ଏସବିଆଇ ଗ୍ରାହକଙ୍କ ପାଇଁ ବଡ ଖବର : ମାସକରେ ୪ଥରରୁ ଅଧିକ ଉଠାଣ କଲେ ଦେବାକୁ ପଡିବ ଅତିରିକ୍ତ ଶୁଳ୍କ
କନକ ବ୍ୟୁରୋ : ଦେଶର ସବୁଠାରୁ ବଡ ବ୍ୟାଙ୍କ ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆ ଆଜିଠାରୁ କିଛି ନୂଆ ନିୟମ ଲାଗୁ ହୋଇଛି । ଯେଉଁଥିରେ ଏବେ ଟଙ୍କା ଉଠାଇବା ଲୋକଙ୍କୁ ଆହୁରି ମହଙ୍ଗା ପଡିପାରେ । ଚେକ୍ ବୁକ୍ ହେଉ ଅବା ଏଟିଏମରୁ ସବୁ କ୍ଷେତ୍ରରେ ଏବେ ଧାର୍ଯ୍ୟ ସୀମାଠାରୁ ଅଧିକ ଥର ଟଙ୍କା ଉଠାଣ ହେଲେ ବ୍ୟାଙ୍କ୍ ଶୁଳ୍କ ଆଦାୟ କରିବ ବୋଲି ଘୋଷଣା କରିଛି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ଷ୍ଟେଟ୍ ବ୍ୟାଙ୍କ ନିଜର ମୌଳିକ ସଂଚୟ ବ୍ୟାଙ୍କ ଜମା ଅର୍ଥାତ ବିଏସବିଡି ଖାତାଧାରୀଙ୍କ ପାଇଁ ଏହି ନୂଆ ନିୟମ ଆଣିଛି । ଏଣିକି ଏହି ଆକାଉଂଟଧାରୀ ମାନେ ମାସକୁ କେବଳ ୪ ଥର ବିନା ଶୁଳ୍କରେ ଟଙ୍କା ଉଠାଇପାରିବେ । ୪ ଥରରୁ ଅଧିକ ଥର ଟଙ୍କା ଉଠାଇବାକୁ ହେଲେ ଏଣିକି ସେମାନଙ୍କୁ ଅଧିକ ଟଙ୍କା ଦେବାକୁ ପଡିବ । ତେବେ ୪ ଥର ପରେ ପ୍ରତିଥର ସେମାନଙ୍କୁ ୧୫ ଟଙ୍କା ସହ ଜିଏସଟି ମଧ୍ୟ ଗଣିବାକୁ ପଡିବ ବୋଲି ଏସବିଆଇ ଘୋଷଣା କରିଛି ।
ସେହିପରି ଚେକବୁକରେ ମଧ୍ୟ ଏହି ବିଏସବିଡି ଖାତାଧାରୀ ମାନେ ଏବେ କେବଳ ୧୦ଟି ଚେକ୍ ମାଗଣାରେ ବ୍ୟବହାର କରିପାରିବେ । ୧୦ଟି ଚେକ୍ ପରେ ସେମାନଙ୍କୁ ଚେକ୍ ବୁକରେ ଟଙ୍କା ଉଠାଇବାକୁ ହେଲେ ଅତିରିକ୍ତ ଚାର୍ଜ ଦେବାକୁ ହେବ । ୧୦ଟି ଚେକ୍ ପରେ ଆଉ ୧୦ଟି ଚେକ୍ ପାଇବା ପାଇଁ ସେମାନଙ୍କୁ ୪୦ ଟଙ୍କା ପ୍ଲସ୍ ଜିଏସଟି । ଏବଂ ୨୫ଟି ଚେକ୍ ପାଇବା ପାଇଁ ୭୫ ଟଙ୍କା ପ୍ଲସ୍ ଜିଏସଟି ଦେବାକୁ ପଡିବ । ଖାଲି ସେତିକି ନୁହେଁ, ଜରୁରୀକାଳୀନ ସ୍ଥିତିରେ ୧୦ଟି ଚେକ୍ ପାଇଁ ଏଣିକି ବିଏସବିଡି ଖାତାଧାରୀଙ୍କୁ ୫୦ ଟଙ୍କା ଏକ୍ସଟ୍ରା ଚାର୍ଜ ସହ ଜିଏମସଟି ମଧ୍ୟ ଗଣିବାକୁ ପଡିବ ବୋଲି ଏସବିଆଇ ଘୋଷଣା କରିଛି । ତେବେ ଚେକ୍ ବୁକ ସେବାରେ ବରିଷ୍ଠ ନାଗରିକମାନଙ୍କୁ କିନ୍ତୁ ଏହି ଏକ୍ସଟ୍ରା ଚାର୍ଜ ଦେବାକୁ ପଡିବନି ।
ଆଇଆଇଟି ବମ୍ବେର ଏକ ଅଧ୍ୟୟନରୁ ଜଣାପଡିଛି ଯେ, ୨୦୧୫ରୁ ୨୦ ଭିତରେ ୧୨ କୋଟି ବିଏସବିଡି ଖାତାଧାରୀଙ୍କ ଉପରେ ଷ୍ଟେଟ୍ ବ୍ୟାଙ୍କ ଶୁଳ୍କ ଲାଗୁ କରି ୩ ଶହ କୋଟି ଆୟ କରିଛି । ମାସିକ ମାଗଣା କୋଟା ଶେଷ ହେବା ପରେ ପ୍ରତିଥର ଡେବିଟ୍ କାର୍ଡ କାରବାର ଲାଗିି ଏସବିଆଇ ଗ୍ରାହକଙ୍କଠାରୁ ୧୭ ଟଙ୍କା ୭୦ ପଇସା ଶୁଳ୍କ ଆଦାୟ କରିଛି । ଆଉ ଏବେ ଏହି ନୂଆ ନିୟମ ପୁଣି ଗ୍ରାହକଙ୍କ ପାଇଁ ମହଙ୍ଗା ପଡିବ ।