ଜରୁରୀ ସୂଚନା: ୨ଶହ ଓ ୨ ହଜାର ଟଙ୍କିଆ ଏହି ନୋଟ୍ ଏଣିକି ବ୍ୟାଙ୍କରେ ହୋଇପାରିବନି ଜମା….ପଢନ୍ତୁ ପୂରା ମାମଲା
ଯଦି ଆପଣଙ୍କ ନିକଟରେ ୨ ଶହ ଏବଂ ୨ ହଜାର ଟଙ୍କିଆ ମଇଳା ନୋଟ୍ ରହିଛି ତେବେ ଆପଣଙ୍କ ପାଇଁ ସମସ୍ୟା ସୃଷ୍ଟି ହୋଇପାରେ । କାରଣ ଏହିସବୁ ନୋଟଗୁଡିଚୁ ନା ହିଁ କୌଣସି ବ୍ୟାଙ୍କ ଗ୍ରହଣ କରିବ ନା ହିଁ ବଦଳାଇବ । ଯାହାର ମୁଖ୍ୟ କାରଣ ହେଲା, କରେନ୍ସି ନୋଟ୍ ଏକ୍ସଚେଂଜ ସହ ଜଡିତ ନିୟମ ପରିସରରେ ଏହି ନୋଟ୍ ଗ୍ରହଣ କରାଯିବା ନେଇ କୌଣସି ବି ଠାରେ ଉଲ୍ଲେଖ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଚିରା ଫଟା କିମ୍ବା ମଇଳା ହୋଇଯାଇଥିବା ନୋଟର ଏକ୍ସଚେଂଜ ଭଳି ମାମଲା ଆରବିଆଇ (ନୋଟ୍ ରିଫଣ୍ଡ) ଆଇନ ପରିସରରେ ଆସିଥାଏ । ଯାହାକି ଆରବିଆଇ ଆକ୍ଟର ଧାରା ୨୮ର ଏକ ଅଂଶ ଅଟେ । ତେବେ ଏହି ଆକ୍ଟରେ ୫, ୧୦,୫୦,୧୦୦ ଏବଂ ୫୦୦ ଟଙ୍କିଆ ନୋଟ୍ ସଂପର୍କରେ ଉଲ୍ଲେଖ ରହିଛି ସତ କିନ୍ତୁ ଏହି ଧାରାର କୌଣସି ବି ଠାରେ ୨୦୦ ଏବଂ ୨୦୦୦ଟଙ୍କିଆ ନୋଟ୍ ସଂପର୍କରେ ଆଲୋଚନା କରାଯାଇନାହିଁ । ଯେଉଁ କାରଣରୁ ଉଭୟ ସରକାର ଏବଂ ଆରବିଆଇ ଏହାର ଏକ୍ସଚେଂଜ ଉପରେ ଲାଗୁ ହୋଇଥିବା ନିୟମକୁ ବଦଳାଇ ନାହାଁନ୍ତି ।
ଆରବିଆଇ ବନ୍ଦ କଲା ୨୦୦୦ଟଙ୍କା ନୋଟ୍ ଛପା
ଗଣମାଧ୍ୟମରେ ପ୍ରକାଶ ପାଇଥିବା ସୂଚନା ଆଧାରରେ, ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ୨୦୦୦ ଟଙ୍କିଆ ନୋଟ୍ ଛପାଇବା ବନ୍ଦ କରିଦେଇଛି । ଏହି ବଡ଼ ନୋଟ୍ ବଦଳରେ ଆରବିଆଇ ପକ୍ଷରୁ ନୂଆ ୨୦୦ ଓ ୫୦୦ଟଙ୍କିଆ ନୋଟ୍ ଅଧିକ ଛପା ହେଉଛି ବୋଲି ମିଳିଥିବା ସୂଚନାରୁ ଜଣାପଡିଛି ।
ଗତବର୍ଷ ବିମୁଦ୍ରାକରଣ ପରେ ଅଚଳ ହୋଇଯାଇଥିବା ପୁରୁଣା ୫୦୦ ଏବଂ ୧୦୦୦ ଟଙ୍କିଆ ନୋଟ ବଦଳରେ ନୂଆ ୫୦୦ ଏବଂ ୨୦୦୦ ଟଙ୍କିଆ ନୋଟ୍ ଛପା ହୋଇଥିଲା । ମୋଟ ୩୭୦ କୋଟି ଖଣ୍ଡ ୨୦୦୦ ଟଙ୍କିଆ ନୋଟ୍ ଛପା ହୋଇଥିଲା । ବିମୁଦ୍ରାକରଣ ଅବଧି ଶେଷ ହେବା ପରେ ସରକାର ଅଧିକ ୫୦୦ ଟଙ୍କିଆ ଛାପିବା ଉପରେ ଜୋର ଦେଇଥିଲେ । ବର୍ତ୍ତ ମାନ ସୁଦ୍ଧା ଆରବିଆଇ ୧୪୦୦ କୋଟି ଖଣ୍ଡ ନୂଆ ୫୦୦ ଟଙ୍କିଆ ନୋଟ୍ ଛାପିଛି । ଯେତିକି ନୋଟ୍ ଛପା ହୋଇଛି ତାହାର ୯୦% ହେଉଛି ନୂଆ ୫୦୦ ଟଙ୍କିଆ ନୋଟ୍ । ବିମୁଦ୍ରାକରଣ ଘୋଷଣା ହେବା ପୂର୍ବରୁ ଦେଶରେ ୧୭.୭ ଲକ୍ଷ କୋଟି ଟଙ୍କାର ନୋଟ୍ ପ୍ରଚଳନରେ ଥିଲା । ବିମୁଦ୍ରାକରଣ ପରେ ୮୬% ନୋଟ୍ ଅଚଳ ହୋଇଯାଇଥିଲା । ସେହି ସ୍ଥାନରେ ଜୁଲାଇ ୧୨ ସୁଦ୍ଧା ୧୫.୨୨ ଲକ୍ଷ ଟଙ୍କାର ନୋଟ୍ ଭର୍ତ୍ତି କରାଯାଇଛି ।
ସୌଜନ୍ୟ: ପଂଜାବ କେଶରୀ