କନକ ବ୍ୟୁରୋ: ବିଦେଶରେ ଏମିତି ଅନେକ ସ୍ଥାନ ଅଛି ଯେଉଁଠି ହୁଏତ ଭାରତୀୟମାନଙ୍କ ଯିବା ଉପରେ କଟକଣା ରହିଥାଏପାରେ । କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଭାରତରେ ଏମିତି କିଛି ସ୍ଥାନ ଅଛି ଯେଉଁଠିକୁ ଭାରତୀୟଙ୍କୁ ହିଁ ଯିବା ମନା । ଭାରତରେ ଏମିତି ୫ଟି ସ୍ଥାନ ଅଛି ଯେଉଁଠିକୁ ଭାରତୀୟମାନଙ୍କ ଯିବା ଉପରେ କଟକଣା ରହିଛି । ଏଠାକୁ କେବଳ ବିଦେଶୀ ନାଗରିକମାନେ ହିଁ ଯାଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ଡେକ୍କନ ହେରାଲ୍ଡର ସୂଚନା ମୁତାବକ ଚେନ୍ନାଇରେ ଏକ ଏମିତି ହୋଟେଲ ଅଛି ଯେଉଁଠି ଯିବାକୁ କେବଳ ବିଦେଶୀ ନାଗରିକମାନଙ୍କୁ ଅନୁମତି ମିଳିଥାଏ । ଚେନ୍ନାଇର ବ୍ରଡଲ୍ୟାଣ୍ଡ ଲଜ । ଏହି ଲଜ ପୁର୍ବକାଳରେ ରାଜା ମହାରାଜା ମାନଙ୍କର ମହଲ ରହିଥିଲା । ଯାହାକୁ ପରବର୍ତ୍ତୀ ସମୟରେ ହୋଟେଲ କରିଦିଆଯାଇଛି । ଆଉ ଏହି ହୋଟେଲଟି ନୋ ଇଣ୍ଡିଆନ ପଲିସିରେ ଚାଲୁଛି । ଏଠାରେ କେବଳ ବିଦେଶୀମାନଙ୍କ ଯିବାକୁ ଓ ରହିବାକୁ ଅନୁମତି ମିଳିଥାଏ । ହୋଟେଲକୁ କେବଳ ସେହିମାନେ ଯାଇପାରିବେ ଯେଉଁମାନଙ୍କ ପାଖରେ ବିଦେଶୀ ପାସପୋର୍ଟ ଥିବ ।
ସେହିପରି ପର୍ଯ୍ୟଟକମାନଙ୍କ ପାଇଁ ଆଉ ଏକ ପସନ୍ଦିତା ସ୍ଥାନ ହେଉଛି ଗୋଆ । ସେ ବିଦେଶୀ ପର୍ଯ୍ୟଟକ ହୁଅନ୍ତୁ ବା ଭାରତୀୟ ପର୍ଯ୍ୟଟକ ଗୋଆ ବୁଲିଯିବାକୁ କିଏ ନଚାହାଁନ୍ତି । ବିଶେଷ କରି ଗରମ ଦିନରେ ଗୋଆରେ ପର୍ଯ୍ୟଟକଙ୍କ ଭିଡ ଜମିଥାଏ । କିନ୍ତୁ ଗୋଆର ଅନେକ ସମୂଦ୍ର ବେଳାଭୂମି ଅଛି ଯେଉଁଠିକୁ ଭାରତୀୟମାନଙ୍କ ଯିବା ଉପରେ କଟକଣା ରହିଛି । ଏଠାରେ କିଛି ବିଚ୍ ଅଛି ଯାହାକି କେବଳ ବିଦେଶୀ ନାଗରିକଙ୍କ ପାଇଁ ହିଁ ଉଦ୍ଦିଷ୍ଟ ।
ଅନ୍ୟପଟେ ବାଙ୍ଗାଲୁରରେ ଏକ ହୋଟେଲ ଅଛି ୟୁନୋ-ଇନ । ଯାହାକି ଜାପାନ ଲୋକଙ୍କ ପାଇଁ ଉଦ୍ଧିଷ୍ଟ ଥିଲା । କିନ୍ତୁ ଏଠାକୁ ଭାରତୀୟମାନଙ୍କୁ କାହିଁକି ଛଡାଯାଉନି ବୋଲି ଅଭିଯୋଗ ଉଠିବା ପରେ ପରବର୍ତ୍ତୀ ସମୟରେ ଏହାକୁ ବନ୍ଦ କରିଦିଆଗଲା । ପୁଡୁଚେରୀରେ ମଧ୍ୟ ଏମିତି ଏକ ସମୂଦ୍ର ବେଳାଭୂମି ଅଛି ଯେଉଁଠାକୁ ଭାରତୀୟଙ୍କୁ ଆସିବାକୁ ମନା । ସେଠାରେ ଥିବା ରେଷ୍ଟୁରାଂଟ ଓ ରିଜର୍ଭ ବିଚ୍ କେବଳ ବିଦେଶୀ ନାଗରିକଙ୍କ ପାଇଁ । ଏଠାକୁ ଯିବାକୁ ହେଲେ ବିଦେଶୀ ପାସପୋର୍ଟ ଦେଖାଇବାକୁ ପଡିବ । ବିଦେଶୀ ପାସପୋର୍ଟ ଦେଖାଇବା ପରେ ଯାଇ ସେଠାକୁ ଯିବାକୁ ଅନୁମତି ମିଳିବ ।
ହିମାଚଳପ୍ରଦଶ ଏକ ଏମିତି ସ୍ଥାନ ଯାହାର ସବୁଜ ସୁନ୍ଦର ପ୍ରାକୃତିକ ପରିବେଶ ଲୋକଙ୍କୁ ଆକର୍ଷିତ କରିଥାଏ । ଏଠାକୁ ପ୍ରାୟତ ସବୁ ଲୋକ ବୁଲି ଯିବାକୁ ମନ ବଳାଇଥାନ୍ତି । ହିମାଚଳର କସୋଲ ଏକ ଟୁରିଷ୍ଟ ପ୍ଲେସ । କିନ୍ତୁ ଆପଣ ଜାଣିି ଆଶ୍ଚର୍ଯ୍ୟ ହେବେ ଯେ ଏଠାରେ ଏମିତି ଏକ କାଫେ ଅଛି ଯେଉଁଠି ଭାରତୀୟଙ୍କୁ ଯିବାକୁ ଅନୁମତି ମିଳେନାହିଁ । ଭାରତୀୟଙ୍କୁ ନଯିବାର କାରଣ କହିଛନ୍ତି କାଫେ ମାଲିକ । ତାଙ୍କ ମତରେ ଏଠାକୁ ଆସୁଥିବା ଅଧିକାଂଶ ଭାରତୀୟ ପର୍ଯ୍ୟଟକ ପୁରୁଷ ଆସିଥାନ୍ତି । ସେମାନେ ଅନ୍ୟ ପର୍ଯ୍ୟଟକଙ୍କୁ ଦୁର୍ବ୍ୟହାର କରିଥାନ୍ତି ବୋଲି କୁହାଯାଇଛି । ତେଣୁ ଏଠାକୁ ଭାରତୀୟମାନଙ୍କୁ ଆସିବା ମନା ।