ଦୀପାବଳୀରେ ଫୁଟାଇ ପାରିବେ ବାଣ ! ସୁପ୍ରିମକୋର୍ଟ ଦେଇଥିବା ନିର୍ଦ୍ଦେଶରେ ଆଣିଲେ ପରିବର୍ତ୍ତନ, ଜାଣନ୍ତୁ କେତେ ସମୟ ପାଇଁ ଫୁଟିବ ବାଣ
ଦୀପାବଳୀରେ ଫୁଟାଇ ପାରିବେ ବାଣ !
ନିକଟରେ ଦେଶବ୍ୟାପୀ ବାଣ ବିକ୍ରୀ ନେଇ ସୁପ୍ରିମକୋର୍ଟ ବଡ ରାୟ ଦେଇଥିଲେ । ଯେଉଁଥିରେ ବାଣ ବିକ୍ରି ଉପରେ ସମ୍ପୂର୍ଣ୍ଣ କଟକଣା ନଲଗାଇ ସର୍ତମୂଳକ ଭାବେ ବାଣ ବିକ୍ରୀ ପାଇଁ ଅନୁମତି ଦେଇଥିଲେ । ସେହିପରି ଦୀପାବଳୀରେ ମାତ୍ର ଦୁଇଘଂଟା ପାଇଁ ରାତି ୮ଟାରୁ ୧୦ଟା ଯାଏଁ ବାଣ ଫୁଟାଯାଇପାରିବ । ସେହିଭଳି ଖ୍ରୀଷ୍ଟମାସ ଓ ନୂଆବର୍ଷରେ ରାତି ୧୧ଟା ୪୫ରୁ ୧୨ଟା ୧୫ ମାତ୍ର ଅଧଘଂଟା ପାଇଁ ବାଣ ଫୁଟାଯିବା ସହ କେବଳ କମ୍ ପ୍ରଦୂଷଣ କରୁଥିବା ସବୁଜ ବାଣକୁ ବିକ୍ରୀ କରିବାକୁ ଅନୁମତି ଦେଇଥିଲେ କୋର୍ଟ । ହେଲେ ସୁପ୍ରିମକୋର୍ଟ ଦେଇଥିବା ଏହି ନିର୍ଦ୍ଦେଶରେ ଏବେ ପରିବର୍ତ୍ତନ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ଖବର ମୁତାବକ, ଉଚ୍ଚତମ ନ୍ୟାୟାଳୟ ଦୀପାବଳୀରେ ବାଣ ଫୁଟାଇବା ପାଇଁ ଯେଉଁ ସମୟସୀମା ଧାର୍ଯ୍ୟ କରିଥିଲେ ସେଥିରେ କିଛି ପରିବର୍ତ୍ତନ ଆଣିଛନ୍ତି । କୋର୍ଟ କହିଛି କି, ତାମିଲନାଡୁ, ପଣ୍ଡୁଚେରୀ ଭଳି ସ୍ଥାନରେ ବାଣ ଫୁଟାଇବାର ସମୟରେ ପରିବର୍ତ୍ତନ ହେବ, ହେଲେ ଏହି ଅବଧି ଦିନରେ ଦୁଇ ଘଂଟାରୁ ଅଧିକ ହେବ ନାହିଁ ।
ଉଚ୍ଚତମ ନ୍ୟାୟାଳୟ କହିଛନ୍ତି କି, ଦୀପାବଳୀରେ ସବୁଜ ବାଣର ବ୍ୟବହାର ଉପରେ ଦିଆଯାଇଥିବା କୋର୍ଟର ନିର୍ଦ୍ଦେଶ ଦିଲ୍ଲୀ-ଏସସିଆର ପାଇଁ ଥିଲା । ଭାରତର ସବୁ ରାଜ୍ୟମାନଙ୍କ ପାଇଁ ନୁହେଁ । କୋର୍ଟ କହିଛି କି, କେବଳ ତାମିଲନାଡୁରେ ହିଁ ଦୀପାବଳୀ ଦିନ ସକାଳ ସମୟରେ ବାଣ ଫୁଟାଇପାରିବେ । ଏଥିସହିତ ହିଁ କୋର୍ଟ ବାଣର ଷ୍ଟକ୍ ୨ ସପ୍ତାହରେ ଶେଷ କରିବାର ସମୟ ସୀମାକୁ ବଢାଇବାକୁ ବି ମନା କରିଦେଇଛନ୍ତି ।