ସହରବାସୀଙ୍କୁ ବି ମିଳିବ ପ୍ରଧାନମନ୍ତ୍ରୀ ଆବାସ ଯୋଜନା ! ଏହି ମହତ୍ୱାକାଂକ୍ଷୀ ଯୋଜନାର ଲାଭ ଉଠାଇବା ପାଇଁ ଅନଲାଇନରେ କରିପାରିବେ ଆବେଦନ, ଜାଣନ୍ତୁ ପୂରା ପ୍ରକ୍ରିୟା
ଏଣିକି ସହରାଂଚଳରେ ବାସ କରୁଥିବା ଗରିବ ଲୋକମାନେ ବି ପ୍ରଧାନମନ୍ତ୍ରୀ ଆବାସ ଯୋଜନାର ଲାଭ ଉଠାଇ ପାରିବେ । କେନ୍ଦ୍ର ସରକାରଙ୍କ ତରଫରୁ ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ଅନଲାଇନ ଆବେଦନ ପାଇଁ ମଂଜୁରୀ ମିଳିଛି । ମୋଦି ସରକାରଙ୍କ ଏହି ମହତ୍ୱାକାଂକ୍ଷୀ ଆବାସ ଯୋଜନା ପାଇଁ ଏଣିକି ସହରରେ ବାସ କରୁଥିବା ଗରିବ ଲୋକମାନେ, ଯେଉଁମାନଙ୍କ ନିକଟରେ ରହିବାକୁ ଖଣ୍ଡେ ଘର ନାହିଁ ସେମାନେ ଏଥିପାଇଁ ଅନଲାଇନ ଆବେଦନ କରିପାରିବେ । ତେବେ ପ୍ରଧାନମନ୍ତ୍ରୀ ଆବାସ ଯୋଜନା ସହରରେ ରହୁଥିବା ଗରିବଙ୍କ ପାଇଁ ଅନଲାଇନ ଆବେଦନ ୨୦୧୮ରେ ମଧ୍ୟ ଖୋଲା ରହିଛି ଏବଂ କୌଣସି ହିତାଧିକାରୀ ଏହି ଯୋଜନା ପାଇଁ ଆବେଦନ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଆବଶ୍ୟକୀୟ ଦସ୍ତାବିଜ
ଆବେଦନ କରିବା ପାଇଁ ଆଧାର କାର୍ଡ ଏବଂ ପାସପୋର୍ଟ ସାଇଜ ୨ଟି ଫଟୋ ନିହାତି ଆବଶ୍ୟକ । ସରକାରଙ୍କ ଏହି ଯୋଜନା ପାଇଁ ଆବେଦନ କରିବା ପାଇଁ ଜନ ସୁବିଧା କେନ୍ଦ୍ର ଦ୍ୱାରା ୨୫ ଟଙ୍କା ଫିସ୍ ବାବଦକୁ ନିଆଯିବ । ଆବେଦନ କରିବା ପରେ ଆବେଦକଙ୍କୁ ଏକ ରସିଦ ଦିଆଯିବ, ଯେଉଁଥିରେ ଆବେଦକଙ୍କ ଫଟୋ ଥିବ ଏବଂ ଆବେଦନର ଏକ ସିରିଏଲ ନମ୍ବର ଥିବ । ଏହି ନମ୍ବର ପ୍ରତ୍ୟେକ ଆବେଦନକାରୀଙ୍କ ପାଇଁ ପୃଥକ ପୃଥକ ଅଟେ । ଆଉ ଏହି ନମ୍ବର ଜରିଆରେ ଆବେଦକ ଆବେଦନର ସ୍ଥିତି ସଂପର୍କରେ ସମସ୍ତ ସୂଚନା ପାଇପାରିବେ ।
କିଭଳି ଜାଣିବେ ଆବେଦନ ଷ୍ଟାଟସ
ଆବେଦନର ଷ୍ଟାଟସ ପ୍ରକ୍ରିୟା ଜାଣିବା ପାଇଁ https://pmaymis.gov.in/Track_Application_Status.aspx ଲିଙ୍କରେ କ୍ଲିକ କରିବାକୁ ହେବ । କିମ୍ବା ଏହାର ଆଧିକାରୀକ େଓବସାଇଟ pmaymis.gov.inକୁ ଯାଆନ୍ତୁ ।
