ପୋଷ୍ଟଅଫିସ ବନିଲା ବ୍ୟାଙ୍କ୍ । ଏଣିକି ଡାକ କର୍ମଚାରୀ ହେବେ ବ୍ୟାଙ୍କ ଏଜେଂଟ, ଯଦି ଆପଣଙ୍କ ମନରେ ରହିଛି କୌଣସି ବି ପ୍ରଶ୍ନ ତେବେ ଏହି ନମ୍ବରରେ କଲ କରି ପାଆନ୍ତୁ ଉତର

ଇଣ୍ଡିଆ ପୋଷ୍ଟ ପେମେଂଟ ବ୍ୟାଙ୍କ ଦେଶର ସବୁଠାରୁ ବଡ ପେମେଂଟ ବ୍ୟାଙ୍କରେ ପରିଣତ ହୋଇଛି । ଗତକାଲିଠାରୁ ଭାରତୀୟ ଡାକ ବିଭାଗ ଅଧିନରେ ଆରମ୍ଭ ହୋଇଛି ଆଇପିପିବି ବା ଇଣ୍ଡିଆ ପୋଷ୍ଟ ପେମେଂଟ ବ୍ୟାଙ୍କ । ଏହାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉଦଘାଟନ କରିଥିବା ବେଳେ ଭୁବନେଶ୍ୱରରେ ଏହାକୁ ଉଦଘାଟନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସାରାଦେଶରେ ୬୫୦ଟି ବ୍ରାଂଚ ଓ ୩୨୫୦ ଆକ୍ସେସ୍ ପଏଂଟରେ ପେମେଂଟ ବ୍ୟାଙ୍କ ଆରମ୍ଭ ହୋଇଛି ।

ସେହିପରି ଇଣ୍ଡିଆ ପୋଷ୍ଟ ପେମେଂଟ ବ୍ୟାଙ୍କକୁ ନେଇ ଗ୍ରାହକଙ୍କ ମନରେ ଥିବା ପ୍ରଶ୍ନ ତଥା ଦ୍ୱନ୍ଦ୍ୱର ସମାଧାନ ପାଇଁ ଡାକ ବିଭାଗ ଏକ ଟୋଲ ଫ୍ରି ନମ୍ବର ମଧ୍ୟ ଜାରି କରିଛି । ଏଥିସହିତ ହିଁ ଇମେଲ ଆଇଡି ଏବଂ ବ୍ରାଂଚ ଯିବାର ବିକଳ୍ପ ମଧ୍ୟ ଗ୍ରାହକଙ୍କ ସୁବିଧା ପାଇଁ ଉପଲବ୍ଧ କରାଇଛି । ଏହାଛଡା ଧିରେ ଧିରେ ସମସ୍ତ ଡାକ ବିଭାଗଗୁଡିକରେ ମଧ୍ୟ ଆପଣ ପୋଷ୍ଟ ପେମେଂଟ ବ୍ୟାଙ୍କକୁ ନେଇ ସେବାଗୁଡିକର ଲାଭ ଉଠାଇପାରିବେ ।

ଟୋଲ ଫ୍ରି ନମ୍ବର

ଆପଣ ଆପଣଙ୍କ ମୋବାଇଲ ନମ୍ବରରୁ ୧୫୫୨୯୯ରେ କଲ କରି ସବୁ ସମସ୍ୟାର ସମାଧାନ ପାଇପାରିବେ । ଏଠାରେ ଆପଣଙ୍କୁ ପ୍ରତିଟି ପେମେଂଟ ବ୍ୟାଙ୍କ ସହ ଜଡିତ ପ୍ରତିଟି ପ୍ରଶ୍ନର ଉତର ମିଳିବ । ଏହାଛଡା ୧୮୦୦-୧୮୦-୭୯୮୦ ଟୋଲ ଫ୍ରି ନମ୍ବର ମଧ୍ୟ ଦିଆଯାଇଛି ।

