ଲାଡେନ ପରେ ଏବେ ଟାର୍ଗେଟରେ ତାର ପୁଅ, ? ୪୦ ସୈନିକଙ୍କ ସ୍ୱତନ୍ତ୍ର ଟିମ୍ ହମଜାକୁ ଧରିବାକୁ ନିଯୁକ୍ତ !
କନକ ବ୍ୟୁରୋ : ଯେତେବେଳେ ଓସାମା ବିନ୍ ଲାଡେନଙ୍କୁ ୨୦୧୧ ମସିହାରେ ମରାଯାଇଥିଲା , ସେତେବେଳେ ସେ ନିଜ ଉତ୍ତ
ରାଧିକାରୀ ଭାବେ ୩ଜଣ ପୁଅଙ୍କୁ ଛାଡିଯାଇଥିଲା । ଏମାନଙ୍କ ମଧ୍ୟରୁ ଜଣେ ସବୁକିଛି ଛାଡିଦେଇଛି । ଦ୍ୱିତୀୟ ଜଣକଙ୍କର ମୃତ୍ୟୁ ହୋଇଛି । ଏବଂ ସବୁଠୁ ଛୋଟ ପୁଅ ଲାଡେନର ପଦାଙ୍କ ଅନୁସରଣ କରି ତାର ରାସ୍ତାରେ ଚାଲିବା ଆରମ୍ଭ କରିଛି । ଏବେ ୨୮ ବର୍ଷୀୟ ହମଜା ଲାଡେନ ଦ୍ୱାରା ଗଠିତ ଆତଙ୍କୀ ସଂଗଠନର ଅଲ୍-କାଏଦାର ଟପ୍ ନେତା ଅଛନ୍ତି । ଏବଂ ଖୁବ୍ ଶୀଘ୍ର ତାଙ୍କୁ ଏହି ସଂଗଠନର ଅଧିକାରୀ ସ୍ତରରେ କମାଣ୍ଡ ମିଳିପାରେ । ବ୍ରିଟିଶ ମିଡିଆର ରିପୋର୍ଟ ଅନୁସାରେ , ମିଳିତ ସେନା ହମଜାକୁ ‘ମାରିବା ବା ଜିଅଁନ୍ତା ଧରିବା’ ପାଇଁ ଏକ ଗୁପ୍ତ ଅଭିଯାନରେ କାମ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁସାରେ, ସିରିଆ ରେ ସକ୍ରିୟ ଏହି ମିଳିତ ସେନାର ମୋଷ୍ଟ ୱାଂଟେଡ୍ ଆତଙ୍କବାଦୀଙ୍କ ତାଲିକାରେ ହମଜା ଅବଲ ନାଁ ରହିଛି । ସିଆଇଏ ମଧ୍ୟ ଆଶଙ୍କା କରିଛି କି ଲାଡେନର ମୃତ୍ୟୁ ପରେ ହମଜା ଅଲ-କାଏଦାର ଆଗାମୀ ମୁଖିଆ ହୋଇପାରେ । ଓସାମା ବିନ୍ ଲାଡେନ୍ ୧୧ ସେପ୍ଟେମ୍ବର ୨୦୧୧ମସିହାରେ ଆମେରିକାରେ ହୋଇଥିବା ଆତଙ୍କୀ ହମଲାର ଦାୟିତ୍ୱ ନେଇଥିଲା । ଏହାର ୧୦ ବର୍ଷ ପରେ ୨୦୧୧ରେ ୟୁଏସ୍ ନେଭି ସିଲ୍ସ ଏବୋଟାବାଦ୍ ରେ ଲାଡେନର ବାସସ୍ଥଳିରେ ଆକ୍ରମଣ କରି ତାକୁ ମାରିଥିଲେ ।
‘ଦ ଏକ୍ସପ୍ରେସ୍ ଟ୍ରିବ୍ୟୁନ’ ଅନୁସାରେ ଗୁପ୍ତଚର ସଂସ୍ଥାମାନେ ଏହି ଚେତାବନୀ ମଧ୍ୟ ଜାରି କରିଛନ୍ତି ,ହମଜା ଏବେ ପୁରା ସକ୍ରିୟ ହୋଇସାରିଛି । ଏବଂ ସେ ନିଜର ପିତାଙ୍କର ମୃତ୍ୟୁର ପ୍ରତିଶୋଧ ନେବା ପାଇଁ ପଶ୍ଚିମ ଦେଶ ଉପରେ ବଡ ଆକ୍ରମଣ ପାଇଁ ପ୍ରସ୍ତୁତ ହେଉଛି । ହମଜା ୨୦୧୫ରେ ଲଣ୍ଡନରେ ହୋଇଥିବା ଆତଙ୍କୀ ଆକ୍ରମଣର ପ୍ରଶଂସନୀୟ ସ୍ୱରୂପ ଏକ ଭିଡିଓରେ ନଜର ଆସିଥିଲା । ଗୁପ୍ତଚର ସଂସ୍ଥାଗୁଡିକୁ ସୂଚନା ମିଳିଛି ଯେ ହମଜା ସିରିଆରେ ଅଛି । ଏହାପରେ ସିଆଇଏ ତାକୁ ୟୁଏସର ଟେରର ୱାଚ୍ ଲିଷ୍ଟରେ ସାମିଲ କରିଛି ।
ସେନା ପାଖାପାଖି ୪୦ ସ୍ୱତନ୍ତ୍ର ଏୟର ସର୍ଭିସ୍ ସୋଲଜରଙ୍କୁ ସିରିଆରେ ହମଜାକୁ ଖୋଜିବାକୁ ଗୁପ୍ତ ମିଶନ ରେ ଲାଗିଛି । ଏହି ସ୍ପେଶାଲ ଟିମ୍ ପାଖରେ ହାଇଟେକ୍ ସ୍ପାଇ ପ୍ଲେନ୍ସ ଓ ଡ୍ରୋନ୍ସ ଅଛି । ଯାହା କି ରେଡିୟୋ କମ୍ୟୁନିକେଶନ ସିଗନଲକୁ ଧରିପାରିବ । (ସୌଜନ୍ୟ-ନବଭାରତ ଟାଇମ୍ସ)