କିଭଳି କରିବେ ଆବେଦନ
ଷ୍ଟେପ-୧
ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ଏହାର ଆଧିକାରୀ ୱେବସାଇଟ pmaymis.gov.in କୁ ଯାଆନ୍ତୁ ।
ଷ୍ଟେପ-୨
ଏହାପରେ ଏଠାରେ ଥିବା ମେନୁ “Citizen Assessment” ଉପରେ କ୍ଲିକ କରନ୍ତୁ । ଯଦି ଆପଣ କୌଣସି ବସ୍ତିରେ ରହିଛନ୍ତି ତେବେ“For Slum Dwellers” ଉପରେ କ୍ଲିକ କରନ୍ତୁ କିମ୍ବା Benefit Under Other 3 Components” ଉପରେ କ୍ଲିକ କରନ୍ତୁ ।
ଷ୍ଟେପ-୩
ଏହାପରେ ଆପଣଙ୍କୁ ଆଉ ଏକ ସ୍କ୍ରିନ ନଜର ଆସିବ । ଏଥିରେ ନିଜ ଆଧାର ନମ୍ବର ଭରନ୍ତୁ ଏବଂ “Check” ଉପରେ କ୍ଲିକ କରନ୍ତୁ ।
ଷ୍ଟେପ-୪
ଯଦି ଆପଣଙ୍କ ଆଧାର କାର୍ଡ ଠିକ୍ ଅଛି ତେବେ ଆପଣଙ୍କ ସାମ୍ନାରେ ଠିକ୍ ତଳକୁ ନଜର ଆସୁଥିବା ଫଟୋ ସମାନ ଏକ ଆବେଦନ ପତ୍ର ଖୋଲିବ, ଯେଉଥିରେ ଆପଣଙ୍କୁ ନିଜ ସମସ୍ତ ସୂଚନା ଭରିବାକୁ ପଡିବ ଏବଂ ସବା ତଳେ ଦିଆଯାଇଥିବା“Submit / ସୁରକ୍ଷିତ ବଟନ ଉପରେ କ୍ଲିକ କରିବାକୁ ହେବ । ଯଦି ଆଧାର ନମ୍ବର ଭୁଲ ଥିବ ତେବେ ଆପଣଙ୍କୁ ପୁଣି ଥରେ ସଠିକ ଆଧାର ନମ୍ବର ଭରିବାକୁ ହେବ ।
ଷ୍ଟେପ-୫
“Submit / ସୁରକ୍ଷିତ ବନଟ ଉପରେ କ୍ଲିକ୍ କରିବା ପରେ ଆପଣଙ୍କ ସ୍କ୍ରିନରେ ଏକ ଆବେଦନ ନମ୍ବର ଦିଆଯବ । ଯାହାକୁ ଆପଣ ପ୍ରିଂଟ କରି ପାରିବେ । ଏହି ନମ୍ବରକୁ କେଉଠି ବି ଲେଖି ଦିଅନ୍ତୁ, ଯାହାଦ୍ୱାରା ଭବିଷ୍ୟତରେ ଆପଣ ଆପଣଙ୍କ ଆବେଦନ ଷ୍ଟାଟସ ସଂପର୍କରେ ଜାଣିପାରିବେ ।
କାହାକୁ ମିଳିବ ଫାଇଦା
• ଯେଉଁ ଲୋକଙ୍କ ନିକଟରେ ପୂର୍ବରୁ ଘର ଥିବ କିମ୍ବା ପରିବାର ସଦସ୍ୟଙ୍କର କୌଣସି ଘର ଥିବ ତେବେ ସେମାନେ ଏହି ଯୋଜନାର ଲାଭ ଉଠାଇପାରିବେ ନାହିଁ ।
• ଆବେଦକଙ୍କ କିମ୍ବା ତାଙ୍କ ପରିବାର ସଦସ୍ୟଙ୍କର ପକ୍କା ଘର ନଥିବା ଦରକାର । ଏଥିସହିତ ହିଁ ସେ ଭାରତ ସରକାରଙ୍କ କୌଣସି ବି ଲାଭାର୍ଥୀ ମଧ୍ୟ ନହୋଇଥିବା ଦରକାର ।
