୨ ଟଙ୍କାରେ ମିଳିବ ଓ୍ଵାଇ-ଫାଇ !
ଦୁଇ ଟଙ୍କା ଭଳି ଶସ୍ତା ଦରରେ ଲୋକମାନେ ଓ୍ଵାଇ-ଫାଇ ସେବା ହାସଲ କରିପାରିବେ। ଭାରତୀୟ ଦୂରସଂଚାର ନିୟାମକ କର୍ତୃପକ୍ଷ (ଟ୍ରାଇ) ଏକ ମହତ୍ୱକାଂକ୍ଷୀ ଯୋଜନା ଉପରେ କାମ କରୁଛି । ଏହା ଦେଶରେ ବ୍ରଡବ୍ୟାଣ୍ଡ୍ ଇଣ୍ଟରନେଟର ବ୍ୟବହାର ବଢ଼ାଇବାକୁ ଚାହୁଁଛି। ସେଥିପାଇଁ ସୁଲଭ ମୂଲ୍ୟରେ କିଭଳି ଓ୍ଵାଇ-ଫାଇ ସଂଯୋଗ ପ୍ରଦାନ କରାଯିବ ସେ ଉପରେ ଆଲୋଚନା ପର୍ଯ୍ୟାଲୋଚନା ଜାରି ରଖିଛି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ଫୋନ୍ ସେବା ପାଇଁ ପ୍ରଚଳିତ ଥିବା ପିସିଓ ମଡେଲ୍ ଆଧାରରେ ପବ୍ଲିକ୍ ଡାଟା ଅଫିସ୍ (ପିଡିଓ) ଖୋଲିବାକୁ ଯୋଜନା ରଖାଯାଇଛି। ପିଡିଓଗୁଡ଼ିକ ଓ୍ଵାଇ-ଫାଇ ସଂଯୋଗ ବଢ଼ାଇବା କାମ କରିବେ। ସେଠାରେ ଲୋକମାନେ ୯୦% କମ୍ ଦରରେ ଅର୍ଥାତ ଦୁଇ ଟଙ୍କା ଭଳି ମୂଲ୍ୟରେ ଓ୍ଵାଇ-ଫାଇ ବ୍ୟବହାର କରିପାରିବେ। ଏଥିପାଇଁ ଟ୍ରାଇ ଏକ ଯୋଜନା ପ୍ରସ୍ତୁତ କରିଛି। ତାହାକୁ ଟେଲିକମ୍ ବିଭାଗ ନିକଟକୁ ପଠାଇ ଦେଇଛି ।
ଯଦି ବିଭାଗ ମଞ୍ଜୁରି ପ୍ରଦାନ କରିବ ତେବେ ପିଡିଓରେ ଲୋକମାନେ ଓ୍ଵାଇ-ଫାଇ ସେବା ହାସଲ କରିବାର ସୁବିଧା ପାଇବେ। ଉଲ୍ଲେଖଯୋଗ୍ୟ, ୧୯୮୦ରେ ଆରମ୍ଭ ହୋଇଥିବା ପିସିଓ ବିପ୍ଳବ ଗ୍ରାମାଞ୍ଚଳ ପର୍ଯ୍ୟନ୍ତ ସୁବିଧାରେ ଟେଲିଫୋନ୍ ସୁବିଧା ପହଞ୍ଚାଇପାରିଥିଲା। ଲୋକମାନେ ପିସିଓର ବହୁତ ବ୍ୟବହାର କରୁଥିଲେ ।