ଇମେଲ କରନ୍ତୁ

ଟୋଲ ଫ୍ରି ମୋବାଇଲ ନମ୍ବର ପରେ ଆପଣ ଇମେଲ ଜରିଆରେ ମଧ୍ୟ ନିଜର ସମସ୍ୟା ସଂପର୍କରେ ଅବଗତ କରାଇପାରିବେ । ଆଉ ତାର ସମାଧାନ ବି କରିପାରିବେ । ଏଥିପାଇଁ ଆପଣ [email protected]   ରେ ନିଜ ଇମେଲ ପଠାଇପାରିବେ । ଇଣ୍ଡିଆ ପୋଷ୍ଟ ପେମେଂଟ ବ୍ୟାଙ୍କ ତରଫରୁ ଆପଣଙ୍କୁ ସମୟ ପୂର୍ବରୁ ଉତର ମିଳିଯିବ ।

ଶାଖାକୁ ଯାଆନ୍ତୁ

ତୃତୀୟ ତଥା ଶେଷ ବିକଳ୍ପ ହେଲା ଆପଣ ସିଧା ସଳଖ ଇଣ୍ଡିଆ ପୋଷ୍ଟ ପେମେଂଟ ବ୍ୟାଙ୍କର ଶାଖାକୁ ଯାଇ ଆପଣଙ୍କ ସବୁ ପ୍ରଶ୍ନର ଜବାବ ପାଇପାରିବେ । ଆପଣଙ୍କ ଅଂଚଳରେ ବ୍ୟାଙ୍କର ଶାଖା କେଉଁଠି ଅଛି । ଏସଂପର୍କରେ ଜାଣିବା ପାଇଁ https://www.ippbonline.com/web/ippb/agent କୁ ଯାଇ ଜାଣିପାରିବେ । ଏଠାରେ ଆପଣଙ୍କୁ ହୋମ ପେଜରେ ହିଁ ସମସ୍ତ ସୂଚନା ମିଳିଯିବ । ଏଥିସହିତ ହିଁ ଆପଣଙ୍କୁ ‘Locate Us’ ର ବିକଳ୍ପ ମଧ୍ୟ ମିଳିବ ।

ଏଭଳି ପରିସ୍ଥିତିରେ ଯଦି ଆପଣଙ୍କ ମନରେ ପେମେଂଟ ବ୍ୟାଙ୍କକୁ ନେଇ କୌଣସି ବି ପ୍ରଶ୍ନ ରହିଛି ତେବେ ଆପଣ ଉପରୋକ୍ତ ତିନୋଟି ଉପାୟରେ ତାର ସମାଧାନ କରିପାରିବେ ।

ଏବେ ନଜର ପକାନ୍ତୁ କି କି ସୁବିଧା ପାଇବେ ପୋଷ୍ଟାଲ ପେମେଂଟ ବ୍ୟାଙ୍କରୁ

– ଉଭୟ କରେଂଟ ଓ ସେଭିଂ ବ୍ୟାଙ୍କ ଆକାଉଂଟରେ ଟଙ୍କା ଜମା ଓ ଉଠାଣ

– ଅନ୍ୟ ବ୍ୟାଙ୍କ ଭଳି ମନି ଟ୍ରାନସ୍ଫର ବା ଟଙ୍କା ସ୍ଥାନାନ୍ତର

– ଇଲେକ୍ଟ୍ରିବିଲ, ପାଣି ବିଲ୍, ଫୋନ୍ ବିଲ୍, ବୀମା ପ୍ରିମିୟମ ଆଦି ପଇଠ

– ସରକାରଙ୍କ ବିଭିନ୍ନ ଯୋଜନାରେ ସବ୍ସିଡି ଅର୍ଥ ହସ୍ତାନ୍ତର

– ଋଣ, ଛୋଟ ନିବେଶ, ମିଚ୍ୟୁଆଲ୍ ଫଣ୍ଡ ଓ ବୀମା ସୁବିଧା

– ତୃତୀୟ ପକ୍ଷ ସହ ଅନୁବନ୍ଧିତ ହୋଇ ଲୋନ ସୁବିଧା