ଲିଙ୍ଗ ପରିବର୍ତ୍ତନ କରି ଯୁବକରୁ ହେଲେ ଯୁବତୀ ! ଖୁବ୍ ଶୀଘ୍ର ରିୟଲିଟି ଶୋ’ରେ ନଜର ଆସିବେ ଏହି ମଡେଲ୍
ଦିଲ୍ଲୀରେ ଜନ୍ମିତ ଗୈାରବ ଅରୋରା ଏମଟିଭି ସ୍ପିଲଟ୍ସଭିଲାର ଅଷ୍ଟମ ସିଜିନରେ ନଜର ଆସିଥିଲେ । ଗତ ବର୍ଷ ସେ ସେକ୍ସ ଚେଂଜ ସର୍ଜରୀ କରିଥିଲେ । ଏବଂ ଏବେ ସେ ଟିଭିରେ ନିଜର ଏକ ନୂଆ ପରିଚୟ ଗୈାରୀ ଅରୋରା ନାମରେ ଆସିବାକୁ ପ୍ରସ୍ତୁତ । କିନ୍ତୁ ଏହାକୁ ନେଇ ମଧ୍ୟ ସେ ଖୁବ୍ ନର୍ଭସ ଅନୁଭବ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଇଣ୍ଡିଆନ୍ ଏକ୍ସପ୍ରେସ୍ ସହ କଥାବାର୍ତ୍ତା ବେଳେ ସେ ଏହା କହିଛନ୍ତି ଏହି ରିୟଲିଟି ଶୋ’ ସମୟରେ ତାଙ୍କୁ ବିକିନିରେ ଅଡିସନ ଦେବାକୁ ଥିଲା । ଏହାକୁ ନେଇ ସେ ବହୁତ ନର୍ଭସ ଥିଲେ । ତାଙ୍କୁ ଏହି କଥାର ବଡ ଚିନ୍ତା ଥିଲା କି ବିକିନିରେ ପରିବାର ଲୋକ ଦେଖିଲେ କଣ ସବୁ ପ୍ରତିକ୍ରିୟା ଦେବେ । ଏହାସହ ଦ୍ୱିତୀୟ ଚିନ୍ତା ଥିଲା କି ଲୋକେ କାଳେ ଭାବିବେ ଶରୀର ଦେଖାଇବା ପାଇଁ ଲିଙ୍ଗ ପରିବର୍ତ୍ତନ କରିଛି । ବର୍ତ୍ତମାନ ସେ ଶୋ’ ସହ ଜଡିତ ସବୁ ଜଜ୍ ଙ୍କ ପଜିଟିଭ୍ ରିଆକ୍ସନକୁ ନେଇ ଖୁସି ଏବଂ ସେ ଅପେକ୍ଷା କରିଛନ୍ତି ଏହାକୁ ନେଇ ତାଙ୍କ ପରିବାର କଣ ସବୁ ମନ୍ତବ୍ୟ ଦେଉଛନ୍ତି ।
ଗୌରବ ଯେତେବେଳେ ଏମଟିଭି ସ୍ପିଲଟ୍ସଭିଲାରେ ନଜର ଆସିଥିଲେ , ସେତେବେଳେ ଯୁବତୀମାନେ ତାଙ୍କୁ ଦେଖି ଦୀର୍ଘ ନିଶ୍ୱାସ ମାରିଥିଲେ । ମଡେଲିଂ ଦୁନିଆରେ ସେ ଭଲ କାମ କରୁଥିଲେ । କେହି କେବେ ଭାବିନଥିଲେ ସେ ଦିନେ ଲିଙ୍ଗ ପରିବର୍ତ୍ତନ କରିବେ ବୋଲି ।
କିନ୍ତୁ ଏହି ବିଷୟରେ ଗୌରବଙ୍କର କହିବା କଥା ହେଲା , ତାଙ୍କୁ ନିଜର ପୁରା ଜୀବନ ଜଣେ ମହିଳା ଭଳି ଅନୁଭବ ହେଉଛି । ତାଙ୍କ ପାଇଁ ଲିଙ୍ଗ ପରିବର୍ତ୍ତନ କରିବା ନିଷ୍ପତ୍ତି ବଡ କଠିନ ଥିଲା । ଅନେକ ବର୍ଷ ଯାଏ ହୋଇଥିବା ସର୍ଜରୀ ପରେ ତାଙ୍କର ଲିଙ୍ଗ ପରିବର୍ତ୍ତନ ହୋଇଛି । ଏବେ ସେ ଗୌରବ ଅରୋରାରୁ ଗୌରୀ ଅରୋରା ହୋଇଛନ୍ତି । ଏହି ନୂଆ ପରିଚୟ ସହ ଖୁବ୍ ଶୀଘ୍ର ସେ ଟିଭି ରେ ନଜର ଆସିବାକୁ ଯାଉଛନ୍ତି । ସେ ଇଣ୍ଡିଆଜ୍ ନେକ୍ସଟ୍ ଟପ୍ ମଡେଲ୍ ସିଜିନ୍ -୩ ରେ ପ୍ରତିଯୋଗୀ ଭାବେ ସାମିଲ୍ ହୋଇଛନ୍ତି । ଏହି ଶୋ’କୁ ଡବୁ ରତନାନୀ , ମଲାଇକା ଅରୋରା ଖାନ୍ ଓ ମିଳିନ୍ଦ ସୋମନ ଜଜ୍ ଭାବେ ଅଂଶ ଗ୍ରହଣ କରିବେ ।
ଗୌରବଙ୍କର କହିବା ହେଲା , ଜଣେ ଯୁବତୀ ଭାବେ ନିଜକୁ ଅନୁଭବ କରିବାର ସତ୍ୟକୁ ସାମ୍ନା କରିବା ପାଇଁ ତାଙ୍କୁ ବହୁତ ସମୟ ଲାଗିଥିଲା । ଏବଂ ଲିଙ୍ଗ ପରିବର୍ତ୍ତନ କରିବାର ନିଷ୍ପତ୍ତି ନେବା ପାଇଁ ତାଙ୍କୁ ବହୁତ ସାହାସ ଯୁଟାଇବାକୁ ପଡିଛି ।
(ସୌଜନ୍ୟ- ଆଜତକ୍ )