ଖୁସି ଖବର: ଘରେ ବସି ଖୋଲିପାରିବେ ନିଜର ପିଏଫ, ଆକାଉଂଟରେ କିଛି ଭୁଲ୍ ଥିଲେ ଅନଲାଇନ ଜରିଆରେ ବି କରିପାରିବେ ସଂଶୋଧନ, ଜାଣନ୍ତୁ ପୂରା ପ୍ରକ୍ରିୟା

ଯଦି ଆପଣ ପେଶାରେ ଜଣେ ଚାକିରୀଆ ତେବେ ସାଧାରଣ କଥା କି ଆପଣ କରୁଥିବା ସଂସ୍ଥା ବା କଂପାନୀ ତରଫରୁ ଆପଣଙ୍କର ଗୋଟିଏ ପିଏଫ ଖାତା ନିଶ୍ଚୟ ଖୋଲିଯାଇଥିବ । ଯେଉଁ ଖାତାରେ ପ୍ରତିମାସ କଂପାନୀ ତରଫରୁ ଏକ ନିର୍ଧାରିତ ପ୍ରତିଶତର ଅର୍ଥରାଶି ଜମା କରାଯାଇଥାଏ । ଏହି ପିଏଫ ଖାତାକୁ ଏମ୍ଲୋଇ ପ୍ରୋଭିଡେଂଟ ଫଣ୍ଡ ତଥା ଇପିଏଫଓ ମଧ୍ୟ କୁହାଯାଇଥାଏ । ଏହି ଖାତାରେ ଆକାଉଂଟ ହୋଲଡରଙ୍କର ନାଁ, ମୋବାଇଲ ନମ୍ବର, ବାପାଙ୍କ ନାଁ ଏବଂ ୟୁଏଏନ ନମ୍ବର ଭଳି ଗୁରୁୁତ୍ୱପୂର୍ଣ୍ଣ ତଥ୍ୟ ରହିଥାଏ । ଯଦି ଏଥି ମଧ୍ୟରୁ କୌଣସି ବି ତଥ୍ୟରେ କୌଣସି ପ୍ରକାରର ଭୁଲ ରହିଯାଏ ତେବେ ଆପଣଙ୍କର ଏହି ଭୁଲକୁ ଆପଣ ଘରେ ବସି ନିଜେ ହିଁ କରିପାରିବେ । ତେବେ କିପରି ଆସନ୍ତୁ ଜାଣିବା

ଆପଣଙ୍କ ଜାଣିବା ପାଇଁ ଏଠାରେ ଆମେ କହି ରଖୁଛୁ କି, ପିଏଫରେ ଜମା ଟଙ୍କାକୁ ଅଫଲାଇନ ସହିତ ଅନଲାଇନ ଜରିଆରେ ବି ଉଠାଇପାରିବେ । ପିଏଫ ଟଙ୍କା ଉଠାଇବା ସମୟରେ କୌଣସି ବି ପ୍ରକାରର ସମସ୍ୟା ନଆସୁ ଏଥିପାଇଁ ଏହି ଆକାଉଂଟରେ ପ୍ରତ୍ୟେକଟି ଅସୁବିଧାକୁ ଆପଣ ଅନଲାଇନ୍ ଜରିଆରେ ସମାଧାନ କରିପାରିବେ । କର୍ମଚାରୀ ଭବିଷ୍ୟତ ନିଧି ସଂଗଠନ ତଥା ଇପିଏଫ ଏହି ସୁବିଧା ଏବେ ଦେଇରଖୁଛି ।

ପୂରା ପ୍ରକ୍ରିୟା

• ସର୍ବପ୍ରଥମେ ଆପଣ www.epfindia.gov.inକୁ ଯାଆନ୍ତୁ । ଏଠାରେ ଏକ ପେଜ ଓପନ ହେବ, ଯେଉଁଥିରେ ଆପଣଙ୍କୁ Our servicesର ଫର ଏମ୍ଲୋଇ ସେକସନକୁ ଯିବାକୁ ପଡିବ ।

• ଏହାପରେ ଆପଣ Inoperative A/c Helpdesk  ଉପରେ କ୍ଲିକ୍ କରନ୍ତୁ । ଏବେ ଏଠାରେ ଏକ ନୂଆ ପେଜ ଖୋଲିବ, ଯେଉଁଥିରେ ସବା ଶେଷରେ ଥିବା ‘First time user click here to proceed’ ଉପରେ କ୍ଲିକ୍ କରିବାକୁ ପଡିବ ।

• ଏହାପରେ ଇପିଏଫଓ ପୋର୍ଟାଲ ଆପଣଙ୍କ ଆକାଉଂଟରେ ଥିବା ସମସ୍ୟା ସଂପର୍କରେ ପ୍ରଶ୍ନ କରାଯିବ । ଏଠାରେ ଆପଣଙ୍କୁ ଯେଉଁ ତଥ୍ୟରେ ପରିବର୍ତ୍ତନ ଆଣିବାକୁ ଥିବ , ସେ ସଂପର୍କରେ ଲେଖି ନେକ୍ସଟ ବିକଳ୍ପ ଉପରେ କ୍ଲିକ୍ କରିବାକୁ ହେବ ।

• ଏହାପରେ ଏଠାରେ ଏକ ନୂଆ ପେଡ ଖୋଲିବ, ଯେଉଁଠି ଆପଣଙ୍କୁ ଆପଣଙ୍କର ଏମ୍ଲୋୟମେଂଟ ସହ ଜଡିତ ଅନେକ ଡିଟେଲ୍ସ ଭରିବାକୁ ହେବ । ଡିଟେଲ୍ସ ଭରିବା ପରେ ଶେଷରେ ନେକ୍ସଟ ଉପରେ କ୍ଲିକ୍ କରନ୍ତୁ ।

• ଏବେ ଆପଣଙ୍କୁ ଆପଣଙ୍କର ବ୍ୟକ୍ତିଗତ ତଥ୍ୟ ଏବଂ କେୱାଇସି ଡିଟେଲ୍ସ ଭରିବାକୁ ହେବ ।

• ଏହାପରେ ପିନ ଜେନରେଟ କରିବାକୁ ହେବ, ଯାହା ଆପଣଙ୍କର ପିଏଫରେ ରେଡିଷ୍ଟର୍ଡ ତଥା ପିଏଫ ଆକାଉଂଟ ସହ ଲିଙ୍କ ଥିବା ମୋବାଇଲ ନମ୍ବରରେ ଆସିବ ।

• ପିନ୍ ଏଂଟର କରିବା ପରେ ଏକ ନୋଟିଫିକେସନ ଆସିବ, ଯାହା ଆପଣଙ୍କ ଡିଟେଲ୍ସର ସକ୍ସେସଫୁଲି ରିସିଭଡ ହେବା ସଂପର୍କରେ ଅଟେ ।