ଜିଓ ୟୁଜର୍ସଙ୍କ ପାଇଁ ଖୁସି ଖବର ! ଏଣିକି ୧୪୯ ଟଙ୍କାରେ ମିଳିବ ଅସୀମ ଡାଟା
ରିଲାଏନ୍ସ ଜିଓ ୧୪୯ ଟଙ୍କିଆ ପ୍ଲାନ ବ୍ୟବହାର କରୁଥିବା ୟୁଜର୍ସଙ୍କ ପାଇଁ ଖୁସି ଖବର । କାରଣ କଂପାନୀ ଏହି ପ୍ଲାନକୁ ଅପଡେଟ୍ କରିଛି । ଯେଉଁଥିରେ ୟୁଜର୍ସ ପାଇପାରିବେ ଅସୀମ ଡାଟା । ତେବେ ଜିଓ ଏହି ପ୍ଲାନଟିକୁ ଅପଡେଟ୍ କରିବା ପରେ ଏହା ବର୍ତ୍ତମାନ ଏୟାରଟେଲର ଡାଟା ସହିତ ସମାନ ହୋଇଯାଇଛି । ଅନ୍ୟପଟେ ବିଏସଏନଏଲ ମଧ୍ୟ ନିଜ ୟୁଜର୍ସଙ୍କ ପାଇଁ ନୂଆ ପ୍ଲାନ ଭେଟି ଦେଇଛି । ତେବେ ଆସନ୍ତୁ ଜାଣିବା ଏସଂପର୍କରେ ଅଧିକ ସୂଚନା ।
Kanak News is now on WhatsApp
Join and get latest news updates delivered to you via WhatsApp
ଜିଓର ୧୪୯ଟଙ୍କିଆ ପ୍ଲାନରେ କଣ ହୋଇଛି ପରିବର୍ତ୍ତନ
ଜିଓର ୧୪୯ ଟଙ୍କିଆ ପ୍ଲାନରେ ଏପର୍ଯ୍ୟନ୍ତ ୟୁଜର୍ସଙ୍କୁ ମିଳିଥିଲା ମାତ୍ର ୨ଜିବି ଡାଟା । ଏବଂ ଏହାର ୨୮ ଦିନର ବୈଧତା ରହିଥିଲା ବେଳେ ଡାଟା ଶେଷ ହେବାପରେ ୟୁଜର୍ସ ଟପ-ଅପ କରିପାରୁଥିଲେ । ହେଲେ ଏହି ନୁଆ ପ୍ଲାନ ଆଧାରରେ ଏବେ ୟୁଜର୍ସ ୧୪୯ ଟଙ୍କିଆ ଥିବା ପ୍ଲାନରେ ଅସୀମ ଡାଟା ପାଇ ପାରିବେ ।
ଏଠାରେ ଆମେ କହି ରଖୁଛୁ, ଏହି ରିଚାର୍ଜ ପ୍ଲାନରେ ଏବେବି ୨ଜିବି ୪ଜି ଡାଟା ହିଁ ମିଳିବ । ଫରକ୍ ମାତ୍ର ଏତିକି କି, ଡାଟା ଶେଷ ହେବା ପରେ ବି ୟୁଜର୍ସ ୬୪କେବିପିଏସର ସ୍ପିଡରେ ଡାଟା ବ୍ୟବହାର କରିପାରିବେ । କଂପାନୀ ପକ୍ଷରୁ ଏଥିରେ ଆସୀମ ଡାଟା ଦିଆଯାଇଛି ସତ ହେଲେ ଏହାର ସ୍ପିଡ ଅନ୍ୟ ପ୍ଲାନ ତୁଳନାରେ କମ୍ ରହିଛି । ୯୬ ଟଙ୍କିଆ, ୩୦୯ ଟଙ୍କିଆ ଏବଂ ଏହାଠାରୁ ମହଙ୍ଗା ପ୍ଲାନରେ ଗ୍ରାହକଙ୍କୁ ନିର୍ଦ୍ଧାରିତ ସୀମା ପରେ ୧୨୮ କେବିପିଏସର ସ୍ପିଡର ଇଂଟରନେଟ୍ ମିଳିଥାଏ ।
ଏୟାରଟେଲ ପ୍ଲାନକୁ ଟକ୍କର
ଏହି ପ୍ଲାନକୁ ଅପଡେଟ୍ କରିବା ପରେ ଜିଓର ଏହି ପ୍ଲାନ ଏୟାରଟେଲର ଏହି ଦାମରେ ଆସୁଥିବା ପ୍ଲାନଠାରୁ ଟିକେ ଉନ୍ନତମାନର ହୋଇଯାଇଛି । ଏୟାରଟେଲର ୧୪୯ ଟଙ୍କିଆ ପ୍ରିପେଡ୍ ପ୍ଲାନ ଆଧାରରେ ୟୁଜର୍ସଙ୍କୁ ମିଳୁଛି ମାତ୍ର ୨ଜିବି ଡାଟା ।
ବିଏସଏନଏଲର ନୂଆ ପ୍ଲାନର ଡିଟେଲ୍ସ
• ବିଏସଏନଏଲର ୨୪୯ ଟଙ୍କିଆ ପ୍ଲାନର ନାଁ ରହିଛି ‘ପ୍ରୋମୋସନାଲ ଏସଟିଭି’ । ଏଥିରେ ପ୍ରିପେଡ ୟୁଜର୍ସଙ୍କୁ ବିଏସଏନଏଲରୁ ବିଏସଏନଏଲ ଉପରେ ପ୍ରତିଦିନ ହିସାବରେ ମିଳୁଛି ଅସୀମ ଲୋକଲ ଏବଂ ଏସଟିଡି କଲ ସମେତ ୧ଜିବି୩ଜି ଡାଟା । ତେବେ ଏହି ପ୍ଲାନର ବୈଧତା ରହିଛି ୨୮ ଦିନ ।
• ସେହିପରି, ବିଏସଏନଏଲର ୪୨୯ ଟଙ୍କିଆ ରିଚାର୍ଜ ପ୍ଲାନରେ ୟୁଜର୍ସଙ୍କୁ ପ୍ରତିଦିନ ହିସାବରେ ମିଳୁଛି ୯୦ ଦିନ ପର୍ଯ୍ୟନ୍ତ ୧ଜିବି ଡାଟା । ଏଥିସହିତ ହିଁ ବିଏସଏନଏଲରୁ ବିଏସଏନଏଲ ଉପରେ ଅସୀମ ଲୋକଲ ଏବଂ ଏସଟିଡି କଲ୍ ମଧ୍ୟ ଦିଆଯାଇଛି ।
ସୌଜନ୍ୟ: ଅମର ଉଜାଲା