ଫେସବୁକରେ ଗୁଡ ମର୍ଣ୍ଣିଂ ଲେଖି ବନ୍ଧା ହେଲେ ଯୁବକ ! କାରଣ ଜାଣିଲେ ଆପଣ ବି ହୋଇଯିବେ ଚକିତ
ଫେସବୁକରେ ଗୁଡ ମର୍ଣ୍ଣିଂ ଲେଖି ବନ୍ଧା ହେଲେ ଯୁବକ । ସୂଚନା ମୁତାବକ, ଜଣେ ଫିଲିସ୍ତାନୀ ଯୁବକଙ୍କୁ ଫେସବୁକରେ ଗୁଡ ମର୍ଣ୍ଣିଂ ପୋଷ୍ଟ କରିବା ମହଙ୍ଗା ପଡିଛି । ଏପରିକି ଯୁବକଙ୍କୁ ଏଥିପାଇଁ ଜେଲ ମଧ୍ୟ ଯିବାକୁ ପଡିଛି । ଯୁବକ ଜଣକ ଫେସବୁକ୍ ଜରିଆରେ ଭୂଲ୍ ଅନୁବାଦ କରିବା କାରଣରୁ ଏଭଳି ଦଶା ଭୋଗିବାକୁ ପଡିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତ ଘଟଣାଟି ହେଲା, ଫିଲିସ୍ତାନର ଜଣେ କନଷ୍ଟ୍ରକସନ ୱାର୍କର ହାତରେ କଫି କପ ଏବଂ ସିଗାରେଟ୍ ଧରି ଏକ ଫଟୋ ଫୋସବୁକରେ ପୋଷ୍ଟ କରିବା ସହ ଗୁଡ ମର୍ଣ୍ଣିଂ ଲେଖିଥିଲେ । କିନ୍ତୁ ଯୁବକ ଜଣକ ପୋଷ୍ଟ କରିଥିବା ଫଟୋ ପଛରେ ଏକ ବୁଲଡୋଜର ମଧ୍ୟ ନଜର ଆସିଥିଲା । ଯାହାର ବ୍ୟବହାର ପୂର୍ବରୁ ଆତଙ୍କବାଦୀ ଆକ୍ରମଣରେ ହୋଇଥିଲା । ଯେଉଁଥି ପାଇଁ ଯୁବକ ଜଣକ ଇଜରାୟଲ ପୁଲିସର ଟାର୍ଗେଟରେ ଆସିଥିଲେ । ପୁଲିସ ଏହି ଲେଖାକୁ ଫେସବୁକ୍ ଟ୍ରାନ୍ସଲେସନ ଜରିଆରେ ଅନୁବାଦ କରିଥିଲା କିନ୍ତୁ ଫେସବୁକର ଆଂଟିଫିସିଆଲ ଇଂଟେଲିଜେନ୍ସ ଗୁଡ ମର୍ଣ୍ଣିଂର ଅର୍ଥକୁ ‘ଆଟାକ୍ ଦେମ୍’ କହିଥିଲା ।
ଯାହାର ଫଳାଫଳ ଆପଣଙ୍କ ସାମ୍ନାରେ । ଅର୍ଥାତ୍ ଅନୁବାଦ ପରେ ଏଭଳି ଆକ୍ରମଣପୂର୍ବକ ଲେଖା ପାଇଁ ପୁଲିସ ଉକ୍ତ ଯୁବକ ଜଣକୁ ଗିରଫ କରିଥିଲା । ତେବେ ଯୁବକ ଜଣକ ଆରବୀ ଭାଷାରେ ଗୁଡ ମର୍ଣ୍ଣିଂ ଲେଖିଥିଲେ । ଯଦିଓ କିଛି ଘଂଟା ପରେ ଯେତେବେଳେ ପୁଲିସଙ୍କୁ ଅନୁଭବ ହୋଇଥିଲା କି ଏହା ଫେସବୁକ୍ ଟ୍ରାନ୍ସଲେସନର ଭୁଲ ଅଟେ ବୋଲି ସେତେବେଳେ ପୁଲିସ ଉକ୍ତ ଯୁବକ ଜଣକୁ ଛାଡି ଦେଇଥିଲେ ।
ଏଠାରେ ଆମେ କହି ରଖୁଛୁ କି, ସରକାରୀ ଏଜେନ୍ସି ଭଳି ଇଜରାୟଲ ପୁଲିସର ସିକ୍ୟୁରିଟି ସର୍ଭିସ ସୋସିଆଲ ମିଡିଆ ମନିଟର କରୁଛନ୍ତି । ଏହା ପୂର୍ବରୁ ବି ଗତ ଏପ୍ରିଲ ମାସରେ ଆକ୍ରମଣ ଯୋଜନା କରୁଥିବା ସନ୍ଦେହରେ ପୁଲିସ ୪୦୦ ଫିଲିସ୍ତାନୀଙ୍କୁ ଉଠାଇ ନେଇଥିଲା ।
ସୌଜନ୍ୟ: ଅମର ଉଜାଲା