ସରକାରଙ୍କ ବିନା ଅନୁମତିରେ ଅଧିକାରୀଙ୍କ ବିରୋଧରେ କରିପାରିବେନି କୌଣସି ବିି ଅଭିଯୋଗ ! ଗଣମାଧ୍ୟମ ବି ୬ ମାସ ପର୍ଯ୍ୟନ୍ତ ପଚାରି ପାରିବେନିି ପ୍ରଶ୍ନ
ରାଜସ୍ଥାନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ, ୨୩ ଅକ୍ଟୋବରରୁ ଆରମ୍ଭ ହେବାକୁ ଯାଉଥିବା ବିଧାନ ସଭାରେ ବିଚାରପତି, ମାଜିଷ୍ଟ୍ରେଟ୍ ଏବଂ ଅନ୍ୟ ସରକାରୀ ଅଧିକାରୀ ଓ ସେବକଙ୍କୁ ସୁରକ୍ଷା କବଚ ପ୍ରଦାନ କଲା ଭଳି ଏକ ପ୍ରସ୍ତାବ ଉପସ୍ଥାପନା କରିବାକୁ ଯୋଜନା କରିଛନ୍ତି । ଏହି ବିଲଟି ନିକଟରେ ଅଣାଯାଇଥିବା ଅଧ୍ୟାଦେଶର ସ୍ଥାନ ଅଳଂକୃତ କରିବ ।
Kanak News is now on WhatsApp
Join and get latest news updates delivered to you via WhatsApp
ପ୍ରସ୍ତାବିତ ବିଲ ମୁତାବକ, ଡିୟୁଟି ସମୟରେ ରାଜ୍ୟର କୌଣସି ବି କାର୍ଯ୍ୟରତ ବିଚାରପତି, ମାଜିଷ୍ଟ୍ରେଟ୍ କିମ୍ବା ଅଧିକାରୀଙ୍କ ବିରୋଧରେ କୌଣସି ବି ଅଭିଯୋଗ ସରକାରଙ୍କର ବିନା ଅନୁମତିରେ ଦାଖଲ କରାଯିବ ନାହିଁ । ଅର୍ଥାତ୍ ଏମାନଙ୍କ ବିରୋଧରେ କୋର୍ଟରେ କିମ୍ବା ଥାନାରେ ଅଭିଯୋଗ ଦାଖଲ କରାଯାଇ ପାରିବ ନାହିଁ । ଯଦି କୌଣସି ବ୍ୟକ୍ତି ପ୍ରାଥମିକତା ସ୍ତରରେ ଅଭିଯୋଗ ପତ୍ର ଦାଖଲ କରିବାକୁ ଚାହୁଁଥିବେ ତେବେ ତାଙ୍କୁ ପ୍ରଥମେ ସରକାରଙ୍କଠାରୁ ଅନୁମତି ନେବାକୁ ପଡିବ । ଅଧ୍ୟାଦେଶର ପ୍ରୋଭିଜନ ମୁତାବକ, ସରକାର ୧୮୦ ଦିନ ମଧ୍ୟରେ ମାମଲାର ଯାଂଚ ପାଇଁ ଅନୁମତି ପ୍ରଦାନ କରିବେ କିମ୍ବା ତାକୁ ଖାରଜ ବି କରିପାରିବେ । ଯଦି ୧୮୦ ଦିନରେ ଏଭଳି ନକରାଯାଏ ତେବେ ସରକାର ଯାଂଚ ପାଇଁ ମଂଜୁରୀ ଦେଇଛନ୍ତି ବୋଲି ଗ୍ରହଣ କରି ଦିଆଯିବ ।
ଖାଲି ସେତିକି ନୁହେଁ, ଏହି ନିୟମ ପରିସରରେ ବି ଗଣମାଧ୍ୟମ ଅନ୍ତର୍ଭୁକ୍ତ । ନିୟମ ମୁତାବକ, ଗଣମାଧ୍ୟମ ମଧ୍ୟ ୬ ମାସ ପର୍ଯ୍ୟନ୍ତ କୌଣସି ବି ଅଭିଯୁକ୍ତଙ୍କ ବିରୋଧରେ ନା ତ କିଛି ଦେଖାଇପାରିବେ ଏବଂ ନା ହିଁ କିଛି ଛାପି ପାରିବେ । ଯେ ପର୍ଯ୍ୟନ୍ତ ସରକାରୀ ଏଜେନ୍ସି ଉକ୍ତ ଅଭିଯୁକ୍ତଙ୍କ ବିରୋଧରେ ତଦନ୍ତ ପାଇଁ ମଂଜୁରୀ ଦେଇ ନାହାଁନ୍ତି ସେପର୍ଯ୍ୟନ୍ତ ସେମାନଙ୍କୁ କୌଣସି ପ୍ରଶ୍ନ କରାଯିବ ନାହିଁ । ଯଦି କେହି ଏହି ନିୟନକୁ ଉଲ୍ଲଂଘନ କରେ ତେବେ ଉକ୍ତ ବ୍ୟକ୍ତିବିଶେଷଙ୍କୁ ୨ ବର୍ଷ କାଳ ଜେଲଦଣ୍ଡାଦେଶ ମିଳିପାରେ ।
ସୌଜନ୍ୟ: ଜନସତ୍ତା