୩ବର୍ଷ ଧରି ସଂଚୟ କରିଥିଲେ ୫୭ ହଜାର ଟଙ୍କାର ଖୁଚୁରା । ବାଇକ୍ କିଣିବାକୁ ପହଂଚିଲେ ତ କାନ୍ଦି ପକାଇଲେ ଡିଲର
ମଧ୍ୟ ପ୍ରଦେଶର ହସିବ ନାମକ ଜଣେ ବ୍ୟକ୍ତି ବାଇକ୍ କିଣିବା ପାଇଁ ୫୭,୦୦୦ ଟଙ୍କା ଖୁଚୁରା ଧରି ନିକଟସ୍ଥ ଏକ ହିରୋ ସୋରୁମରେ ପହଂଚିଥିଲେ । ଯାହାକୁ ଦେଖି ସେଠାରେ ଉପସ୍ଥିତ ଥିବା ସମସ୍ତ ଲୋକ ପୁରାପୁରା ତାଜୁବ ହୋଇଯାଇଥିଲେ । କାରଣ ହସିବ ଖୁଚୁରା ୫୭,୦୦୦ ଟଙ୍କା ନେଇ ସୋରୁମରେ ପହଂଚିଥିଲେ । ତେବେ ପ୍ରଥମେ ତ ଏତେ ପରିମାଣର ଖୁଚୁରା ଟଙ୍କା ଦେଖି ସୋରୁମବାଲା ତାଙ୍କୁ ମନା କରିଦେଇଥିଲେ ହେଲେ ହସିବଙ୍କର କାହାଣୀ ଶୁଣିବା ପରେ ରାଜି ହୋଇଯାଇଥିଲେ ଏବଂ ତାଙ୍କୁ ତାଙ୍କ ମନ ପସନ୍ଦର ବାଇକଟିକୁ ଦେଇ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବହୁ ପରିମାଣର ଖୁଚୁରା ଧରି ସୋରୁମରେ ପହଂଚି ଥିବା ହସିବଙ୍କ କହିବା କଥା ହେଲା, ତାଙ୍କ ଘରେ ଦଶ ଜଣ ସଦସ୍ୟ ଅଛନ୍ତି । ଯେଉଁମାନେ କି ଗତ ୩ବର୍ଷ ହେଲା ତାଙ୍କ ବାଇକ୍ କିଣିବା ପାଇଁ ଗୋଟିଏ ଗୋଟି ଗୋଟି କରି ଟଙ୍କା ଜମା କରି ଆସୁଥିଲେ ଆଉ ହସିବଙ୍କର ଏହି ଦୁଃଖ ଭରା କାହାଣୀକୁ ଶୁଣି କାନ୍ଦି ପକାଇଥିଲେ ସୋରୁମ ଡିଲର । ତେବେ ଏତେ ପରିମାଣର ଖୁଚୁରା ଟଙ୍କାକୁ ଗଣିବା ପାଇଁ ସୋରୁମର ସବୁ କର୍ମଚାରୀଙ୍କୁ ନିୟୋଜିତ କରାଯାଇଥିଲା । ଏବଂ ଏଥିପାଇଁ ସେମାନଙ୍କୁ ପାଖାପିଖି ୩ ଘଂଟା ଲାଗିଥିଲା । ଡିଲର କହିଥିଲେ କି, ହସିବ ୧୦ଟଙ୍କିଆ କଏନ ପାଖାପାଖି ୩୨୨ ଟି, ପାଂଚ ଟଙ୍କିଆ ୧,୪୫୮ , ଦୁଇ ଟଙ୍କିଆ ୧୫,୬୪୫ଟି ଏବଂ ଏକ ଟଙ୍କିଆ ୧୪,୬୦୦ଟି କଏନ ନେଇ ସୋରୁମକୁ ଆସିଥିଲେ ।
ଏନେଇ ହସିବ କହୁନ୍ତି କି, ଏହି ଟଙ୍କା ଜମା କରିବାର ପ୍ରେରଣା ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଏକ ଭାଷଣରୁ ଅନୁପ୍ରାଣିତ ହୋଇଥିଲେ । ଯେଉଁଥିରେ ମୋଦି ଟଙ୍କା ସଂଚୟ କରିବାର ପରାମର୍ଶ ଦେଇଥିଲେ । ହସିବଙ୍କ କହିବା ମୁତାବକ, ସେବେଠାରୁ ହିଁ ତାଙ୍କ ପରିବାର ଲୋକେ ତାଙ୍କ ପାଇଁ ଟଙ୍କା ଜମା କରି ଆସୁଥିଲେ ।
ଡିଲରଙ୍କ କହିବା ଅନୁସାରେ, ସବୁ ଖୁଚୁରା ଟଙ୍କାକୁ ବ୍ୟାଙ୍କରେ ଜମା କରିଦିଆଯିବ ଯାହାଦ୍ୱାରା କି ଖୁଚୁରା ଟଙ୍କାର ଅଭାବୀ କିଛି ମାତ୍ରାରେ ଏଡା ଯାଇ ପାରବ । ତେବେ ଏଠାରେ ଆମେ କହି ରଖୁଛୁ କି, ହସିବ ମଧ୍ୟପ୍ରେଦଶର ରାଇସିନ ସହରରେ ଏକ ଦୋକାନ କରି ଚଳନ୍ତିି । ସେ ଗତ ୧୨ ତାରିଖରେ ଖୁଚୁରା ୫୭.୦୦୦ ଟଙ୍କା ଧରି ନିକଟସ୍ଥ ଏକ ହିରୋ ସୋ’ ରୁମରେ ପହଂଚିଥିଲେ ।
ସୌଜନ୍ୟ: ଅମର ଉଜାଲା