୨୬୩ଟି କଏନ, ଲୁହା ଚେନ ଏବଂ ଅନେକ ଛୁଂଚି ଖାଇଥିଲେ ଯୁବକ ! ଅପରେସନ କରାଗଲା ତ ଡରି ଗଲେ ଡାକ୍ତର
ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି ମଧ୍ୟପ୍ରଦେଶରେ ଏକ ସରକାରୀ ଡାକ୍ତରଖାନାରେ । ଯେଉଁଠାରେ ଏକ ଡାକ୍ତରୀଦଳ ଅପରେସନ କରିବା ସମୟରେ ଜଣେ ଯୁବକଙ୍କ ପେଟରୁ ଚକିତ କରିଦେବା ଭଳି ଜିନିଷ ବାହାରି ଥିଲା । ଯାହାକୁ ଦେଖି ଡାକ୍ତରଙ୍କର ହୋସ୍ ଉଡିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜଣେ ଯୁବକଙ୍କ ପେଟରେ ଯନ୍ତ୍ରଣା ହେବା କାରଣରୁ ସେ ମଧ୍ୟପ୍ରଦେଶରେ ଏକ ସରକାରୀ ମେଡିକାଲକୁ ଚିକିତ୍ସା ପାଇଁ ଆସିଥିଲେ । ସେଠାରେ ତାଙ୍କର ସ୍ୱାସ୍ଥ୍ୟ ପରୀକ୍ଷା ପରେ ତାଙ୍କର ଅପରେସନ ପାଇଁ ଡାକ୍ତର ପରାମର୍ଶ ଦେଇଥିଲେ । ଏବଂ ଡାକ୍ତରଙ୍କ ପରାମର୍ଶକ୍ରମେ ବି ଉକ୍ତ ଯୁବକଙ୍କ ପରିବାର ଲୋକେ ତାଙ୍କର ଅପରେସନ ପାଇଁ ସେଠାରେ ତାଙ୍କୁ ଭତ୍ତି କରିଥିଲେ । ଏହାପରେ ତାଙ୍କର ଅପରେସନ ହୋଇଥିଲା ଯାହାକି ପାଖାପାଖି ୩ ଘଂଟା ୩୦ ମିନିଟ୍ ଯାଏଁ ଚାଲି ଥିଲା । ରିପୋର୍ଟ ଅନୁସାରେ, ଡାକ୍ତରଙ୍କ ସୂଚନାନୁଯାୟୀ, ଯୁବକଙ୍କ ପେଟରୁ ଛୁଂଚି, ଭଙ୍ଗା ଚେନ ଏବଂ ବହୁତ ଗୁଡିଏ କଏନ ବାହାର କରାଯାଇଥିଲା ।
ଯୁବକଙ୍କର ସର୍ଜରୀ କରିଥିବା ଡାକ୍ତର ଜାତୀୟ ଗଣମାଧ୍ୟମ ଡେକ୍କାନ କ୍ରୋନିକଲକୁ ସୂଚନା ଦେଇ କହିଥିଲେ କି, ସେମାନେ ଯୁବକଙ୍କ ପେଟରୁ ୨୬୩ଟି କଏନ, (ଯେଉଁଥିରେ ୨, ୫ ଏବଂ ୧୦ଟଙ୍କିଆ )କଏନ ମିଳିଥିଲା । ଯାହାର ମୋଟ ମୂଲ୍ୟ ଥିଲା ୭୯୦ ଟଙ୍କା । ତେବେ ଡାକ୍ତରଙ୍କ ସୂଚନା ଅନୁଯାୟୀ ଉକ୍ତ ଯୁବକ ଜଣକ ଜଣେ ମାନସିକ ରୋଗୀ । ଯେତେବେଳେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ସେତେବେଳେ ତାଙ୍କର ଅବସ୍ଥା ବହୁତ ଗୁରୁତର ଥିଲା ଏବଂ ବର୍ତ୍ତମାନ ସେ ପୁରା ସୁସ୍ଥ ଅଛନ୍ତି ।
ଏଠାରେ ଆମେ କହି ରଖୁଛୁ କି, କିଛି ମାସ ତଳେ ପରେ ବି ଏଭଳି ଏକ ମାମଲା ସାମ୍ନାକୁ ଆସିଥିଲା । ଯେଉଁଥିରେ ଜଣେ ଯୁବକଙ୍କ ପେଟରୁ ୬୩୯ଟି ଲୁହା କଂଟା ବାହାର କରିଥିଲେ ଡାକ୍ତର । ଯାହାର ଅପରେସନ କୋଲକତା ମେଡିକାଲ କଲେଜର ଏକ ଡାକ୍ତରୀଦଳ ଦ୍ୱାରା କରାଯାଇଥିଲା ।
ସୌଜନ୍ୟ: ଜନସତ୍ତା