ସଫଳତାର କୌଣସି ବୟସ ନଥାଏ..ସ୍ୱାମୀଙ୍କ ମୃତ୍ୟୁ ପରେ ବି ଭାଙ୍ଗି ପଡିନଥିଲେ ଶାନ୍ତିଲକ୍ଷ୍ମୀ, ଝିଅ ସହ ମିଶି ପରୀକ୍ଷା ଦେଲେ, ଦୁହିଁଙ୍କୁ ମିଳିଲା ସରକାରୀ ଚାକିରି
କଥାରେ ଅଛି ସଫଳତା ପାଇବାର କୌଣସି ଆକ୍ଷରିକ ସମୟ ନଥାଏ । ଆଉ ଏହି କଥାକୁ ସତ ପ୍ରମାଣିତ କରିଦେଖାଇଛନ୍ତି ତାମିଲନାଡୁରେ ରହୁଥିବା ୪୭ ବର୍ଷୀୟର ଜଣେ ମହିଳା । ସ୍ୱାମୀଙ୍କର ମୃତ୍ୟୁ ପରେ କେବଳ ପିଲାମାନଙ୍କର ଭଲ ଭବିଷ୍ୟତ ଗଢିବାକୁ ନୁହେଁ ବରଂ ଏହି ବୟସରେ ସେ ସରକାରୀ ଚାକିର ମଧ୍ୟ ହାସଲ କରିଛନ୍ତି । ଏନ.ଶାନ୍ତିଲକ୍ଷ୍ମୀ ନିଜର ୨୮ ବର୍ଷୀୟ ଝିଅ ସହିତ ପରୀକ୍ଷା ଦେଇ ତାମିଲନାଡୁ ସରକାରରେ ଭଲ ଚାକିରି ଖଣ୍ଡିଏ ପାଇବାରେ ସଫଳ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତିନି ଝିଅଙ୍କର ମାଆ ବନିଥିବା ଶାନ୍ତିଲକ୍ଷ୍ମୀ ସ୍ୱାମୀଙ୍କର ମୃତ୍ୟୁ ପରେ ପରିବାରର ଭରଣପୋଷଣ ପାଇଁ ଚାକିରି ଖୋଜିବା ଆରମ୍ଭ କରିଥିଲେ । ସେ କଳାରେ ସ୍ନାତକ ତଥା ବିଏଡ କରିଛନ୍ତି । ଶାନ୍ତିଲକ୍ଷ୍ମୀ କୁହନ୍ତି କି, ସେ ଜଣେ ଗୃହିଣୀ ଅଟନ୍ତି କିନ୍ତୁ ତାଙ୍କର ସ୍ୱାମୀଙ୍କର ମୃତ୍ୟୁ ପରେ ସେ ଚାକିରି କରିବାକୁ ନିଷ୍ପତି ନେଇଥିଲେ । ତେବେ ଶାନ୍ତିଲକ୍ଷ୍ମୀ କେବେ ହାର ମାନି ନଥିଲେ ଆଉ ନିଜ ଝିଅ ସହିତ କୋଚିଂ ଆରମ୍ଭ କରିଥିଲେ ।
କୋଚିଂ କର୍ତ୍ତୃପକ୍ଷ କୁହନ୍ତି କି, ଶାନ୍ତିଲକ୍ଷ୍ମୀ ତାଙ୍କ ଝିଅର ଆଡମିସନ ପାଇଁ ତାଙ୍କ କୋଚିଂ ସେଂଟର ଆସିଥିଲେ । କିନ୍ତୁ ଯେତେବେଳେ ଆମେ ତାଙ୍କୁ କହିଥିଲୁ କି ସେ ବି ପରୀକ୍ଷାରେ ସାମିଲ ହୋଇପାରିବେ । ସେତେବେଳେ ସେ ମଧ୍ୟ କୋଚିଂ ଆସିବାକୁ ନିଷ୍ପତି ନେଇଥିଲେ । ଆଉ କୋଚିଂ ନେବା ଆରମ୍ଭ କରିଥିଲେ । ବଡ କଥା ହେଲା ଶ୍ରେଣୀ ଗୃହରେ ଯେଉଁଠି ଅନ୍ୟ ପିଲାମାନଙ୍କ ବୟସ ତାଙ୍କ ଝିଅ ବୟସର ଥିଲା , ସେଇଠି ଶାନ୍ତିଲକ୍ଷ୍ମୀ ପ୍ରଶ୍ନ ପଚାରିବାରେ କୌଣସି କୁଣ୍ଠା ବୋଧ କରୁନଥିଲେ । ଯେତେବେଳେ ସେ କୋଚିଂ ଆସିପାରୁନଥିଲେ ସେତେବେଳେ ତାଙ୍କ ଝିଅ ତାଙ୍କୁ ଘରେ ହିଁ ପଢାଇଦେଉଥିଲେ । ଶାନ୍ତିଲକ୍ଷ୍ମୀଙ୍କୁ ସ୍ୱାସ୍ଥ୍ୟ ବିଭାଗରେ ନିଯୁକ୍ତି ମିଳିଛି । ଏଠାରେ ଆମ କହି ରଖୁଛୁ କି, ଚାକିରି ମିଳିବା ପରେ କାଳରେ ସ୍ନାତକ କରିଥିବା ତାଙ୍କ ଝିଅଙ୍କର ହିନ୍ଦୁ ଧାର୍ମିକ ଏବଂ ଧର୍ମାର୍ଥ ବନ୍ଦୋବସ୍ତ ବିଭାଗରେ ନିଯୁକ୍ତି ମିଳିଛି ।