ମୃତ୍ୟୁ ସମୟରେ ବିଶ୍ୱବାସୀଙ୍କୁ ଦେଇଥିବା ମହାନ ପଣ୍ଡିତ ରାବଣର ତିନୋଟି ସତର୍କ ବାଣୀ ! ଜାଣନ୍ତୁ କଣ ଥିଲା . . .
ମୃତ୍ୟୁ ସମୟରେ ଲଙ୍କାସୁର ରାବଣ ଲକ୍ଷ୍ମଣଙ୍କୁ ତିନୋଟି ବଡ ତଥା ମହତ୍ୱପୂର୍ଣ୍ଣ କଥା କହି ଯାଇଥିଲେ ଯାହା ବିଷୟରେ ଆଜି ଆମେ ଆପଣଙ୍କୁ ଜଣାଇବାକୁ ଯାଉଛୁ । ଯେଉଁ ସମୟରେ ରାବଣ ମରିବା ସ୍ଥିତିରେ ଥିଲେ ସେତେବେଳେ ଭଗବାମ ଶ୍ରୀ ରାମ ଲକ୍ଷ୍ମଣଙ୍କୁ କହିଥିଲେ କି ଏହି ସଂସାରରୁ ନୀତି.ରାଜନୀତି, ଶକ୍ତି ତଥା ମହାନ ପଣ୍ଡିତ ବିଦାୟ ନେବାକୁ ଯାଉଛନ୍ତି । ଅର୍ଥାତ୍ ତୁମେ ରାବଣଙ୍କ ନିକଟକୁ ଯାଓ ଏବଂ ତାଙ୍କ ଠାରୁ ଜୀବନର କିଛି ଜ୍ଞାନ ଲାଭ କର କାରଣ ଏହି ଜ୍ଞାନ ତୁମକୁ ଅନ୍ୟ କାହାଠାରୁ ମିଳିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଜେଷ୍ଠ୍ୟ ଭ୍ରାତାଙ୍କ ଆଦେଶ ପାଇଁ ଲକ୍ଷ୍ମଣ ମରଣାସନ୍ନ ଅବସ୍ଥାରେ ଥିବା ପଣ୍ଡିତ ତଥା ରାବଣଙ୍କ ନିକଟରେ ଯାଇ ଠିଆ ହୋଇ ଯାଇ ଥିଲେ ମାତ୍ର ରାବଣ ତାଙ୍କୁ କିଛି କହିନ ଥିଲେ । ଏହାପରେ ସେ ରାମଙ୍କ ନିକଟକୁ ଫେରି ଯାଇଥିଲେ କିନ୍ତୁ ରାମଚନ୍ଦ୍ର ପରାମର୍ଶ ଦେଇ କହିଥିଲେ ଯଦି ତୁମେ କାହା ଠାରୁ କିଛି ଜ୍ଞାନ ଲାଭ କରିବାକୁ ଯାଉଛ ତେବେ ତା ପାଦତଳେ ଯାଇ ବସ । ନା ଠିଆ ହୋଇ । ରାମଙ୍କ ଆଜ୍ଞା ପାଇ ଲକ୍ଷ୍ମଣ ପୁଣି ଥରେ ରାବଣଙ୍କ ନିକଟରେ ଯାଇ ପହଂଚି ତାଙ୍କ ପାଦତଳେ ଯାଇ ବସି ଥିଲେ । ଏହାପରେ ଲକ୍ଷ୍ମଣଙ୍କୁ ଦେଖି ରାବଣ ତାଙ୍କୁ ୩ଟି ମହତ୍ୱପୂର୍ଣ୍ଣ କଥା କହିଥିଲେ ତେବେ ସେଗୁଡିକ କଣ ଥିଲା ଆସନ୍ତୁ ଜାଣିବା ।
• ପ୍ରଥମଟି ଥିଲା, ଶୁଭ କାମକୁ ଯେତେ ଶୀଘ୍ର ପାରିବ କରିଦେବା ଉଚିତ୍ । ଏବଂ ଅଶୁଭ କାମକୁ ସବୁବେଳେ ଏଡାଇବାକୁ ଚେଷ୍ଟା କରିବା ଉଚିତ୍ । ଏହାର ଅର୍ଥ ହେଲା ଶୁଭସ୍ୟ ଶୀଘ୍ରମ୍ । ଅର୍ଥାତ୍ ମୁଁ ଶ୍ରୀରାମଚନ୍ଦ୍ରଙ୍କୁ ଚିହ୍ନି ପାରିଲିନି । ଏବଂ ତାଙ୍କ ଶରଣରେ ରହିବାକୁ ବହୁତ ବିଳମ୍ବ କରିଦେଲି । ଯାହା କାରଣରୁ ଆଜି ମୋର ଏହି ବିପତି ।
• ଦ୍ୱିତୀୟ କଥାଟି ଯାହା ରାବଣ ଲକ୍ଷ୍ମଣଙ୍କୁ କହିଥିଲେ ,ନିଜ ପ୍ରତିଦ୍ୱନ୍ଦି ବା ଶତ୍ରୁକୁ କେବେ ନିଜଠାରୁ ଛୋଟ ମଣିବ ନାହିଁ । ଯେଉଁ ଭୁଲଟା କି ମୁଁ କରିଥିଲି । ମୁଁ ସବୁବେଳେ ମୋର ଶତ୍ରୁକୁ ଛୋଟ ଭାବେ ଯାହାର ପରିଣତି ଏବେ ତୁମ ସାମ୍ନାରେ । ମୁଁ ଯାହାକୁ ଏକ ସାଧାରଣ ବାନର ଓ ଭାଲୁ ଭାବି ବସିଥିଲି ସେମାନେ ମୋର ସଂପୂର୍ଣ୍ଣ ସେନାକୁ ନଷ୍ଟ କରିଦେଇଥିଲେ । ମୁଁ ପ୍ରଜାପତି ବ୍ରହ୍ମାଙ୍କୁ ବର ମାଗିଥିଲି କି ମୋର ମୃତ୍ୟୁ ମନୁଷ୍ୟ ଏବଂ ବାନର ଅତିରିକ୍ତ ଅନ୍ୟ କେହି କରିପାରିବେ ନାହିଁ । କାରଣ ମୁଁ ସବୁବେଳେ ଏମାନଙ୍କୁ ଛୋଟ ଭାବୁଥିଲି ।
• ତୃତୀୟ ତଥା ଅନ୍ତିମ କଥାଟି ଯାହା ଲଙ୍କାସୁର ରାବଣ କହିଥିଲେ, ଯଦି ତୁମ ଜୀବନର କିଛି ରାଜ୍ ବା ରହସ୍ୟ ରହିଛି ତେବେ ଭୁଲରେ ବି ତାହା କାହାକୁ ଜଣାଇବ ନାହିଁ । ଯାହାର ଶିକାର ମୁଁ ନିଜେ ହୋଇସାରିଛି । କାରଣ ବୀଭିଷଣ ମୋ ମୃତ୍ୟୁର ରହସ୍ୟ ଜାଣିଥିଲା । ଏହା ମୋ ଜୀବନର ସବୁଠାରୁ ବଡ ଭୁଲ ଥିଲା ।