ପବିତ୍ର ଅକ୍ଷୟ ତୃତୀୟା ଅବସରରେ ସୁନା କିଣିବାକୁ ଚାହୁଁଛନ୍ତି କି? ତେବେ ଏଠାରେ ମାତ୍ର ୧ ଟଙ୍କା ଦେଇ କିଣନ୍ତୁ ନିଜ ମନପସନ୍ଦର ଅଳଙ୍କାର
ପବିତ୍ର ଅକ୍ଷୟ ତୃତୀୟା ଅବସରରେ ଯଦି ଆପଣ ସୁନା କିଣିବାକୁ ଚାହୁଁଛନ୍ତି ଆଉ ଏଥିପାଇଁ ଆପଣଙ୍କ ନିକଟରେ ଅର୍ଥର ଘୋର ଅଭାବ ରହିଛି ତେବେ ଆଦୌ ଚିନ୍ତା କରନ୍ତୁ ନାହିଁ । କାରଣ ଆଜି ଆମେ ଯେଉଁ ଖବରଟି ଦେବାକୁ ଯାଉଛୁ ତାହା ଆପଣଙ୍କର ଏହି ସବୁ ସମସ୍ୟାଟିକୁ ଚୁଟକିରେ ଦୂର କରିଦେଇପାରେ । ଆଜ୍ଞା ହଁ ! ଆପଣଙ୍କ ନିକଟରେ ଯଦି ସୁନା କିଣିବା ପାଇଁ ବର୍ତ୍ତମାନ ଟଙ୍କା ନାହିଁ ତେବେ ସୁନା କିଣିବାର ସୁଯୋଗ ଦେଉଛି ଭାରତର ଏହି ମଲ୍ଟି ସୋର୍ସ ପେମେଂଟ କଂପାନୀ । ବଡ କଥା ହେଲା ଏଥିପାଇଁ ଆପଣଙ୍କୁ ଖର୍ଚ୍ଚ କରିବାକୁ ହେବ ମାତ୍ର ୧ ଟଙ୍କା । ଆଉ ନିଜ ମନ ମୁତାବକ ସୁନା କିଣିନେଇଯିବେ । ଏବେ ଆପଣଙ୍କୁ ଆମ କଥାଟା ମିଛ ଲାଗୁଥିବ ନିଶ୍ଚୟ । ହେଲେ ଏହା ପୂରା ସତ୍ୟ ଅଟେ ।
Kanak News is now on WhatsApp
Join and get latest news updates delivered to you via WhatsApp
ସର୍ବପ୍ରଥମେ ଏଠାରେ ଆମେ କହି ରଖୁଛୁ କି, ଏହି ସୁବିଧା ଆପଣ କେବଳ ପେଟିଏମ ସର୍ଭିସରୁ ହିଁ ପାଇପାରିବେ । କାରଣ, ଅକ୍ଷୟ ତୃତୀୟା ଅବସରରେ ପେଟିଏମ MMTC Pamp ସହ ହାତ ମିଳାଇ ୨୪ କ୍ୟାରେଟ ସୁନା କାରବାର ଏକ ନୂଆ ସୁବିଧା ଆରମ୍ଭ କରିବାକୁ ଘୋଷଣା କରିଛି । ଯଦି ଆପଣ ବି ପେଟିଏମରୁ ସୁନା କିଣିବାକୁ ଚାହୁଁଛନ୍ତି ତେବେ ନିମ୍ନରେ ଆମେ ଆଲୋଚନା କରିଥିବା ଖବରଟିକୁ ସଂପୂର୍ଣ୍ଣ ପଢନ୍ତୁ ।
ପେଟିଏମ ଗୋଲ୍ଡ: କଂପାନୀ ମାତ୍ର ୧ ଟଙ୍କାରେ ସୁନା କିଣିବାର ବିକଳ୍ପ ଦେଇରଖିଛି । ଡିଜିଟାଲ ଗୋଲ୍ଟ ନାଁରେ ଆରମ୍ଭ ହୋଇଥିବା Wealth Management ର ଏହା ଏକ ନୂଆ ଯୋଜନା ଅଟେ ।ଏହି ଯୋଜନା ଅନୁସାରେ ଆପଣ ବର୍ଷର କୌଣସି ଦିନ ଏବଂ କୌଣସି ବି ସମୟରେ ପେଟିଏମର ମୋବାଇଲ ଆପକୁ ଯାଇ ଡିଜିଟାଲ ତରିକାରେ ସୁନା କିଣିପାରିବେ । ଏହାକୁ ଆପଣ ଚାହିଁଲେ ଟଙ୍କାରେ କରିପାରିବେ କିମ୍ବା ଓଜନ ଅନୁସାରେ ବି କିଣିପାରିବେ । ଅନ୍ତରାଷ୍ଟ୍ରିୟ ବଜାରରେ ସୁନା କିଣିଥିବା ସମୟର ପ୍ରଚଳିତ ଦାମରେ ହିଁ ସୁନାର ବିକ୍ରି ହେବ ଆଉ ଆପଣ ଯେତେ ଚାହିଁବେ ସୁନା କିଣିବା ପାଇଁ ପେମେଂଟ କରିପାରିବେ ।
ସେହିପରି ପେଟିଏମ ଗୋଲ୍ଡ ବ୍ୟତୀତ ବୁଲିୟନ ଇଣ୍ଡିଆ ମଧ୍ୟ ଜନତାଙ୍କୁ ଏହି ସୁବିଧା ଦେଇରଖୁଛି । ଆପଣ ଏଠାରେ ମଧ୍ୟ ଅତି କମରେ ତଥା ୧ ଟଙ୍କାରେ ସୁନା କିଣିପାରିବେ । ଏଥିପାଇଁ ଆପଣଙ୍କୁ ବୁଲିୟନ ଇଣ୍ଡିଆରେ ନିଜର ଏକ ଆକାଉଂଟ ଖୋଲିବାକୁ ପଡିବ । ପେଟିଏମ ଗୋଲ୍ଡ ଭଳି ହିଁ ବୁଲିୟନ ଇଣ୍ଡିଆ ବି ଗ୍ରାହକଙ୍କୁ ସୁନାର ହୋମ ଡେଲିଭରୀର ସୁବିଧା ଦେଇରଖୁଛି ।
ଇଏମଆଇରେ କିଣନ୍ତୁ ସୁନା: ଆପଣ ଚାହିଁଲେ କିସ୍ତିରେ ବି ସୁନା କିଣିପାରିବେ । ମୁଥୁଟ ଫାଇନାନ୍ସ ଏବଂ ତନିସ୍କ ସମେତ ଅନେକ ଜ୍ୟୁଏଲାରୀ ସପ ଗ୍ରାହକଙ୍କୁ ଏଭଳି ବିକଳ୍ପ ଯୋଗାଇ ଦେଉଛନ୍ତି । ତନିସ୍କ ନିଜର ଗୋଲ୍ଡ ହାଭେଷ୍ଟ ସ୍କିମ ଆଧାରରେ ଗ୍ରାହକଙ୍କୁ ଇଏମଆଇରେ ସୁନା କିଣିବାର ସୁଯୋଗ ଦେଉଛି । ଯେଉଁଠି ଆପଣ ଆରାମରେ ସୁନା କିଣିପାରିବେ ।
ସୌଜନ୍ୟ: ନ୍ୟୁଜ୍-୧୮