ନାରୀ ଇଶ୍ୱରଙ୍କର ଅନବଦ୍ୟ ସୃଷ୍ଟି । ଭଗବାନଙ୍କ ଦ୍ୱାରା ଏକ ସୃଜିତ ସୃଜନଶୀଳତା । ଯୁଗେ ଯୁଗେ ନାରୀକୁ ନେଇ ରଚିତ ଅନେକ ଗଳ୍ପ ,କାବ୍ୟ ଓ କବିତା । ସ୍ଥାନ ,କାଳ ,ପାତ୍ର ବିଶଷରେ ନାରୀର ବଦଳିଥାଏ ଦାୟିତ୍ୱ ।
Kanak News is now on WhatsApp
Join and get latest news updates delivered to you via WhatsApp
ବାସ୍ନାମୟ କଅଁଳ ପୁଷ୍ପ ପରି ,ନାରୀ ବି ଦିନେ କଢିଟିଏ ପରି ଅନେକ ସମ୍ଭାବନାକୁ ସାଥି କରି ଜନ୍ମ ନିଏ ଏ ଦୁନିଆଁ ବଗିଚାରେ । ସେଥିପାଇଁ କୁହାଯାଏ ‘ଝିଅଟିଏ ଫୁଲଟିଏ’ । ଦୁଇ କୂଳକୁ ହିତା । ବଗିଚାରୁ ମନ୍ଦିର ଫୁଲର ଯାତ୍ରା ପରି ଝିଅର ଯାତ୍ରା ବାପ ଘରୁ ଶାଶୂଘର । ଏ ଯାତ୍ରାରେ ତା’ର ଅନେକ ଦୃଶ୍ୟ ଓ ଖୁବ୍ ନିଷ୍ଠା । ସ୍ନେହ ,ପ୍ରେମ ଓ ଶ୍ରର୍ଦ୍ଧାର ଏକ ଚିରସ୍ରୋତା ନଦୀ ।
ଝିଅଟିଏ ଜନ୍ମ ହେଲେ ,ଘରେ ଖୁସିର ମାହୋଲ ତିଆରି ହୁଏ । ସାଥିରେ ଯେମିତି ସେ ସବୁ ଅନନ୍ଦକୁ ଧରି ଆସିଥାଏ । ତାର ଦରୋଟି ଓଠର କଥା ,ହସ ଓ ନିରୀହ ଚାହାଣୀରେ ଲେଖେ ଅନେକ ସଂପର୍କ ଓ ସମନ୍ୱୟର କାହାଣୀ । ଝିଅଟିଏ ହୋଇ ବାପା ,ମାଙ୍କ ସେବା କରେ , ଭଉଣୀ ହୋଇ ଭାଇକୁ ଦିଏ ସ୍ନେହ ଓ ଆଦର ; ପାଠ ପଢି କୂଳର ଟେକ ରଖେ । କୂଳର ପ୍ରତୀମା ବୋଲାଏ ।
ସମୟ କ୍ରମେ ଯୌବନର ଉପବନରେ ଲେଖେ ନୂଆ ଅଧ୍ୟାୟ , ସଂପର୍କର ପରିଭାଷାକୁ ବଢାଇ ଦିଏ ଆଉ ଜଣେ ଅଜଣା ଲୋକକୁ ନିଜର କରି । ନିଜର ପରିବାର ସହ ଆଉ ଏକ ପରିବାରର କରେ ଯୋଗ ସୂତ୍ର । ଦୁହିତାରୁ ହୋଇଯାଏ ପତ୍ନୀ । ସକଳ ଆଶା ,ବିଶ୍ୱାସକୁ ସାଥୀ କରି ସେ ପତ୍ନୀ ସାଜି ପୂଜା ,ବ୍ରତ ମାନସିକ କରେ ନିଜର ପ୍ରିୟ ପୁରୁଷ ପାଇଁ । ଅର୍ଦ୍ଧାଙ୍ଗିନୀ ହୋଇ ସ୍ୱାମୀକୁ ଦିଏ ମନୋବଳ ,ସୁଖ ଓ ଶାନ୍ତି । ବୋହୁ ହୋଇ କରେ ସେବା ଶାଶୁ-ଶ୍ୱଶୁରଙ୍କ ସେବା । ଆଉ ମା ହୋଇ ଦୁନିଆଁର ସମସ୍ତ ଦୁଃଖକୁ ଛାତିରେ ଚାପି ,ପିଠରେ ପିଠେଇ ,ଚାଲେ ସଂସାର ବାଟ । ସେଥିପାଇଁ ତ କୁହାଯାଏ ମା ହିଁ ଏକ ଶିଶୁର ପ୍ରଥମ ଶିକ୍ଷକ । ଦୁନିଆକୁ ଜଣେ ଦକ୍ଷ ସେନାପତି ଭାବେ ପୁଅକୁ ଗଢେ ପ୍ରତିମା । ନିଜ ସନ୍ତାନକୁ କୋଟିଏରେ ଗୋଟିଏ କରି ଗଢି ତୋଳେ ।
ଏତେ ସବୁ ପରେ କଣ ବଦଳିଛି ଦୁନିଆଁ ? ଆଜି ବି କନ୍ୟା ସନ୍ତାନ ପ୍ରତି ନାକଟେକେ ଏ ସ୍ୱାର୍ଥବାଦୀ ସମାଜ । କଅଁଳ ଫୁଲ କଢିଟେ ଫୁଟିବା ଆଗରୁ ଛିଣ୍ଡେଇ ଦେବା ଭଳି , ମା ଗର୍ଭରୁ ଲିଙ୍ଗ ନିରୂପଣ କରାଯାଏ । କନ୍ୟାଭୂଣକୁ ମାରିଦିଆଯାଏ । ସମାଜ ଏତେ ସଭ୍ୟ ଶିକ୍ଷିତ ହେବାପରେ ବି ନାରୀ ଆଜି ବି ହୁଏ ହୀନ ମନ୍ୟତାର ଶିକାର । ଏହା କେତେଦୂର ଠିକ୍ ଆପଣ ବିଚାର କରନ୍ତୁ ।
ଆମେ ବି କିଛି କମ୍ ନୁହେଁ ନାରାରେ ନାରୀ ଆଜି ନଭକୁ ଛୁଇଁଛି । ପୁରୁଷ ସହ ହାତ ମିଳାଇ ମହାକାଶକୁ ଯାଉଛି , ସୀମାରେ ରହି ଦେଶ ମାତୃକାକୁ ସୁରକ୍ଷା ଦେଉଛି ।ଶିକ୍ଷା ,ସ୍ୱାସ୍ଥ୍ୟ ,ରାଜନୀତି ,ନୃତ୍ୟ, କଳା.ସଂଗୀତ ଓ ବାଣିଜ୍ୟ ବ୍ୟବସାୟ ସବୁଠି ନାରୀର ଅସରା ସଫଳତାର କାହାଣୀ । କୁହାଯାଏ ,ଯେଉଁଠି ପୁରୁଷ ହାରିଯାଏ ,ନାରୀ ସେ’ଠି ଜିତାପଟ ମାରେ । ନାରୀ ଧର୍ଯ୍ୟ ,କ୍ଷମା ,ବିଶ୍ୱାସ ଓ ସମ୍ବନ୍ଧର ଏକ ନିର୍ଲିପ୍ତ ପ୍ରତୀକ ।
ବହୁ ଆଗରୁ ,ପୁରାଣ ପୋଥିରେ ବି ନାରୀର ମହନୀୟତାର ପରାକାଷ୍ଠା ପ୍ରଦର୍ଶିତ ହୋଇଛି । ସତରେ ନାରୀ ହିଁ ନାରାୟଣୀ …. । ତାର ତୁଳନା ନାହିଁ । ଅନ୍ତର୍ଜାତୀୟ ମହିଳା ଦିବସ ଅବସରରେ ଆସନ୍ତୁ ନାରୀକୁ ସମ୍ମାନ ହେବା , ନିଜେ ସମ୍ମାନ ପାଇବା ।
ଏହା ସହ ଦେଖନ୍ତୁ ଏହି ଭିଡିଓ-