ଗାଡି ଚାଳକ ସାବଧାନ ! ଏଣିକି ଡ୍ରାଇଭିଂ ସମୟରେ ଗୁଗଲ ମ୍ୟାପ ଦେଖିଲେ ହଜାରେ ଟଙ୍କା ଗଣିବା ସହିତ ତିନିମାସ ପାଇଁ ରଦ୍ଦ ହୋଇଯିବ ଲାଇସେନ୍ସ
ପ୍ରଥମ କରି କୌଣସି ସ୍ଥାନକୁ ଯାତ୍ରା କରିବା ସମୟରେ ଗୁଗଲ ମ୍ୟାପ ଏକ ବନ୍ଧୁ ଭଳି ସହାୟତା କରିଥାଏ । ଯାହାଦ୍ୱାରା ଅତି ସହଜରେ ଆମେ ଆମର ଗନ୍ତବ୍ୟସ୍ଥଳରେ ପହଂଚିପାରିଥାଉ । ଆଉ ଏହି କାରଣରୁ ହିଁ ଗୁଗଲ ମ୍ୟାପର ଲୋକପ୍ରିୟତା ଏବେ ବୃଦ୍ଧିପାଇଛି । ହେଲେ ଏବେ କିନ୍ତୁ ଏହି ଗୁଗଲ ମ୍ୟାପ ଲୋକଙ୍କ ପାଇଁ କାଳ ସାଜିଛି । କାରଣ ଏଥିପାଇଁ ଅନେକ ସଡକ ଦୁର୍ଘଟଣା ଘଟିଥିବା ବର୍ତ୍ତମାନ ସାମ୍ନାକୁ ଆସିଛି । ଯାହାକୁ ଦୃଷ୍ଟିରେ ରଖି ଚଣ୍ଡିଗଡ ପୋଲିସ ପକ୍ଷରୁ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗୁଗଲ ମ୍ୟାପ କାରଣରୁ ଘଟୁଥିବା ଦୁର୍ଘଟଣାକୁ ଆଖି ଆଗରେ ରଖି ଚଣ୍ଡିଗଡ ପୋଲିସ ପକ୍ଷରୁ କଠୋର ନିଷ୍ପତି ନେଇଛି । ତେବେ ଏହି ନିଷ୍ପତି ଅନୁସାରେ ଯଦି କୌଣସି ବ୍ୟକ୍ତି ଗାଡି ଚଲାଉଥିବା ସମୟରେ ଗୁଗଲ ମ୍ୟାପ ବ୍ୟବହାର କରୁଥିବାର ନଜର ଆସନ୍ତି ତେବେ ଆଉକ୍ତ ବ୍ୟକ୍ତି ବିଶେଷଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଦିଆଯିବ । ଏପରିକି ଉକ୍ତ ବ୍ୟକ୍ତି ବିଶେଷଙ୍କୁ ଏଥିପାଇଁ ମୋଟା ରକମର ଜରିମାନା ଦେବା ସହତି ତାଙ୍କର ଲାଇସେନ୍ସକୁ ମଧ୍ୟ ରଦ୍ଦ କରାଯାଇପାରେ । ତେବେ ଏହି ନିମୟ ଯାତ୍ରୀବାହୀ ଗାଡ଼ି ଓ ତଳସ୍ତର ଡ୍ରାଇଭର ଉପରେ ମଧ୍ୟ ଲାଗୁ କରାଯିବ ।
ଚଣ୍ଡିଗଡ଼ର ଟ୍ରାଫିକ ପୁଲିସଙ୍କ କହିବାନୁସାରେ, ତାଙ୍କୁ ଟ୍ରାଫିକ ହେଲ୍ପଲାଇନରେ ଅନେକ ଅଭିଯୋଗ ମିଳିଛିି, ଯେଉଁଥିରେ ଡ୍ରାଇଭିଂ କରିବା ସମୟରେ ଗୁଗଲ ମ୍ୟାପ ଦେଖିବା ଆଇନ ବିରୋଧ ବୋଲି ଅଭିଯୋଗ ଆସିଛି । ରିପୋର୍ଟ ଅନୁସାରେ, ଡ୍ରାଇଭିଂ ସମୟରେ ମୋବାଇଲ କଥାବାର୍ତ୍ତା ହେଲେ ଟ୍ରାଫିକ୍ ପୁଲିସ ସେମାନଙ୍କ ଠାରୁ ଚାଲାଣ କାଟିବା ସହିତ ଜରିମାନା ମଧ୍ୟ ଆଦାୟ କରିବେ । ତେଣୁ ଏଣିକି ଯଦି କୌଣସି ବ୍ୟକ୍ତି ଗାଡ଼ି ଚଲାଉଥିବା ସମୟରେ କଥାବର୍ତ୍ତା ହେଉଥିବାର ନଜର ଆସନ୍ତି ତେବେ ତାଙ୍କୁ ୧୦୦୦ ଟଙ୍କା ଚାଲାଣ କାଟିବା ସହ ତିନିମାସ ପାଇଁ ତାଙ୍କର ଲାଇସେନ୍ସ ରଦ୍ଦ କରିଦିଆଯିବ ।