ସରକାରଙ୍କ ବଡ ନିଷ୍ପତି: ଏଣିକି ସରକାରୀ ମେଡିକାଲ ଭଳି ଘରୋଇ ମେଡିକାଲରେ ବି ରୋଗୀଙ୍କୁ ମିଳିବ ମାଗଣା ଚିକିତ୍ସା, ଜାଣନ୍ତୁ କେଉଁଠି
ସରକାରୀ ମେଡିକାଲ ଭଳି ଏଣିକି ଘରୋଇ ଡାକ୍ତରଖାନାରେ ବି ମାଗଣାରେ ଚିକିତ୍ସା କରିପାରିବେ ରୋଗୀ । ଘରୋଇ ମେଡିକାଲରେ ବି ସରକାରୀ ମେଡିକାଲ ଭଳି ସୁବିଧା ପାଇବେ ରୋଗୀ । ଏଭଳି ଏକ ବଡ ଘୋଷଣା କରିଛନ୍ତି ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ । ଶିବରାଜ ସିଂ କହିଛନ୍ତି କି, ଏଣିକି କୌଣସି ବି ଗରିବ ଲୋକ ଚିକିତ୍ସା ନପାଇ ମୃତ୍ୟୁ ବରଣ କରିବେ ନାହିଁ । ଏଥିସହିତ ଶ୍ରୀଯୁକ୍ତ ଶିବରାଜ ଆହୁରୀ ମଧ୍ୟ କହିଛନ୍ତି କି, ଏଣିକି ଗୋଟିଏ ଗରିବ ପରିବାରର ରୋଗୀର ଚିକିତ୍ସା ବାବଦକୁ ପୂରା ଖର୍ଚ୍ଚ ମଧ୍ୟପ୍ରଦେଶ ସରକାର ନିଜେ ହିଁ ବହନ କରିବେ । ଏପରିକି ଯେତେ ପୁରୁଣା ରୋଗ ହୋଇଥିଲେ ମଧ୍ୟ ତାର ପୂରା ଖର୍ଚ୍ଚ ବହନ କରିବେ ମଧ୍ୟପ୍ରଦେଶ ସରକାର ।
Kanak News is now on WhatsApp
Join and get latest news updates delivered to you via WhatsApp
ଏକ ଦଳିୟ କାର୍ଯ୍ୟକ୍ରମରେ ଯୋଗ ଦେଇ ମୁଖ୍ୟମନ୍ତ୍ରୀ ଶିବରାଜ ସିଂ ଏଭଳି ଘୋଷଣା କରିବା ସହ କହିଛନ୍ତି ଯେ, ମଧ୍ୟପ୍ରଦେଶର ସମସ୍ତ ଗରିବ ଲୋକଙ୍କୁ ଆଗାମୀ ୪ ବର୍ଷ ମଧ୍ୟରେ ରହିବାକୁ ପକ୍କା ଘର ପ୍ରଦାନ କରାଯିବ । ସେ କହିଥିଲେ କି, ଆଜି ମୁଁ ଏଠାରେ ଏକ ଜନକଲ୍ୟାଣ ଯୋଜନାର ଶୁଭାରମ୍ଭ କରୁଛି । ଏହି ଯୋଜନାରେ ଆୟକର ଦାତା , ଯେଉଁମାନଙ୍କର ଜମି ଅଢେଇ ଏକରରୁ ଅଧିକ ରହିଛି କିମ୍ବା ସରକାରୀ ଚାକିରିଆ ହୋଇଥିବେ ସେମାନଙ୍କୁ ଏହି ଯୋଜନାରୁ ବାଦ୍ ଦିଆଯିବ । ଏହାବ୍ୟତୀତ ସମସ୍ତ ଗରିବ ତଥା ଦିନ ମଜୁରିଆଙ୍କୁ ଜମି ପଟ୍ଟା ପ୍ରଦାନ କରାଯିବ ବୋଲି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଘୋଷଣା କରିଛନ୍ତି ।
ଶିବରାଜ ସିଂ ଚୌହାନଙ୍କ ସୂଚନା ମୁତାବକ, ଜମିହୀନ ତଥା ବାସହରା ଲୋକଙ୍କୁ ଜମି ପ୍ରଦାନ କରାଯିବ ଏବଂ ଘର ନିର୍ମାଣ କରିବାକୁ ବି ଆର୍ଥିକ ସହାୟତା ପ୍ରଦାନ କରାଯିବ । ତେବେ ୪ବର୍ଷ ମଧ୍ୟରେ ସମସ୍ତ ଗରିବ ଲୋକଙ୍କ ରହିବା ପାଇଁ ଘର ନିର୍ମାଣ କରାଯିବ ବୋଲି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ପ୍ରତିଶ୍ରୃତି ଦେଇଛନ୍ତି ।