ଅନଲାଇନ ପାଠପଢା ପାଇଁ ମେଧାବୀ ଛାତ୍ରଙ୍କୁ ମିଳିଲାନି ସ୍ମାର୍ଟଫୋନ : ମାଲକାନଗିରିର ଛାତ୍ରଙ୍କୁ ଦାଦନ ଖଟାଇବାକୁ ତେଲେଙ୍ଗାନା ନେଉଥିଲା ଦଲାଲ; ଉଦ୍ଧାର କଲା ମୋବାଇଲ ଦେଲା ସ୍ୱେଚ୍ଛାସେବୀ ସଙ୍ଗଠନ
କନକ ବ୍ୟୁରୋ : ଖପରା ଛପରର ଏ ଘର ଭିତରେ ଖାକି ବର୍ଦ୍ଦିର ସ୍ୱପ୍ନ । ମୁଁ ପାଠ ପଢିବି ପୋଲିସ ବନିବି । ଗରିବିର ଗୋବର ଲିପା କାନ୍ଥକୁ ଆଉଜି ଏମିତି ଏକ ବଡ ସ୍ୱପ୍ନ ଦେଖୁଛି ଗାଈ ଜଗୁଆଳିର ପୁଅ । ହେଲେ ତା ସ୍ୱପ୍ନ ସତ ହେବା ଆଗରୁ ସପନର ପଥରେ ବାଟ ଓଗାଳିଲା ବ୍ୟବସ୍ଥା ।
Kanak News is now on WhatsApp
Join and get latest news updates delivered to you via WhatsApp
କରୋନା କଟକଣା ଯୋଗୁଁ ସ୍କୁଲ ବନ୍ଦ ଥିବା ବେଳେ ସରକାର ଅନଲାଇନ୍ ପାଠ ପଢା ଉପରେ ଗୁରୁତ୍ୱ ଦେଇଛନ୍ତି । ଯେଉଁ ବ୍ୟବସ୍ଥା ପାଇଁ ଜଣେ ମେଧାବୀ ଛାତ୍ରଙ୍କ ସ୍ୱପ୍ନ ଭାଙ୍ଗି ଯାଇଥିଲା । ଅନଲାଇନ୍ କ୍ଲାସ କରିବା ପାଇଁ ସ୍ମାର୍ଟଫୋନ୍ କିଣିବା ପାଇଁ ପାଠ ଛାଡି ଦାଦନ ଖଟିବାକୁ ବାହାରିଥିଲେ ମାଲକାନଗିରି ଜବାହାର ନବୋଦୟ ବିଦ୍ୟାଳୟର ନବମ ଶ୍ରେଣୀର ଛାତ୍ର ସୁରେନ୍ଦ୍ର ଖରା ।
ତେଲେଙ୍ଗାନାରେ ଦାଦନ ଖଟେବାକୁ କହି ଦଲାଲ ବାଙ୍ଗାଲୋର ନେଇଯାଉଥିବା ବେଳେ ବାଟରୁ ଫେରିଆସିଥିଲେ ସୁରେନ୍ଦ୍ରଙ୍କ ସହ କିଛି ପିଲା । ବାଟରେ ଦଲାଲ ସହ ଯୁକ୍ତି କରି ପିଲାଙ୍କୁ ଉଦ୍ଧାର କରିଥିଲେ ଜୟ ମାଲକାନଗିରି ସଙ୍ଘଠନର ଯୁବକମାନେ । ପରେ ସୁରେନ୍ଦ୍ରଙ୍କ ପାଠ ପଢା ପାଇଁ ସଙ୍ଘର୍ଷର କଥା ଶୁଣି କାଲିମେଳା ତହସିଲଦାର ତାଙ୍କୁ ଏକ ସ୍ମାର୍ଟ ଫୋନ ଯୋଗାଇ ଦେବା ସହ ପାଠପଢାର ସବୁ ଖର୍ଚ୍ଚ ବୁଝିବେ ବୋଲି କହିଛନ୍ତି । ଆଉ ମୋବାଇଲ ପାଇ ବେସ ଖୁସିରେ ପାଠ ପଢୁଛି ସୁରେନ୍ଦ୍ର ।