ଜିଓ, ଏୟାରଟେଲ, ଭୋଡାଫୋନ ଏବଂ ଆଇଡିଆ ! ଜାଣନ୍ତୁ କାହାର ପ୍ଲାନ ଆପଣଙ୍କ ପାଇଁ ବେଶି ଭଲ
ଜିଓ, ଏୟାରଟେଲ, ଭୋଡାଫୋନ ଏବଂ ଆଇଡିଆ ଭଳି ଟେଲିକମ କଂପାନୀମାନେ ନିଜ ନିଜର ଗ୍ରାହକଙ୍କୁ ଆକୃଷ୍ଠ କରିବା ଉଦ୍ଦେଶ୍ୟରେ ପ୍ରତିଦିନ ଲଂଚ କରିବାରେ ଲାଗିପଡିଛନ୍ତି ଅନେକ ନୂଆ ନୂଆ ଶସ୍ତା ଅଫର । ତେବେ ଏସମସ୍ତ କଂପାନୀମାନଙ୍କ ପ୍ଲାନଗୁଡିକ ପ୍ରାୟତଃ କିଛି ମାତ୍ରାରେ ଏକାଭଳି ରହିଛି । କିନ୍ତୁ ଏହାର ଦାମ ଏବଂ ଏଥିରୁ ମିଳୁଥିବା ସୁବିଧାଗୁଡିକରେ ସାମାନ୍ୟ ତଫାତ ଦେଖାଦେଇଛି । ତେଣୁ ଆଜି ଆମେ ଆପଣଙ୍କୁ ଜଣାଇବୁ କି ଏହି ସମସ୍ତ ପ୍ଲାନ ଗୁଡିକ ମଧ୍ୟରେ କଣ ଫରକ୍ ରହିଛି ଏବଂ ଆପଣଙ୍କ ପାଇଁ କେଉଁ ପ୍ଲାନଟି ଅତ୍ୟନ୍ତ ଲାଭଦାୟକ ହେବ । ତେବେ ଆସନ୍ତୁ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
ଜିଓ:
ରିଲାଏନ୍ସ ଜିଓର ସମସ୍ତ ପ୍ଲାନରେ ରହିଛି ଅସୀମ ଡାଟା ଏବଂ ଭଏସ କଲର ସୁବିଧା । ତେବେ ଜିଓର ସବୁଠାରୁ ଶସ୍ତା ପ୍ଲାନ ୧୯ ଟଙ୍କାର ରହିଛି । ଯାହାକି ଦିନିକିଆ ବୈଧତା ବିଶିଷ୍ଟ । ଏଥିରେ ୦.୧୫ଜିବି ହାଇସ୍ପିଡର ଡାଟା ମଧ୍ୟ ଉପଲବ୍ଧ । ଏହାପରେ ସ୍ପିଡ କମ ହୋଇଯିବ । ସେହିପରି ୫୨ ଟଙ୍କିଆ ରିଚାର୍ଜ ପ୍ଲାନରେ ରହିଛି ପ୍ରତିଦିନ ହିସାବରେ ୦.୧୫ଜିବି ହାଇ ସ୍ପିଡର ଡାଟା । ଯାହାର ବୈଧତା ରହିିଛି ୭ ଦିନ । ଜିଓର ୩୯୯ ଟଙ୍କିଆ ରିଚାର୍ଜ ପ୍ଲାନର ସମୟସୀମା ରହିଛି ୭୦ ଦିନ । ଯେଉଁଥିରେ ପ୍ରତିଦିନ ମିଳୁଛି ୧ଜିବି ହାଇସ୍ପିଡର ଡାଟା ସହିତ ୭୦ ଦିନ ପର୍ଯ୍ୟନ୍ତ ଅସୀମ କଲିଂର ସୁବିଧା ।
ଏୟାରଟେଲ:
ଏୟାରଟେଲର ୧୯୯ ଟଙ୍କିଆ ରିଚାର୍ଜ ପ୍ଲାନରେ ମିଳୁଛି ୧ଜିବି ଡାଟା । ଏହାବ୍ୟତୀତ କୌଣସି ବି ନେଟୱର୍କ ଉପରେ ଅସୀମ କଲିଂର ସୁବିଧା । ତେବେ ଏହି ପ୍ଲାନର ବୈଧତା ରହିଛି ୨୮ ଦିନ । କଂପାନୀର ୩୯୯ ଟଙ୍କିଆ ରିଚାର୍ଜ ପ୍ଲାନରେ ପ୍ରତିଦିନ ହିସାବରେ ମିଳୁଛି ୧ଜିବି ଡାଟା । ଏହାବ୍ୟତୀତ ଅସୀମ କଲିଂର ସୁବିଧା ମଧ୍ୟ ରହିଛି । ଯାହାର ବୈଧତା ରହିଛି ୭୦ ଦିନ । ସେହିପରି ଏୟାରଟେଲର ୪୯୯ ଟଙ୍କିଆ ରିଚାର୍ଜ ପ୍ଲାନରେ ରହିଛି ୨୮ ଦିନ ପର୍ଯ୍ୟନ୍ତ ପ୍ରତିଦିନ ହିସାବରେ ୧.୫ଜିବି ହାଇ ସ୍ପିଡ ଡାଟାର ସୁବିଧା ।
ଭୋଡାଫୋନ:
ଭୋଡାଫୋନର ୩୪୯ ଟଙ୍କିଆ ରିଚାର୍ଜ ପ୍ଲାନରେ ରହିଛି ଅସୀମ କଲିଂର ସୁବିଧା । ଏହାଛଡା ୟୁଜରଙ୍କୁ ପ୍ରତିଦିନ ହିସାବରେ ମିଳିବ ୧ଜିବି ହାଇ ସ୍ପିଡ ଡାଟାର ସୁବିଧା । ଏହି ପ୍ୟାକର ବୈଧତା ରହିଛି ୨୮ ଦିନ । ଭୋଡାଫୋନ ନିକଟରେ ନିଜର ୬୯ ଟଙ୍କିଆ ସୁପରୱିକ୍ ପ୍ଲାନ ଲଂଚ ମଧ୍ୟ କରିଛି । ଯେଉଁଥିରେ ରହିଛି ଗୋଟିଏ ସପ୍ତାହ ପର୍ଯ୍ୟନ୍ତ କୌଣସି ବି ନେଟୱର୍କ ଉପରେ ଅସୀମ ତଥା ମାଗଣା କଲିଂର ସୁବିଧା । ଏଥିସହିତ ୫୦୦ ଏମବି ଡାଟା ମଧ୍ୟ ମିଳିବ ।
ଆଇଡିଆ:
ଆଇଡିଆର ୩୪୮ ଟଙ୍କିଆ ରିଚାର୍ଜ ପ୍ଲାନରେ ଗ୍ରାହକଙ୍କୁ ଦେଉଛି ଅସୀମ କଲିଂ ସହିତ ପ୍ରତିଦିନ ହିସାବରେ ୧ଜିବି ହାଇସ୍ପିଡ ଡାଟାର ସୁବିଧା । ତେବେ ଏହି ପ୍ଲାନର ବୈଧତା ରହିଛି ୨୮ ଦିନ ।
ସୌଜନ୍ୟ: ଜନସତ୍ତା