିଯାଇଛି ଭଲପାଇବା । ଏମିତିକି କୁକୁରଙ୍କୁ ଦିନେ ନଦେଖିଲେ ତାଙ୍କୁ ଭଲଲାଗେନି । ଯଦି ବୁଲା କୁକୁରଙ୍କ ଠାରୁ ଏତେ ଆତ୍ମୀୟତା ମିଳୁଛି ତେବେ କୁକୁରଙ୍କ ସହ କେକ୍ କାଟିଲେ ଅସୁବିଧା କଣ ବୋଲି ସନ୍ତୋଷ କହିଛନ୍ତି ।
ତେବେ ଖାଲି ସନ୍ତୋଷ ନୁହଁନ୍ତି କୁକୁରମାନେ ବି ସନ୍ତୋଷଙ୍କ ପଛେ ପଛେ ବୁଲୁନ୍ତି । ସେ ଯେଉଁଠି ପହଞ୍ଚିଯାଆନ୍ତି କୁକୁରମାନେ ବି ସେଠାରେ ହାଜର ହୋଇଯାଆନ୍ତି । ସେପଟେ ଖାଲି କୁକୁର କାହିଁକି ସବୁ ପଶୁଙ୍କୁ ନିଜର କରିପାରନ୍ତି ପଶୁପ୍ରେମୀ ସନ୍ତୋଷ । ବୁଲା ଷଣ୍ଢ କି ଗୋରୁଗାଈ ଯଦି ରୋଗାଗ୍ରସ୍ତ ହୁଅନ୍ତି କି ଦୁର୍ଘଟଣାର ଶିକାର ହୁଅନ୍ତି ତେବେ ସେମାନଙ୍କୁ ଚିକିତ୍ସା କରାନ୍ତି । ଏପରିକି ଗତ ରାକ୍ଷୀ ପୂର୍ଣ୍ଣିମାରେ ବୁଲି ବୁଲି ସମସ୍ତ ଗୋରୁଗାଈଙ୍କୁ ରାକ୍ଷୀ ବାନ୍ଧିଥିବା ବେଳେ ପୂଜା କରିଛନ୍ତି ସନ୍ତୋଷ । ଦୁନିଆ ଯେଉଁ ପଶୁକୁ ନିଚ୍ଚ ଆଖିରେ ଦେଖେ ସେହି ପଶୁକୁ ସ୍ନେହ ଦେଇ ଆପଣେଇ ନେଇଛନ୍ତି ସନ୍ତୋଷ ।