ସ୍କୁଲରେ ଯୋଗୀ କ୍ରେଜ୍ ! ଛାତ୍ରଙ୍କୁ ‘ ଯୋଗୀ କଟ୍ ’ କେଶ ରଖିବାକୁ ଆଦେଶ
ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବେ ଚାରିଆଡେ ଚର୍ଚ୍ଚାରେ । ପ୍ରତିଦିନର ଖବରରେ ସ୍ଥାନ ପାଉଛି ତାଙ୍କର ଖବର । ଏବେ ଏମିତି ଏକ ଘଟଣାକୁ ନେଇ ଖୁବ୍ ଚର୍ଚ୍ଚା । ତାଙ୍କର ବେଶଭୂଷା ଠାରୁ ହେୟାର ଷ୍ଟାଇଲ ସବୁଥିରେ ଲୋକଙ୍କର ନଜର ।
Kanak News is now on WhatsApp
Join and get latest news updates delivered to you via WhatsApp
ଉତ୍ତର ପ୍ରଦେଶର ୱେଷ୍ଟ ଏଣ୍ଡ ରୋଡ୍ ସ୍ଥିତ ଋଷଭ ଏକାଡେମୀ ନାମକ ଏକ ସ୍କୁଲରେ ପିଲାଙ୍କୁ ଯୋଗୀ ହେୟାର ଷ୍ଟାଇଲ୍ ରଖିବାକୁ ଆଦେଶ ଦିଆଯାଇଛି । ଏହାଛଡା ସ୍କୁଲରେ ଲମ୍ବା କେଶ ଓ ଦାଢୀ ରଖି ଆସୁଥିବା ଛାତ୍ରଙ୍କୁ ସ୍କୁଲରେ ପ୍ରବେଶ ଅନୁମତି ଦିଆଯିବ ନାହିଁ । ସ୍କୁଲର ଏପରି ନିୟମରେ ଅଭିଭାବକମାନେ ବିରୋଧ କରିଛନ୍ତି ।ସୂଚନା ଅନୁସାରେ ସ୍କୁଲର ଅଭିଭାବକ ଯେତେବେଳେ ନିଜର ପିଲାଙ୍କୁ ସ୍କୁଲକୁ ଛାଡିବାକୁ ଆସିଥିଲେ । ସ୍କୁଲର ଏପରି ନିୟମକୁ ଜାଣି ହଙ୍ଗାମା କରିଥିଲେ । ସ୍କୁଲ ପ୍ରବନ୍ଧକ ଓ ଅଭିଭାବକଙ୍କ ଝଗଡା ବଢିବା ନେଇ ପୁଲିସ ପହଁଚିଥିଲେ ଏବଂ ପରିସ୍ଥିତିକୁ ସମାଧାନ କରି ଛାତ୍ରଙ୍କୁ ସ୍କୁଲରେ ପ୍ରବେଶ କରେଇବାକୁ କହିଥିଲେ ।