• ଏହି ଯୋଜନା ପରିସରରେ ସ୍ୱାମୀ, ସ୍ତ୍ରୀ, ଏବଂ ଅବିବାହିତ ପୁଇ ଝିଅ ସାମିଲ ହୋଇପାରିବେ । କୌଣସି ପ୍ରକାରର ଜାଲିଆତି ତଥା ହେରଫେର ଭଳି ପରିସ୍ଥିତି ଯେଭଳି ନଉପୁଜୁ ସେଥିପାଇଁ ଆବେଦନ ଫର୍ମରେ ପରିବାର ସଦସ୍ୟମାନଙ୍କର ଆଧାର ନମ୍ବର ଦେବା ନିହାତି ଜରୁରୀ ।
• ରୋଜଗାର କରୁଥିବା କୌଣସି ବି ବିବାହିତ ବା ଅବିବାହିତ ଆଡଲ୍ଟ ସଦ୍ୟସ୍ୟଙ୍କୁ ଅଲଗା ପରିବାର ଭାବେ ଗ୍ରହଣ କରାଯିବ । ହେଲେ ତାଙ୍କ ନାଁରେ କେଉଁଠାରେ ବି କୌଣସି ପକ୍କା ଘର ନଥିବା ଦରକାର ।
• ପକ୍କା ଘର ଥିବା ପିତାମାତାଙ୍କ ରୋଜଗାର ତାଙ୍କର ପୁଅ ଝିଅ ମଧ୍ୟ ଏହି ଯୋଜନାର ଲାଭ ଉଠାଇପାରିବେ, କିନ୍ତୁ ସେମାନଙ୍କ ନାଁରେ ଯେଭଳି କୌଣସି ପକ୍କା ଘର ନଥିବ ।
ସବସିଡ କେତେ ମିଳିବ
• ୬ରୁ ୧୨ ଲକ୍ଷ ଟଙ୍କାର ବାର୍ଷିକ ଆମଦାନୀ ବାଲା ଏମଆଇଜିର ପ୍ରଥମ ଶ୍ରେଣୀଭୁକ୍ତ ଲୋକଙ୍କୁ ୯ ଲକ୍ଷ ଟଙ୍କ ପର୍ଯ୍ୟନ୍ତ ଲୋନ ଆମାଉଂଟର ସୁଧ ଉପରେ ୪ ପ୍ରତିଶତର ସବସିଡ ମିଳିବ , ଯେବେକି ୧୨ରୁ ୧୮ ଲକ୍ଷ ଟଙ୍କାର ବାର୍ଷିକ ଆମଦାନୀ ବାଲା ଅନ୍ୟ ଶ୍ରେଣୀଭୁକ୍ତ ଲୋକଙ୍କୁ ୧୨ ୧୨ ଲକ୍ଷ ପର୍ଯ୍ୟନ୍ତ ଲୋନର ସୁଧ ଉପରେ ୩ ପ୍ରତିଶତ ରାହାତି ମିଳିବ ।
• ଯଦି କୌଣସି ବ୍ୟକ୍ତି ଏହାଠାରୁ ଅଧିକ ଲୋନ ନିଅନ୍ତି ତେବେ ତାଙ୍କୁ ଅତିରିକ୍ତ ରାଶି ଉପରେ ବ୍ୟାଙ୍କ ତରଫରୁ ନିର୍ଧାରିତ ଦରରେ ହିଁ ସୁଧ ପରିଶୋଧ କରିବାକୁ ହେବ ।
କେଉଁ କେଉଁ ଘରଙ୍କୁ ମିଳିବ ଲୋନ
• ଆପଣ କୌଣସି ଡେଭଲପର କିମ୍ବା ବିଲଡରଙ୍କଠାରୁ ଘର କିଣିଛନ୍ତି କିମ୍ବା କୌଣସି ପୁରୁଣା ଘର କିଣିଛନ୍ତି । ତେବେ ଆପଣ ଏହି ଯୋଜନାର ଲାଭ ଉଠାଇ ପାରିବେ ।
• ଯେଉଁ ଲୋକମାନେ ଘର କିଣିବା ପରିବର୍ତ୍ତେ ନିଜେ ନିର୍ମାଣ କରିବାକୁ ଚାହୁଁଛନ୍ତି ସେମାନେ ମଧ୍ୟ ଏହି ଯୋଜନାର ଲାଭ ଉଠାଇପାରିବେ ।
• ସେହିପରି ଯେଉଁମାନଙ୍କ ନିକଟରେ ପକ୍କା ଘର ରହିଛି, ଆଉ ସେହି ଘରରୁ ସେ ମରାମତି କରିବାକୁ ଚାହୁଁଛନ୍ତି କିମ୍ବା ପୁର୍ନନିର୍ମାଣ କରିବାକୁ ଚାହୁଁଛନ୍ତି ତେବେ ସେମାନଙ୍କୁ ବି ଲୋନ ନେବାର ସୁଯୋଗ ଦିଆଯିବ ।