ଆପଣ ଜାଣିଛନ୍ତି କି , ମଦ ପିଇବା ପରେ ଲୋକେ ଝଗଡା କାହିଁକି କରନ୍ତି ? ଜାଣନ୍ତୁ ଏହାର ବୈଜ୍ଞାନିକ କାରଣ
ଅଧିକାଂଶ ସମୟରେ ଆପଣ ଦେଖିଥିବେ କି, ବାର କିମ୍ବା ପାର୍ଟିରେ ଲୋକେ ମଦ ପିଇବା ପରେ ପରେ ଝଗଡା କରିବା ତଥା ଗାଳି ଗୁଲଜ କରିବା ଆରମ୍ଭ କରିଦେଇଥାନ୍ତି । ତାଙ୍କ ବ୍ୟବହାରରେ ଏକ ପ୍ରକାରର ପରିବର୍ତ୍ତନ ଚାଲି ଆସିଥାଏ । ତେବେ ଆପଣ କେବେ ଚିନ୍ତା କରିଛନ୍ତି କି ପ୍ରକୃତରେ ଏମିତି କାହିଁକି ହୁଏ ? ଯାହାର ଜବାବ ଆମେ ନିମ୍ନରେ ଆଲୋଚନା କରିଛୁ ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ଅଷ୍ଟ୍ରେଲିୟାରେ ଥିବା University Of New South Walesର ଏକ ବୈଜ୍ଞାନିକ ଦଳ ଏହି ପ୍ରଶ୍ନର ଉତର ଖୋଜି ବାହାର କରିଛନ୍ତି । ଯେଉଁମାନେ କି ଏହି ପ୍ରସଙ୍ଗ ଉପରେ ଏକ ଗବେଷଣା କରିଥିଲେ ଆଉ ଏଥିରେ ସେମାନେ ଜାଣିବାକୁ ପାଇଥିଲେ କି, ଯଦି କୌଣସି ବ୍ୟକ୍ତି ୨ପ୍ୟାଗ ଭୋଡକା ପିଇ ଦିଏ ତେବେ ତାର ମସ୍ତିଷ୍କରେ କିଛି ପରିବର୍ତ୍ତନ ଚାଲିଆସେ । ଯେଉଁ କାରଣରୁ ଉକ୍ତ ବ୍ୟକ୍ତିଙ୍କଠାରେ ହିଂସା ଭାବ ଚାଲିଆସିଥାଏ । କିନ୍ତୁ ଏଭଳି କାହିଁକି ହୋଇଥାଏ ? ତେବେ ଏହାକୁ ଜାଣିବା ପାଇଁ ଏମଆରଆଇ ସ୍କାନର ବ୍ୟବହାର କରାଯାଇଥିଲା ।
ଏହି ରିସର୍ଚରେ ସେମାନେ ଦୁଇଟି ଗ୍ରୁପ କରିଥିଲେ । ଗୋଟିଏ ଗ୍ରୁପରେ ଥିବା ଲୋକଙ୍କୁ ସେମାନେ ଦୁଇ ପ୍ୟାଗ ଭୋଡକା ପିଇବାକୁ ଦେଇଥିଲେ ଏବଂ ଅନ୍ୟ ଗ୍ରୁପର ଲୋକଙ୍କୁ ସାଧାରଣ ଡ୍ରିଙ୍କସ ପିଇବାକୁ ଦେଇଥିଲେ । ଆଉ ଏହି ଅଧ୍ୟୟନ ଆସୋସିଏଟ ପ୍ରଫେସର ଥୋମାସ ଡେନସନଙ୍କ ନେତୃତ୍ୱରେ ହିଁ କରାଯାଇଥିଲା ।
ତେବେ ଅଧ୍ୟୟନରୁ ଜଣା ପଡିଥିଲା କି, ଆଲକୋହଲ ପିଇବା ଦ୍ୱାରା ମସ୍ତିଷ୍କରେ ଥିବା prefrontal cortexର ସକ୍ରିୟତା ଖୁବ୍ କମ୍ ହୋଇଯାଇଥାଏ । ଯେଉଁ କାରଣରୁ ଲୋକଙ୍କର କଥା କହିବାର ଶୈଳୀ ସଂପୂର୍ଣ୍ଣ ଭାବରେ ବଦଳି ଯାଇଥାଏ । ଏହି କାରଣରୁ ହିଁ ଅଧିକାଂଶ ଲୋକେ ହିଂସ୍ର ବି ହୋଇଯାଇଥାନ୍ତି ।