ନକଲି ନୋଟ୍ ଧରିବ ମୋବାଇଲ ଫୋନ ! ଆରବିଆଇ ଜାରି କଲା ନୂଆ ଆପ୍ଲିକେସନ । ଜାଣନ୍ତୁ କିପରି କରିବେ ବ୍ୟବହାର
ନକଲି ନୋଟ୍ ଚିହ୍ନଟ କରିବା ପାଇଁ ଏବେ ଭାରତୀୟ ରିଜର୍ଭ ବ୍ୟାଙ୍କ ତଥା ଆରବିଆଇ ଏକ ନୂଆ ଟେକନିକ୍ ଲଂଚ କରିବାକୁ ଯାଉଛି । ଆରବିଆଇ ଅସଲି ଏବଂ ନକଲି ନୋଟ୍ ଚିହ୍ନଟ କରିବା ପାଇଁ ଏକ ଆପ୍ଲିକେସନ ପ୍ରସ୍ତୁତ କରୁଛି । ଯେଉଁଥିରୁ ଜନତା ଅସଲି ଏବଂ ନକଲି ନୋଟ୍ ମଧ୍ୟରେ ଫରକ କଣ ଜାଣିପାରିବେ ତଥା ଚିହ୍ନଟ ମଧ୍ୟ କରିପାରିବେ । ତେବେ ଏହି ଆପରେ ସବୁପ୍ରକାରର ନୋଟ ସହ ଜଡିତ କିଛି ଖାସ୍ ଫିଚର ମଧ୍ୟ ସାମିଲ ରହିଛି ।
Kanak News is now on WhatsApp
Join and get latest news updates delivered to you via WhatsApp
ନକଲି ନୋଟ କାରବାର ଦିନକୁ ଦିନ ବୃଦ୍ଧି ପାଇବା ଭଳି ସମସ୍ୟାକୁ ଦୃଷ୍ଟିରେ ରଖି ଆରବିଆଇ ତରଫରୁ ସାଧାରଣ ଜନତାଙ୍କ ସୁବିଧା ପାଇଁ ଏଭଳି ଏକ ଆପ ଲଂଚ କରିବାକୁ ଯାଉଛି । ଯାହାକି ଖୁବ୍ ଶୀଘ୍ର ଲୋକଙ୍କ ନିକଟରେ ପହଂଚିଯିବ । କେନ୍ଦ୍ରୀୟ ବ୍ୟାଙ୍କ କଥା ଅନୁସାରେ, ସାଧାରଣ ଜନତା ନକଲି ଓ ଅସଲି ନୋଟ୍ ଭିତରେ ଫରକ୍ କଣ ତାହା ସହଜରେ ଜାଣିପାରିବେ ଏବଂ ଏହାଦ୍ୱାରା ନକଲି ନୋଟ୍ କାରବାର ଉପରେ ଅଙ୍କୁଶ ଲଗାଯାଇପାରିବ । ଏଥିପାଇଁ ଆରବିଆଇ ଆଣ୍ଡ୍ରଏଡ ବେସ ସ୍କାନର ଆପ୍ଲିକେସନ ପ୍ରସ୍ତୁତ କରୁଛି । ଏହି ସ୍କାନର ଆପ ନୋଟକୁ ସ୍କାନ କରିବ ଏବଂ ତାର ଫିଚର ପଢିବା ପରେ ଜଚ୍ଚାଇଦେବ କି ନୋଟଟି ଅସଲି ନା ନକଲି ।
ବର୍ତ୍ତମାନ ଏହି ସ୍କାନର ଆପର ପରୀକ୍ଷଣ ଚାଲିଛି ଏବଂ ପାର୍ୟ ୯୫ ପ୍ରତିଶତରୁ ଅଧିକ ଆକ୍ୟୁରେସି ଲେବୁଲରେ ପହଂଚିସାରିଛି । ତେବେ ଯେଉଁଦିନ ଏହି ଆପଟି ୧୦୦ ପ୍ରତିଶତ ଆକ୍ୟୁରେସିରେ ନୋଟକୁ ଚିହ୍ନିବାରେଲାଗିବ, ଏହାକୁ ସାଧାରଣ ଜନତାଙ୍କ ପାଇଁ ଲଂଚ କରିଦିଆଯିବ । ଏହି ଆପ୍ଲିକେସନରେ ୧୦ ଟଙ୍କାରୁ ଆରମ୍ଙ କରି ୨୦୦୦ଟଙ୍କା ପର୍ଯ୍ୟନ୍ତ ସମସ୍ତ ନୋଟ୍ ଉଭୟ ନୂଆ ଏବଂ ପୁରୁଣା ନୋଟର ଫିଚର ସାମିଲ ରହିଛି । ଆରବିଆଇ ବିଭିନ୍ନ ନୋଟର ୧୪ରୁ୧୭ ଫିଚର ସାଧାରଣ ଜନତାଙ୍କ ପାଇଁ ଜାରି କରିଛି କିନ୍ତୁ ଏହି ସ୍କାନର ଆପରେ ଏଭଳି ସିକ୍ୟୁରିଟି ଫିଚର ବି ସାମିଲ ରହିଛି । ଯାହାକି ବିନା କୌଣସି ଉପକରଣ ସହାୟତାରେ ଦେଖିପାରିବେ ନାହିାଁ କାରଣ କୌଣସି ବି ଆପ୍ଲିକେସନର ସୁରକ୍ଷା ଚକ୍ର ଏହାକୁ ଯେପରି ଭାଙ୍ଗି ପାରିବ ନାହିଁ ତେଣୁ ଏଥିପାଇଁ ଏହି ସ୍କାନର ଆପ୍ଲିକେସନର ନାଁ ଏବଂ ଫିଚର ବର୍ତ୍ତମାନ ଗୋପନୀୟ ରଖାଯାଇଛି ।