ଆକାଉଂଟରୁ ଗାଏବ ହେଲା କୋଟି କୋଟି ଟଙ୍କା ! ତେବେ ଏହି ତାଲିକାରେ ନାହାଁନ୍ତି ତ ଆପଣ?
ସୂଚନା ମୁତାବକ, ଅନଲାଇନ ସପିଂ ପୋଟାର୍ଲ ଆମାଜନ ଡଟ୍ କମରେ ଗ୍ରାହକମାନଙ୍କୁ ରିଫଣ୍ଡର କୋଟି କୋଟି ଟଙ୍କା ହେରଫେର ହୋଇଥିବା ମାମଲା ସାମ୍ନାକୁ ଆସିଛି । ଚାଲାକ ହ୍ୟାକର୍ସ ଏହି ରକମକୁ କ୍ୟାସ ଅନ ଡେଲିଭରି ସେବା ନେଉଥିବା ଗ୍ରାହକମାନଙ୍କର ଆମାଜନ ଆକାଉଂଟ ହ୍ୟାକ କରି ଟଙ୍କା ହଡପ କରିଛନ୍ତି । ତେବେ ଏଭଳି ସାଂଘାତିକ ଘଟଣା ଘଟିଛି ଲକ୍ଷ୍ନୌରେ ।
Kanak News is now on WhatsApp
Join and get latest news updates delivered to you via WhatsApp
ପୁଲିସ ବିଭାଗର ଜଣେ ବରିଷ୍ଠ ଅଧିକାରୀଙ୍କ ସୂଚନା ମୁତାବକ, ଏଯାବତ ୧୫୦୦ରୁ ଅଧିକ ଗ୍ରାହକଙ୍କୁ ହ୍ୟାକର୍ସ ଚୂନା ଲଗାଇସାରିଛନ୍ତି । ଏନେଇ କଂପାନୀ ତରଫରୁ ମଧ୍ୟ ମାମଲା ରୁଜୁ କରାଯାଇଛି । ଯାହାକୁ ବର୍ତ୍ତମାନ ଉଭୟ ପୁଲିସ ଏବଂ ସାଇବର ସେଲ ସହିତ ଏସଟିଏଫ ମଧ୍ୟ ମାମଲାର ଯାଂଚ କରୁଛି । ଆମାଜନର ଜଣେ ବରିଷ୍ଠ ଅଧିକାରୀଙ୍କ ସୂଚନା ମୁତାବକ, କଂପାନୀର କଷ୍ଟୋମର କେୟାର ନମ୍ବରରେ କିଛି ଦିନ ହେଲା ଅସନ୍ତୁଷ୍ଟ ଗ୍ରାହକ ଲଗାତର ଭାବରେ ଅଭିଯୋଗ କରୁଥିଲେ କି ତାଙ୍କୁ ରିଫଣ୍ଡର ରକମ ମିଳୁନାହିଁ । ଏହାପରେ କଂପାନୀ ତରଫରୁ ଯାଂଚ କରାଯିବା ପରେ ଜଣାପଡିଥିଲା କି, କଂପାନୀ ତରଫରୁ ଗ୍ରାହକଙ୍କୁ ରିଫଣ୍ଡ କରାଯାଉଛି ସତ ହେଲେ ଏହି ଟଙ୍କା ଗ୍ରାହକଙ୍କ ନିକଟରେ ପହଂଚିବା ପୂର୍ବରୁ ହିଁ ହ୍ୟାକର୍ସଙ୍କ ହାତକୁ ଚାଲିଯାଉଥିଲା ।
କିଭଳି କରୁଥିଲେ ଟଙ୍କା ହଡପ
ହ୍ୟାକର୍ସ କୌଣସି ମାଧ୍ୟମରେ ଆମାଜନରେ ରିଫଣ୍ଡ ପାଇଁ ଯୋଗାଯୋଗ କରିବା ପାଇଁ ଗ୍ରାହକଙ୍କ ମୋବାଇଲ ନମ୍ବର ହାସଲ କରିନେଉଥିଲେ । ଏହାପରେ ନିଜକୁ ଆମାଜନର ପ୍ରତିନିଧି ବୋଲି କହି ଅସନ୍ତୁଷ୍ଟ ଗ୍ରାହକଙ୍କୁ ରିଫଣ୍ଡର ଭରସା ଦେଇ ତାଙ୍କ ମୋବାଇଲ ନମ୍ବରରେ ଏକ ଓଟିପି ପଠାଇବାର କଥା କୁହନ୍ତି । ଆଉ ଯେମିତି ହିଁ ଗ୍ରାହକ ଏହି ଓଟିପିୃର ସୂଚନା ତାଙ୍କୁ ଦେଇ ଦେଉଥିଲେ, ତତ କ୍ଷଣାତ୍ ସେମାନେ ଗ୍ରାହକଙ୍କ ଆମାଜନ ଆକାଉଂଟ ହ୍ୟାକ କରିଦେଉଥିଲେ । କାରଣ ଏହି ଆକାଉଂଟରେ ସେମାନଙ୍କ ବ।।ଙ୍କ ଖାତାର ବିବରଣୀ ରହୁଥିଲା । ହ୍ୟାକର୍ସ ଗ୍ରାହକଙ୍କ ବ୍ୟାଙ୍କ ଖାତା ହଟାଇ ନିଜ ଖାତା ନମ୍ବର ଦେଉଥିଲେ । ଆଉ ଯେତେବେଳେ ଆମାଜନ କଂପାନୀ ତରଫରୁ ଅସନ୍ତୁଷ୍ଟ ଗ୍ରାହକଙ୍କ ଆକାଉଂଟରେ ରିଫଣ୍ଡ ପଠାଯାଉଥିଲା ସେତେବେଳେ ଏହି ଟଙ୍କା ଗ୍ରାହକଙ୍କ ପାଖକୁ ନ ଯାଇ ସିଧା ହ୍ୟାକର୍ସଙ୍କ ଖାତାକୁ ଚାଲି ଯାଉଥିଲା । ତେବେ ଯେତେବି ମାମଲା ସାମ୍ନାକୁ ଆସିଛି ସେଥିରେ ହ୍ୟାକର୍ସ ଏକ ୱାଲେଟ ବ୍ୟବହାର କରିଛନ୍ତି । ଅର୍ଥାତ୍ କଂପାନୀଠାରୁ ଗ୍ରାହକଙ୍କୁ ପଠାଯାଉଥିବା ଟଙ୍କା ହ୍ୟାକର୍ସଙ୍କ ଏୟାରଟେଲ ୱାଲେଟକୁ ଚାଲି ଯାଉଥିଲା । ତେବେ ଏହି ୱାଲେଟ କେଉଁ ବ୍ୟକ୍ତିଙ୍କ ନାଁରେ ରହିଛି ?ଏନେଇ ଅଧିକ ସୂଚନା ମିଳିପାରି ନାହିଁ ।